الجديد في عالم المطابخ والحمامات وتصميماتها

[معماري قطري]

بانقل لكم هنا المقال كامل مع التصميم لدورة المياه هذي .. ما حبيت إعطاء البانيو عمق كبير والسبب هو احتمالية السقوط والعرقلة لنا احنا كبار السن كشكل ممكن يطلع زين



الخلاصة في المربع الداكن

موقع الحوض وايد زين هنا وماشي حلو مع الدرايش



حبيت تصميم المغسلة مستغل المساحة بين المغسلة والمراية في الكسرة المنارة بس لو جات المراية سيدة بعد حلوة ممكن تكون بارزة قليل مع إنارة مخفية وكأنها تبين لي بإنارة وقصدي انا ضروري المراية يجي لاصق وراها لوح خشب ملصوق عدل لحمايتها من الرطوبة والأطراف ممكن ستانلس ستيل يركب بسيليكون للحماية أيضاً ولإعطاء حواف بارزة وجميلة



وهذي دورة مياه بسقف مقوس وكل شيء دبل ما عدا البانيو

[sara jsm]

احب البانيو لين صار جنب الدرايش الكبيرة ..
فندق دبل تري الدوحة هالشكل واضاءة الشمس تعطي وسع للمكان ..
اللون الابيض ملكي في الحمامات ..

[sara jsm]

والله أمس مريت فرع فيلاجيو ما دققت .. انا اتوقع سعود عارف إنج عادي توصلين الحسا تشترين جراخية حق عيالج يسندرون الناس ويحتفلون بتخرجهم من الروضة قال عادي بتحوط قطر كلها وبتعرف .. إحنا مفلسين ولا فكرنا نشتري فلوسنا كلها لهدف سامي اللي هو السفر

[معماري قطري]

احب البانيو لين صار جنب الدرايش الكبيرة ..
فندق دبل تري الدوحة هالشكل واضاءة الشمس تعطي وسع للمكان ..
اللون الابيض ملكي في الحمامات ..

سويتها حق بيت ولدي الجزء التحتي مرمل والفوقي شفاف ينفتح .. بارتفاع 50 سم وللغرف طوال ونازلين



كنت ساكن في شقة في منطقة بين سياتل وتاكوما في ولاية واشنطن على حدود كندا تقريباً يمكن ساعة نوصل كندا .. والولاية باردة ويجيها ثلج وكان عندي الحمام دريشته بكامل الارتفاع من حافة البانيو لين السقف مب شفافة مرملة بس مقابلة شرق وأول الصبح تدخل الشمس تنور المكان كله ووقت البرد تعطي دفء حلو .. الشقة حصلت شهادات أذكر حاطين لها لوحة انه تصميم انترير فايز بمركز نسيت كم بس كانت ألوانها بنفسجي ووردي وشوي فوشي درجات كل جدار لون غير وفيه جرأة غير طبيعية في التصميم

[سالم الزهران]

صباح الخير بو عبد الله، ما ابالغ اذا قلت الحمامات تكرمون من ابرز اقسام البيت اللي تبين جودة تصميمه وذوق راعيه. معليش المجلس والصالة هذي شغلات ما فيها كمية الابداع اللي نشوفه بالتواليتات.

[معماري قطري]

صباح الخير بو عبد الله، ما ابالغ اذا قلت الحمامات تكرمون من ابرز اقسام البيت اللي تبين جودة تصميمه وذوق راعيه. معليش المجلس والصالة هذي شغلات ما فيها كمية الابداع اللي نشوفه بالتواليتات.

صباح النور والسرور إخوي بو زيد .. كلامك صحيح هي أماكن ضيقة وصغيرة وتحتاج شوية ترتيب وشراحة .. المطابخ بعد مكان محوري المفروض لتجمع العائلة والمطبخ الخارجي عندنا مكان خاص بالخادمات أكثر واتصاله مع الداخلي ووترتيبه صح بشراحة بعد شيء مهم .. بالنسبة للدرايش الكبيرة والطولية ستارة بسيطة ألمنيوم أو خشب تكفي مع الزجاج العاكس للنهار وفيه الزجاج اللي يتعتم كهربائياً

عندي دورة مياه صغيرة مركب لها ستارة عادية قماش من بنيت البيت من 18 سنة للحين ما تغيرت ولا تأثرت ومسوي الدريشة نازلة شوي فوق خزان الكرسي اللي أصلاً عادي مب المعلق ونازل هو والدريشة غائرة في الجدار اللي بسمك 45 سم مع البلاستر أعتقد لحدود 30 سم فمستوية محمية من الخارج بكسرة خفيفة ومن الداخل بكسرة أكبر تكفي لإصيص زراعة .. لازم يكون عندنا فكر شوي