سامحوني على التأَخير في مواصلة عرض باقي أَقسام حوض السباحة ومرافقه اللي تم عرض
صور له سابقاً، واليوم أَواصل بنقل صور الجزء العلوي والمحتوي على المجلس في أغلب المساحة .. وهذي صور له.
والمجلس جاي بشكل مثمن لكن مستطيل واطلالته على حديقة اسباير والفندق، ومثل ما ذكرت الخبرة في البناء لعبت دور في التصميم واللي مثل ما ذكر لي المالك وهو مقاول قطري .. إِن التصميم تغير على أَرض الواقع كثير بزيادة البيسمنت وحوض السباحة وتطوير كبير
بروز المجلس نحو الخارج وارتفاعه وقربه من الشارع ترك المجال لرؤية الحديقة بدون انقطاع أَثناء مرور السيارات مفتوح.
مثل ما ذكرت في السابق يوجد مطعم ومطبخ خلف المجلس وكذلك حلاق مع مكان مخصص للمساج .. ولم يكتمل تشطيب باقي المنطقة وهذه صورة للمطبخ ومكان البوفيه وتسخين الطعام.
وهذا مكان الحلاقة .. والحمد لله بو محمد صاحب المجلس سجلني عضو .. يعني بكره من قريب أَوصل مجلسه وأَحلق .. وهو جار شوي بعيد حول كيلوين بيني وبينه ويمكن أَقل.
مبين المراية ما تركبت للحين في الصورة اللي فاتت.
حركة أَرفف الزاوية هذي خطيرة ومبتكرة.
الطول والتقارب في العرض يعطي قرب في الجلوس وحميمية.
ما شاء الله النوافذ اللي في الواجهة تم عملها بفريم بسيط حتى ما تعيق الرؤية.
برج اسباير يبين قريب.
وهذي الصورة ما لها دخل نهائياً في الموضوع ومن ربعنا في تامبا .. العيال الله يحفظهم مستانسين بام صجمه.