الجديد في عالم المطابخ والحمامات وتصميماتها

[sara jsm]

ذكرتني القطع بمحل (كوهلر) عندهم قطع فريدة وجميلة ..
عالقوة بوعبدالله

[معماري قطري]

صحيح إختي الصناعة تتطور وكل شوي تطلع شركات جديدة ودول جديدة تدخل هذي الصناعة وبعضها بقوة وشغل راقي وتصاميم حديثة .. حتى الدول العربية منها مصر والمغرب عندهم سيراميك نقش يدوي ينباع بغالي برا وفي اوروبا

المصانع تحتاج مواد أولية وسوق كبير وطاقة وإذا كلها متوفرة في دول مثل العراق وايران وباكستان والهند وغيرها مثل حتى دول الخليج العملية سهلة للانتاج والانتاج المتميز

[معماري قطري]

تشكيلة جاهزة لفتحة تصريف الشور ورف الصابون



مقال دعائي مفيد عن طريقة تصميم الأدراج





هذا مطبخ أنقله لكم مع مقاله .. الذهبي والأبيض والأزرق خليط متناسق ما شاء الله





هذا من فلوريدا .. أبيض وبيج وكروم



مقال عن غرف الغسيل وتطورها ومعداتها وهذا بخصوص البيت الأمريكي .. عندنا يمكن الغالبية يعملونها تابعة للملحق وتنفتح على الحوش حتى يتم نشر الملابس .. المهم هو تجهيزها بجهاز غسيل وكي بالبخار وهذا الحين سهل ومتوفر ومنه أنواع وتجهيزها بكبتات تخزين مؤقت وحتى ممكن طويل .. منطقة كوي الملابس مب مهمة المساحة المهم ترتيبها صح وبتجهيزات صح





مطبخ

[معماري قطري]

راس الشور ابتكار جديد







مجموعة منتجات جديدة شرحها جنب الصور

[sara jsm]

رووعة ماشاءالله .. الالوان رايقه ..*

[معماري قطري]

رووعة ماشاءالله .. الالوان رايقه ..*

الله يروق مزاجج دوم

واحد من الربع يبي يفتح مشروع للقطع الفريدة ذي من حول العالم .. بس صدمني ذوقه يوم شفت لستة قطع وتكلفتها كان مفكر في كونتينر من تركيا .. المشكلة غالبية القطع ستايل قديم وحتى الربلات والبراغي حاسبينها والتكلفة 3 ملايين .. يقول شاركني وبنسوق ما عليك الناس تشتري .. قلت له مر على المحلات وشوف وقارن وبعدين اللي بيجيب يجيب كميات قليلة يشوف سوقها شلون ويختار الحديث والماركة الراقية

من ضمن القطع الخلاطات القديمة اللي اندثرت كبير ودفش وفرار

[sara jsm]

هذي القطع الدفشه لها ناسها ..
مرة في محل كوهلر شفت طقم حمام (الله يعزك) لونه خايس ..
مااعرف اوصفه هل هو كركمي ولا زيتوني ولا وشو
سالتهم في حد ياخذ هاللون المقرف .. قاللي المصري اه حضرتك ليها زباين معينه

[معماري قطري]

هذي القطع الدفشه لها ناسها ..
مرة في محل كوهلر شفت طقم حمام (الله يعزك) لونه خايس ..
مااعرف اوصفه هل هو كركمي ولا زيتوني ولا وشو
سالتهم في حد ياخذ هاللون المقرف .. قاللي المصري اه حضرتك ليها زباين معينه

بدت ترجع الالوان القديمة مثل الأسود للقطع والحوائط تكون خلفية فاتحة بيضاء أو أي لون فاتح .. نفس الشيء الأخضر والكركمي وحتى الأحمر

خذت لغرفة العيال فالنتينو نيلي وفيه نجوم ذهبية .. البلاط وايد حلو والنص التحتي داكن وفوق ابيض من نفس النوع بس يوم كبروا كرهوه وانفصلوا كل واحد خذ غرفة بس متعايشين معاه .. سوينا القراوت على بلاط الارضية اللي جاي 45 درجة نيلي بعد وطلع حلو ومتناسب بلاط الارضية أبيض

