الله يحييك إخوي بو زيدالمشاركة الأصلية كتبت بواسطة سالم الزهران
انا انشغلت عن متابعة الجديد وتنزيل المجلات الحديثة في هذا المجال وإن شاء الله لي عودة هذي الأيام
|
الله يحييك إخوي بو زيد
انا انشغلت عن متابعة الجديد وتنزيل المجلات الحديثة في هذا المجال وإن شاء الله لي عودة هذي الأيام
عودة لهذا الموضوع اللي معاي من بداية دخولي للمنتدى مع هذي الصورة لجزء من المطبخ المفتوح على نافذة كبيرة تطل على الحديقة وصالة نازلة مع تلفزيون في مستوى الشخص الواقف
جديد من غيبرت
بعض القطع الجديدة حبيت تنسيق ورق الجدران مع البانيو
مطبخ مع منور سقفي وباب مطل على جلسة خارجية
أبيض على أبيض .. ناعم ومنور وبسيط
تذكرون فكرة تصميم الحمام اللي ناقشتها في موضوع مراجعة المخططات واللي فيه الجدار شوي بارز يحمل المغسلة وفيه رف للأغراض ومراية تنفتح وراها تخزين لبعض الاحتياجات .. هذا مثال واقعي
تصميم الواجهات الداخلية للحمام السابق ونلاحظ البلاط مصمم بالمقاس
فيه سكايلايت فوق الشور .. عذاب
فاصل ونواصل
مطبخ صغير ارضيته نازلة
حركتين حلوتين في هذي الصورة أولهم الكسرة في طاولة المطبخ حتى تنفتح على الباب القزاز اللي يطلع على حوش لأن جنبه غرفة وما فيه مكان الا يفتحون في الزاوية .. كذلك رفع السقف وتمييله حتى يستوي مكان لمنور وتهوئة في أعلى الحائط
هذا بسيط وعملي وحلو
من المخطط يبين إن المساحة مترين وعشرين سم في 1.4 تقريباً .. وشايلين منها مساحة معتبرة حق كبت .. يسار واضح الفلور بلان ونشوف مكان الشور حول 90 في 90 سم
هذا مطبخ محترم .. أتمنى احصل باب جذيه في قطر
المنور السقفي مفتوح على دورين وكبير .. واضح من المخططات
يبين لي الكاونتر وأرضية المطبخ اسمنتية معالجة وقطعة وحدة
اي باب تقصده اخوي معماري ؟
بس ماشاءالله اللون الابيض يخلي المكان شررررح ومريح ..
عاد تكسره باي لون في خاطرك يمشي مع شويه نباتات انما اييييه
تُنسى ، كأنَّكَ لم تَكُنْ ..
الباب يا اختي السلايدنغ في الصورة اللي يدخل في الحائط راهي ومحترم ما شفت حد يسويه عندنا .. اللون الأبيض ما ينمل منه وشرح ويتناسب مع أي لون ثانياي باب تقصده اخوي معماري ؟
بس ماشاءالله اللون الابيض يخلي المكان شررررح ومريح ..
عاد تكسره باي لون في خاطرك يمشي مع شويه نباتات انما اييييه
شكل موضة البلاط الصغير بدت ترجع مع إن الكبير أجمل لكن الصغير أسهل للتركيب
هنا ضروري يستخدم موزاييك أو بلاط صغير لأن الزاوية اللافة يستوي سهل عملها
طريقة فتح كبتات علوية حديثة وآلية مبتكرة
دورة مياه ثلاث قطع منحنية وصغيرة جداً
غريبة تشكيلة البلاط
مخطط لبيت معاد تصميمه مع مقال كامل عنه ومع تركيز للمطبخ والحمام
مغسلة ستانلس ستيل
قريت موضوع عن الشورات وكيفية تصميمها .. الشوارت المغلقة بقزاز المقصودة وهي عملية وتمنع ترشش الماء لباقي الحمام
هنا يتكلم الكاتب عن كرسي الشور الثابت من الطابوق أو الفلين الملبس بالبلاط .. أو حتى الخشب .. عمله سهل بس الأفضل نخلي الواجهة القائمة مايلة شوي جهة الداخل والزاوية نحاول نخليها لافة حتى لو قليل وانا سويتها والعملية سهلة جداً
وهنا اشوف المكان ضيق بسبب الدرج فوق وميلانه .. عندنا بسهولة في متر و80 سم أو مترين نقدر نسويه في آخر الحمام وبعرض أو عمق 1 متر حتى 90 سم أو 80 تكفي بس بيكون شوي ضيق 1 أو 1.2 أو 1.4 تدليع شوي لو ممكن
هنا تم تركيب قطعة رخام كاملة وهذي ميزتها أريح للجلوس من حزوز البلاط وتعطي تغيير في التصميم بحيث البلاط للأسطح العمودية والرخام للأُفقية
هنا الوضع يختلف .. تم عمله مثل المحفور له وأسهل طريقة نعمل حائط ثانوي مستعار أما خشبي ونبلط عليه أو طابوق 10 سم أو غيره من المواد المناسبة
