تقرير مصور عن فندق الأنتر فيستيفال دبي 2012
السلام عليكم ورحمه الله وبركاته ،،،
أسعد الله صباحكم ومسائكم بكل خير
عند التفكير في السفر أول شيء نهتم فيه الفندق
فاذا كان أختيار الفندق مميز وموفق كانت السفرة مميزة
ودائماً أعتمد على أختيار الفندق على المكان المحيط فيه
وطبيعة المـود أو السفرة اللي رايح لها
كان الأختيار هالمرة صعــب والخيارات كثيرة لأن كان يهمني الأسترخاء والتمشية وليس التسوق
بين 3 اماكن
فندق pullman mall of the emirates
او فندق الأنتركونينتال ، او الكراون بلازا / مجمع الفيستيفال سيتي
أو الممشى (JBR) في شاطىء الجميرا والخيارات هناك حدث ولا حرج .. من سوفتيل ، وهيلتون ، وامواج روتانا والخ ..
للأسف الحجز كان صعب صادف اجازة السعودية والأمارات .
وقررت أحجز في الأنتركونينتال لأن من أخر سفرة لي عجبني وقلت لازم أجربه .
حجزت ليلتين بـ 1680 ريال من غير فطور عن طريق مكتب توريست - الغرافة .
بشكل عام تقييمي للفندق كالتالي
النظافـــــــــــــة 10/10
المكـــــــــــــان 10/10 ملاصــق لمجمع الفيستيفال سيتي وبينهم مرر ويطل على الخور او المرسى اللي مسوينه .
الخدمـــــــــــة 10/10
الراحـــة والهــدوء 10/10 ( رغم أن اللوبي كان زحمه - بسبب الأجازة )
السعـــــــــر 10/10 مناسب وما دفعت لهم ضرايب وخدمة.
المرة الجاية بجرب الكراون بلاز ..
أترككم مع الصور ..
الصور قليلة .. التصوير من الأيفون ..
ما كان متواجـد معاي على طول ..
وغير عن كذا كان زحمـة عائلات خليجية فكنت انحرج اصور منعاً للمشاكل ..
غرفتنا ..
الممر
الحمام (اعزكم الله )
مقسم ثلاث اقسام وله بابين للدخول ..
ومرتب بشكل مميز ..
من الغرفة ..
نشوف محلات IKEA
تجمع سيارات قريب من الفندق في ساحــة وكلها سيارات سبورت
الفندق فالليل ..
وبجنبه الكراون بلاز ..
/
/
ممشى حلو خارج الفندق لين المرسي الخاص بالقوارب ومهبط للهوليكبتر للي حاب ياخذ جولة فيها
بالتنسيق مع مكتب الرحالات اللي في الفندق سألت عليها السعر غالي نوعاً ما 15 دقيقة بـ 1000 ريال و 25 دقيقة طيران بـ 1500 ريال ..
نشوف المرسى مطله عليه المطاعم اللي عددها كبير ومنوع .. بحيث الواحـد يحتار شنو يختار منها ..
يتبع
|
رد مع اقتباس
المشاركة الأصلية كتبت بواسطة تحداني الزمن
