السلام عليكم
نوينا نبني ارض الوالدة وبسوي الخريطة عند مكتب الفن والهندسة وقالي تقريبا بسويها لك ب14000
اولا شرايكم في المكتب بشكل عام وهل اخليه يشرف على البنيان ولا
اخوكم عليمي ومابي ينضحك علي احس اني ضايع مب عارف شنو اسوي
بالنسبة لين جيت ابني هل يكون بينا عقد متى ينتهي البنيان ومثلا لو ابي المقاول يسلمني البيت تسليم مفتاح مشطب هل مبلغ البناء يندفع بالكامل ولا على دفعات واذا تخلفت انا عن الدفعات مثلا هل علي اي شيء
اتمنى الافادة
,
,
مرحبا
اخوي الكريم
خرعتنا لما قلت وهقه
ما اخبر هذا المكتب يوهق الناس
مكتب الفن والهندسه لنا تعاملات كثيره معاه
وخاصه المهندس ( اسامه ) رجال ولد حلال وينصح واخلاق عاليه
اترك العقد وترتيب الدفعات الاستشاري يسويها لك
والمبلغ يندفع على شكل دفعات
اذا ما عندك خبره مثل ماهو باين من اسئلتك
خل المكتب هو يسوي الخريطه وهو الاستشاري
باذن الله بيرتبون لك امورك بالطريقه الصحيحه
والعقد والاتفاقيات خلها عن طريقهم
انت امسك في قميص ( المهندس اسامه )
وامورك بتكون طيبه
ههههه
اخر خريطتين انا مسويهم عنده وقربت الفلل تخلص
قبل سنه تقريبا ولنا زياره له قريب في خرائط اخرى
ان شاء الله
,
,
اخوك
شموخ دائم
التعديل الأخير تم بواسطة شموخ دائم ; 28-02-2013 الساعة 12:09 PM
نصحية اخويه
الاشراف يكون على مكتب ثاني غير المصمم
لسبب مهم جدا
الاستشاري المشرف بيكشف لك الاخطاء الي عملها لك المصمم
خبرك مناحس الماكتب مع بعض وكل واحد يتصيد لثاني و يثبت لك الغلط
و انت الكسبان في الموضوع
اما بخصوص السعر اتوقع وااايد معقول السعر
أكبر غلط يا اخوي انك تشوف استشاري ثاني يشرف .. إلا في حالة وحده إن الإستشاري المصمم تحس به ضعيف ومحصل إستشاري مشرف جيد وبيعدل على المواصفات والمخططات للأفضل.المشاركة الأصلية كتبت بواسطة bozizoo
بس شرط تطلب يدرس الخرائط ويعطيك ملاحظاته ورايه مكتوب ويذكر لك وشو بيكون التعديل، حتى تقدر تروح لشخص ثالث يدقق على المكتب الثاني .. لأن أوقات بعض المكاتب يسون لك تمثيلية وجس نبض حتى يبدأ اللعب على مستوى بعدين.
والإستشاري المشرف الشاطر يسوي لك تعديلات قبل العقد .. وإنسى جملة حنعملها بعدين .. ويوفر لك ويقترح لك بدائل تكون عملية ورخيصة ويعدل على المواصفات للأفضل والأوفر ويجهز لك النواقص من وثائق المناقصة، ويحط تفاصيل بعض الأُمور الفنية الناقصة وبعدها يسوي لك مناقصة صح ويدعي مقاولين إنت مرتاح لهم ومقاولين هو عارف شغلهم ومرشحهم لك، وبعدها يحلل لك المناقصة بطريقة مهنية ويرشح لك الأفضل ويعطيك الفرصة تختار اللي يناسبك، وهذي الأشياء البسيطة لاحظت إستشاريين أقدر أسميهم " زطاطوه " حتى الخرايط يعطونها المالك يطبع كم نسخه للمناقصة وجنهم يشتغلون خدمه ببلاش للملاك، ويخلونه يخلص متطلبات الدفاع المدني ويشربكونه مع كم جهة ويعقدون الأُمور بدال تسهيلها وتأدية واجبهم على أفضل وجه.
كنت متوقع ترد علي,
,
مرحبا
اخوي الكريم
خرعتنا لما قلت وهقه
ما اخبر هذا المكتب يوهق الناس
مكتب الفن والهندسه لنا تعاملات كثيره معاه
وخاصه المهندس ( اسامه ) رجال ولد حلال وينصح واخلاق عاليه
اترك العقد وترتيب الدفعات الاستشاري يسويها لك
والمبلغ يندفع على شكل دفعات
اذا ما عندك خبره مثل ماهو باين من اسئلتك
خل المكتب هو يسوي الخريطه وهو الاستشاري
باذن الله بيرتبون لك امورك بالطريقه الصحيحه
والعقد والاتفاقيات خلها عن طريقهم
انت امسك في قميص ( المهندس اسامه )
وامورك بتكون طيبه
ههههه
اخر خريطتين انا مسويهم عنده وقربت الفلل تخلص
قبل سنه تقريبا ولنا زياره له قريب في خرائط اخرى
ان شاء الله
,
,
اخوك
شموخ دائم
الله يجزاك خير
عيل شكلي بكنسل الي رحت له وبمسك في اسامة
ماقصرت ياخوي والله يرحم والديك
[QUOTE=معماري قطري;8755844][size="6"][color="blue"]أكبر غلط يا اخوي انك تشوف استشاري ثاني يشرف .. إلا في حالة وحده إن الإستشاري المصمم تحس به ضعيف ومحصل إستشاري مشرف جيد وبيعدل على المواصفات والمخططات للأفضل.
