كتبت الرد مرتين مع الاقتباسات وضيعتهم مع الصفحات، قمت حفظت الصور
"-
____-
المشاركة الأصلية كتبت بواسطة معماري قطري
هاي فلة عجبتني فكرته منها تزرع أعشاب الأكل فريش من بقدونس نعناع وغيره وسيده من المطبخ للجدر.
المشاركة الأصلية كتبت بواسطة معماري قطري
عملي التخزين، البانتري منه وفيه إذا ما في مكان لعمل واحد بالمطبخ.
المشاركة الأصلية كتبت بواسطة معماري قطري
الأهل من محبي هالستايل، لكن المشكلة عندنا إذا سويت مثله يعيبون وينقدون "مقشر" - "قديم" - "جان يبتوا أي إطار وخربتوه..الخ".
المشاركة الأصلية كتبت بواسطة معماري قطري
عجبني وايد، دليل إن مو لازم تخسر وايد على مكان إذا لقيت العنصر اللي يميزه واللي يمكن يكون بأزهد الأثمان.
المشاركة الأصلية كتبت بواسطة معماري قطري
هاي من أحلى المطابخ اللي شفتها، شرح ويوحي بالنظافة، بس لو بنسوي مثله بخفف من البياض، أحس لأنه هم شمسهم خفيفة يصلح تدش أشعتها وتعكس وتنور المكان، احنا ما بنقدر نبطل عيوننا من قوة انعكاس الأشعة.
المشاركة الأصلية كتبت بواسطة معماري قطري
اللي سماه بلو كرآش صادق اللون هذا يسوي في القلب Crush
فعلاً حلو ويعطي إحساس برودة وهدوء.
المشاركة الأصلية كتبت بواسطة معماري قطري
حبيت بساطته وألوانه.
المشاركة الأصلية كتبت بواسطة معماري قطري
عجيب، أنا ذكرني بأليس في بلاد العجائب.
المشاركة الأصلية كتبت بواسطة معماري قطري
إتجاه تصميمي حديث هو فتح مساحة المطبخ على الصالة وعلى صالة الطعام للحديث مع أفراد العائلة أثناء الطبخ .. وهذا مناسب لدينا كثيراً لوجود مطبخ دعم خارجي للعاملات ومطبخ داخلي للعائلة ولصاحبة المنزل
تعجبني هالفكرة، مع إن قبل فترة قريت مقال بـ Yahoo عن إن المطابخ المفتوحة بدت تفقد شعبيتها في أمريكا لأسباب منها رائحة الطعام، وإن أحياناً الصحون تتكدس والمطبخ ما يكون بحالة نظيفة تماماً طول الوقت فمنظره يكون مش ولا بد خاصة إذا طبوا عليهم ضيوف فجأة ولا الأم مجهدة وتبي ترتاح شوي وزاعجها منظر الفوضى من الصالة، أذكر وحدة قالت عن فايدة المطبخ المغلق إن هو الغرفة الوحيدة اللي أقدر أشرد فيها عن باقي العايلة فالبيت أشرب قهوتي وأقرا كتابي بهدوء، بس مثل ما تفضلت يا أخونا المعماري ينفع لنا المطبخ المفتوح لأن عندنا سبير خارجي للأشيا الجايدة، هاي اللي داخل حق كيك وعصير وشاي وماي.
المشاركة الأصلية كتبت بواسطة معماري قطري
والحمد لله على السلامة
مشكور على الصور الحلوة والتصاميم تبين كيف إن أوقات تكون غرفة الغسيل غير منتظمة وصغيرة لكن توزيعها جيد من ناحية الكبتات ومكان تجفيف الملابس ومكانها يفضل تحت حتى لو تشتغل الغسالات ما تزعج النايمين فوق .. وحتى يسهل نسوي قناة قذف الملابس من فوق لتحت
من أيام اذكرك وأقول ما ادري وينه وشكلك وصلتك الرسالة ولد حلال الله يحفظك
الله يسلمك ويحفظك ويجزيك خير، والحمدلله عدنا والعود أحمد على قولتهم.
ما توقعنا نهتم بغرف الغسيل بس طلعت عملية مع التوزيع مثل ما تفضلت، وبعد ممكن نرتب فيها أو بممر يمها مكان للحيوانات الأليفة – لمحبين القطط
المشاركة الأصلية كتبت بواسطة معماري قطري
ما شاء الله عليك ترجمتك جيدة وتسلسل الأفكار واضح وتضيف اضافات ايجابية كثيرة للموضوع
تسلم ما عليك زود، وللأمانة Google Translate ما يقصر، ما أعتمد عليه كلياً لأن ترجمة النص عادي يعفسها وتطلع تضحك غريبة بس طبيعي لأنه آلي، فاللي أسويه أرد أقرا وأصيغ وأعدل عليها بس يفيدني وايد.
المشاركة الأصلية كتبت بواسطة معماري قطري
أذكر بيوت أمريكا يخلون الغسالة أوقات في غرفة صغيرة وقربها تواليت والغرفة مطلة على ممر يودي لمظلة السيارات المغلقة .. يعني والواحد طالع ياخذ ثيابه ويقطهم في الغسالة ويروح مشواره ويرجع ياخذهم
عندنا الخدم متوفرين لكن لو نحب نغسل بروحنا بعض الملابس نقدر نسوي غرفة صغيرة أو كبت في ممر أو أرفف وفيها الغسالة تبين مثل الصور وزين تكون قريبة من المطبخ الداخلي وباب الخروج الثانوي للبيت جهة المطبخ
أنا أخطط أخليها يم ممر خارجي بعد وبفكر بكلامك أكثر.
المشاركة الأصلية كتبت بواسطة معماري قطري
أستعد باروح المستشفى عندي عملية ليزر للعيون حق كي بعض الشرايين اللي تسرب دم للشبكية .. يقولون اجراء بسيط ومخوفني هالاجراء البسيط دعواتكم لي الله يحفظكم جميع
الله يحفظك ويقومك بالسلامة أخونا معماري ، راحة العين ضرورية سواء اضطريت لإجراء عملية أو لا، حاول ما تجهدها قدر المستطاع خاصة بعد العملية، وما تشوف شر إن شاء الله.
رد مع اقتباس
