دوم كقاعدة تصميم لازم ما نغفلها اللي هي الإستخدام والإحتياج يفرض التصميم .. وصعب الإستشاري أو المصمم مهما كان فاهم ومطلع يعرف استخدام الشخص الثاني .. يمكن دورات المياه سهلة نوعاً ما لكن المطابخ دوم نحتاج لمن يطبخ وعاش فترة من حياته في المطبخ
هذي تتكلم عن توزيع المطبخ وطريقة ترتيب الأدراج لسهولة التعامل مع الأدوات وبنفس الوقت المصمم لازم ياخذ احتياجاتها ويصمم على أساس يسهل عليها هذا الترتيب
بانقل لك جزء من تصميم حق صديق قديم لي من البحرين أرسل لي تصميمه وكان ما شاء الله مدروس والمكتب مشتغل فيه شغل زين قليل مكاتبنا يسوون تفاصيل مثله .. المطبخ الخارجي بعرض مترين ونص وهو مناسب جداً لكبتات من الصوبين ووسطهم ممر حركة وبيكون كافي 130 سم مناسبة جداً لخطوتين متوسطتين .. طلبت منه اعرضه بالكامل ولا رد علي وشكله زعلان بسبب البحارة اللي مخترقين الحدود البحرية وحكومتهم مفهمتهم إن قطر خاطفة البحارة من الحدود الدولية ومتسببة عليهم
أكيد أي مصمم معماري حدوده المحيط والصورة الكبيرة ومصمم الديكور الداخلي هذا شغله تصميم تفاصيل التفاصيل وحتى نوعية المواد وألونها ونوعية المعدات واسمها وموديلها ولازم يكون ملم بالسوق المحلي والسوق العالمي
شوف إخوي بو زيد هذا مقتطع جزئي لمنطقة المطبخ الخارجي والداخلي كما صممه الاستشاري
التصميم يعطيك صورة متوقعة لإمكانيات الفراغ والطرق الأفضل لإستخدامه والمصمم ممكن يفكر بكاونتر بسيط وفراغ كبير بدون فايدة فقط للحركة وحركة الإنسان معروفة ويتكيف مع المساحات الصغيرة بسهولة .. هي صغيرة لكن كافية وملمومة وسهلة للاستخدام وانا افضل المطبخ الخارجي ضيق لو الواحد ما عنده مساحة ما بيكون عنده فرق وبيعطي ميزة سهولة الإستخدام
هذا سكتشي للمنطقة هذي وفيه وزعت المطبخ أفضل مع باب وسطي للمخزن وسعة أكبر للتخزين .. فيه ساحة وسطية للزراعة 10 في 10 مقابلة المطبخ الداخلي هذا كبرته شوي وحركت باب الغرفة جهة الصالة بدال ما تنفتح على المطبخ وتضيقه وسويت في طرفه على اليسار مخزن هذا للداخلي واللي فوق واضح التغيير فيه مع إن عرضه 2.5 متر بس يكفي لكاونترين ومسافة حركة بينهم تكفي لشخصين بالراحة وممكن أكثر شخصين قصدي يمرون جنب بعض
التصميم حلو وعملي والاستشاري مختص بعد تصميم داخلي بس مستغرب ليش ما وضح هذي الإمكانيات لأنها مهمة .. حتى دورات المياه كان توزيعها يحتاج تفكير شوي أفضل وما شفتها مناسبة وحطيت عليها اقتراحات .. كلها خذت مني يومين لأن التأسيس موجود وفايل الاوتوكاد موجود
هو ممكن يفتح الستور الثاني على المطبخ الخارجي مثل اليمين وممكن يقسمه قسمين قسم خارجي وقسم داخلي .. الأرفف في الخارجي خليتها بعمق 60 سم وهذا عمق كبير لكن مناسب حق التخزين في سلال سهل سحبها باليد وتستوعب كميات كبيرة من المعلبات وحتى تنفع للصحون والأكواب بعضها بعد ما تنغسل تتغطى وتبقى نظيفة وبنفس الوقت طريقة اقتصادية وتعطيك استغلال أكبر للمكان الصغير .. ستور المطبخ الداخلي 40 سم وهو عمق متوسط مرتفع بعضهم يسوونه حتى 30 سم أو 35
لو تشوف البانتري اللي للغرفة اليسار وهي غرفة طعام تابعة للمجلس مسوي فيه زحمة أبواب وينفتح مباشرة على الغرفة وانا سويت بابين وفتحة لمنطقة غسيل الأيدي ثم لدورة المياه الصغيرة وفي رأيي أرتب هشكل وأحلى