هذا معلق وبتيوبات حديد مثبتة في الحائط .. بس ممكن نسويه بخشب مثبت على أرجل ستانلس ستيل بيطلع أحلى اتوقع
هذا حلو وايد
هذا مناسب للكرسي المتحرك .. اللي يصير يدخلون الكرسي المتحرك وعليه اللي بيسبح أو يدخل بنفسه وتوايره الجدامية تدخل في الفراغ تحت الكرسي ويقدر ينتقل بسهولة أو يتم نقله .. كما إنه طويل شوي ممكن ما يقدر يجلس ينام ويتم غسله على الكرسي .. الكرسي مثبت بحديد خاص ليتحمل الوزن
النوع القابل للطي حل آخر
هذا الشاور اللي يسمونه صديق لكبار السن .. لو نلاحظ فيه مسكات حديدية للثبات وبدون ارتفاع للأرضية فيه الكرسيين القابلين للطي لسهولة اختيار المكان المناسب .. شيء مهم القزاز الفاصل مسوينه بفريم واضح حتى ما يغلط الكبير ويصطدم به .. أوقات كبير السن ما يركز أو ينسى حتى وجود الزجاج
انا أشوف إنه مهم نحط في الحسبان تصميم حمامات قابلة للدخول وآمنة لكبار وصغار السن حتى لو ما احتجناها في الوقت الحالي .. إحتدينا نركب حديد لحمام الوالد والوالدة الله يغفر للأول ويعطي الثانية الصحة والعافية ونسوي احتياطات تناسبهم بقطع إضافية
فوق هذا محد يضمن أي واحد من افراد العائلة يصاب حتى لو لفترة مؤقتة ويحتاج هذي النوعية من الشورات
ذيه حلو والمقال مهم يوضح لنا أهمية هذي الأشياء نعملها وممكن نحتاجها بعدين وحتى في الحال يحتاجها الواحد لرفع قدمه وفركها بسهولة أو تنشيفها
القطعة المتحركة أوقات تكون اضافة مناسبة وسهل نحركها للمكان اللي نبي بس مهم نصمم الشاور واسع شوي
يمكن أكون أغفلت نقطة مهمة هنا .. الشاور صحيح مناسب للكبار لكن المغسلة لا والأدراج تحتها معيقة للإقتراب منها سواء بكرسي متحرك أو الوقوف قريبين منها وقد يكون الانحناء عليها .. الأفضل نستخدم مغسلة معلقة ونخليها نازلة شوي بحدود ارتفاع 80 سم مناسب للشخص العادي أما الكرسي المتحرك يمكن 70 وله مغسلة خاصة وخلاطات بمقابض طويلة ممكن يحركها بسهولة الجالس على الكرسي
هذا الشاور اللي يسمونه صديق لكبار السن .. لو نلاحظ فيه مسكات حديدية للثبات وبدون ارتفاع للأرضية فيه الكرسيين القابلين للطي لسهولة اختيار المكان المناسب .. شيء مهم القزاز الفاصل مسوينه بفريم واضح حتى ما يغلط الكبير ويصطدم به .. أوقات كبير السن ما يركز أو ينسى حتى وجود الزجاج
انا أشوف إنه مهم نحط في الحسبان تصميم حمامات قابلة للدخول وآمنة لكبار وصغار السن حتى لو ما احتجناها في الوقت الحالي .. إحتدينا نركب حديد لحمام الوالد والوالدة الله يغفر للأول ويعطي الثانية الصحة والعافية ونسوي احتياطات تناسبهم بقطع إضافية
فوق هذا محد يضمن أي واحد من افراد العائلة يصاب حتى لو لفترة مؤقتة ويحتاج هذي النوعية من الشورات
الأخيرة ما نحتاجها الا لو فعلاً عندنا هذا الشخص اللي دوم على كرسي متحرك وتركيبها سهل مكان العادية
هذا فيه كرسي متحرك من خشب التيك وينصحون بصبغه صبغ عازل من وقت لوقت عن الرطوبة .. الحلو فيه الدرايش الكبار المنورة دوم
هذا فيه الجلسة بزاوية وجاية مايلة للداخل لسهولة انحناء الرجل ومزج الأسود مع البيج طلع روعة حتى الاكسسوارات سود .. هذي عاد وين تحصلونها كلها عندنا
هنا تم مد طرف الحوض ليكون كرسي للشاور وهذا يعطينا اتصال بين الاثنين وامتداد للحيز شبه موحد كما يعطينا عزل لمنطقة الرطوبة الأكثر .. انا احب دمج الشاور مع الحوض أو الجكوزي وعزل منطقتهم بحاجز زجاجي .. وحتى نقدر ندخل عليهم طرف المغسلة بحيث يتصل معاها الزجاج العازل
هذا آخرهم لليوم وإختياره للألوان والتصميم مسكت
رد مع اقتباس