اخوي معاماري لتوضيح و الاستفاده
انت ذكرت اكبر غلط فقط
لكن
ماذكرت الغلط شنهو
[QUOTE=Bozizoo;8755919]الغلط يالغالي لو رحت عند إستشاري من بياعين الكلام وبدأ اللعب معاك كل شوي الا غير ذيه أو سو هشكل وكل شوي يطلع لك بفكره يفر راسك ويخليك تدفع مبالغ خيالية له فيها عمولات صدقني ما تتخيلها.
لكن مثل ما قلت لو رحت للأفضل ودرس الخرائط وعطاك رايه قبل التوقيع معاه وصفيتوا على تعديلات الوضع الأخير، مؤكد بيكون أفضل، بشرط يكون ملتزم ومدقق المشروع ويتعهد بمتابعته باالتعديلات اللي وصلتوا لها بدون تعديلات على طول بنيان المشروع والمالك كله يدفع الفرقية.
وبعدين هذي طريقة التنقيص في المكتب المصمم تحصلها دوم عند مكاتب العرب ويحاولون يهولون لك الموضوع علشان يخلونك تدفع.
وطبيعي الأفضل لك والأسلم تسوي كل شيء عن طريق استشاري واحد .. التصميم واعداد المواصفات وحساب الكميات .. إن وُجِد .. والمناقصة والإشراف.
تعقيب بسيط
حتى بعض الإستشاريين المشرفين والغير مصممين لو يحصل المقاول لبس أو خطأ ويطلب فلوس للتعديل بيقول لك الإستشاري المشرف بكل بساطة " مش أنا اللي مصمم يا فندم " ولا بيقهرك صج لين قال أنا كنت شايف الخطأ بس سكت، وأي شء يتنصل منه إن هو ما صمم مشرف فقط.
وأكيد مرت هذي الحالات على الكثيرين أتمنى يذكرون تجربتهم هنيه.
لا وهقة ولا شي أنت رحت للمكتب المناسب
مكتب الفن والهندسة من مكاتب الفئة الوسط
ويتميز من خلال وجود ومتابعة المهندس أسامة لطلبات الزبون
وأخلاقة العالية في التعامل والاستماع لرغبة الزبون وما يفرض عليه
تصميم معين أو نمط معين وبخبرته الكبيرة يقدر يحل أي مشكلة أو تعديل
خلال سير مراحل المشروع.
انا تعاملت مع المكتب لسنوات عديدة وصممت عندهم العديد من التصاميم لكثير من المشاريع
سواء الفيلا السكنية الخاصة بي او المشاريع التجارية الأخرى.
بس أنصحك لما تخلص الاسكتش النهائي وقبل ما تبتدي في المراحل
المتقدمة من التصميم تسوي الآتي :
أولا : مراجعة نقاط الكهرباء والهاتف بكل مساحة من المساحات مثل الصالات
والمجلس والغرف والمطابخ بحث توضع في أماكن مناسبة وتتناسب مع وضع الأثاث في المستقبل يعني ما تلقى سويتش الاضاءة خلف الكبت او فيشة الهاتف وراء السرير الخ.
ثانيا : إذا كنت ناوي تسوي تكييف دكت سلبيت المخفي خلهم يرفعون لك السقف لمستوى لايقل عن 4 أمتار مع وضع جسور السقف بشكل مخفي وليس ساقط لتسهيل مرور دكتات التكييف.
ثالثا : أحجام الشبابيك للصالات والغرف تأكد أنها تكون مناسبة وعددها أيضا بكل غرفة بحيث ما تجيك غرفة صغيرة فيها ثلاث شبابيك كبار تضيع عليك المساحة للأثاث.
رابعا : شبابيك الحمامات أعزك الله تأكد انها تكون في وضع لايتعارض مع الشاور أو أي قطع أخرى بالحمام .
خامسا : تأكد من الإرتدادات المناسبة بين الفيلا والملاحق والأسوار عشان تكون عندك مساحة مناسبة لحديقة خلفية مثلا أو كراج للسيارات.
بالنسبة لوجهة النظر فيما يخص الاشراف هناك رأي دائما يقول لاتخلي المصمم هو من يشرف على التنفيذ لأنه لو حدث وصارت أخطاء بسبب عيوب في التصميم راح يخفيها المشرف اذا كان هو المصمم , لكن هذا ينطبق طبعا على المشاريع الكبيرة بعشرات ومئات الملايين.
لكن لمشروع فيلا سكنية وهومشروع بسيط وسهل جدا , طالما المصمم هو من يشرف من السهل حل أي مشكلة تصادفك أثناء التنفيذ لأن المصمم عارف كافة التفاصيل بالتصميم.
بالتوفيق اخوي في مشروعك والله يبارك لك في البيت مقدما.
يُخَاطِبني السَّفيهُ بِكُلِّ قُبْحٍ ******* فأكرهُ أن أكونَ له مجيبا
يزيدُ سفاهة ً فأزيدُ حلماً ******* كعودٍ زادهُ الإحراقُ طيبا
شكرا على التوضيح و المعلومه
ضوابط المشاركة
رد مع اقتباس