البنات خذت لهم فيه عباد الشمس أبيض وبرتقالي وحلو وبعد ملوا منه وانفصلوا ألحين كل وحدة في غرفة .. اللون المحايد والمحافظ عادي يدوم وما ينمل منه .. عاد البنات يبون يغيرون يقولون شنسوي بالحب الشمسي قلت تعايشوا معاه

[سالم الزهران]

صباح الخير اخونا بوعبدالله، اختياراتي تعتمد على السادة، حتى البلاط ساده تقريباََ يعني أحاول اخذ شيء فيه عروق او ظلال خفيفة تبين طبيعية. ما احب الأشياء المطبوعة.. اي شيء عليه رسمة تحصله يبان عندي في الغرفة، لكن فيه مساحات نخليها للعنصر النسائي وابداعاتهم، لأني كنت القى صعوبة في اقناع العيال، اكون متخيل الشي اللي انا مختاره مع اللي حوالينه؟ هم ما يختارون جذيه، اي شي يلفت نظرهم ياخذونه.. ودوم كنت اسألهم ليش اخترتم هذا الكنب او الفازة.. شنو اللي خلاه بارز! يا هو المحيط او الخلفية أو أحياناََ الأضاءة.. والمعارض عندهم خبراء يسوون لهم طرق عرض رهيبة.

عموماََ الأشياء المطبوعة سواءََ كنب او ستائر او مخدات أو مفارش.. مثل اللغة للمكان.. لازم تستخدم بطريقة خفيفة تعطيها معنى وما تربك قيمتها الجمالية.

اخر ملاحظة: لو تروح المعارض تحصل الحريم يختارون نفس الأشياء.. نفس الألوان؟ اجزم أن فيه اقسام كاملة فبيوت مكررة في البيوت الثانية! اظنه شيء عمموه المشاهير والحسابات اللي تعتني بالديكور.

[معماري قطري]

صباح الخير اخونا بوعبدالله، اختياراتي تعتمد على السادة، حتى البلاط ساده تقريباََ يعني أحاول اخذ شيء فيه عروق او ظلال خفيفة تبين طبيعية. ما احب الأشياء المطبوعة.. اي شيء عليه رسمة تحصله يبان عندي في الغرفة، لكن فيه مساحات نخليها للعنصر النسائي وابداعاتهم، لأني كنت القى صعوبة في اقناع العيال، اكون متخيل الشي اللي انا مختاره مع اللي حوالينه؟ هم ما يختارون جذيه، اي شي يلفت نظرهم ياخذونه.. ودوم كنت اسألهم ليش اخترتم هذا الكنب او الفازة.. شنو اللي خلاه بارز! يا هو المحيط او الخلفية أو أحياناََ الأضاءة.. والمعارض عندهم خبراء يسوون لهم طرق عرض رهيبة.

عموماََ الأشياء المطبوعة سواءََ كنب او ستائر او مخدات أو مفارش.. مثل اللغة للمكان.. لازم تستخدم بطريقة خفيفة تعطيها معنى وما تربك قيمتها الجمالية.

اخر ملاحظة: لو تروح المعارض تحصل الحريم يختارون نفس الأشياء.. نفس الألوان؟ اجزم أن فيه اقسام كاملة فبيوت مكررة في البيوت الثانية! اظنه شيء عمموه المشاهير والحسابات اللي تعتني بالديكور.

صحيح هي توجهات وكل انسان له ذوقه وله اختياره ويكون هذا مرحلي يتغير مع العمر ويبقى الاختيار المحافظ للفترات الطويلة ما يتغير .. أذكر في ألمانيا زرت عيادات ومستشفيات كثيرة بعضها قديمة بدرايش حديد القديمة وطريقة فتح لافة والمستشفيات تمشيت فيها وتحركت وفكرت بتفكير المعماري ذاك الوقت .. اللي عجبني يكون التجديد محدود وما يؤثر على الأساس وفي الغالب في المعدات ويحافظون على القديم

العيادات الجديدة تجهيزات تختلف وتصميم انترير وشغل حديث بعيد عن التقليدي والكلاسيك .. نفس النمط في البيوت والشقق السكنية