السلام عليكم ورحمة الله وبركاته,
إذا كنت تظن أن مافي رشاوي
وإذا كنت تظن أنه مافي تلاعب
وإذا كنت تظن أن مافي ناس يتجاوزن طلبك في البورصة بطرق ملتوية
وإذا كنت تظن ان الموظفين في شركات الاستثمار مثل المجموعة شرفاء
فأعرف أنك أنسان طيب وعلى نياتك
واعرف انك ماتفهم شيء في بورصة الدوحة
واعرف انك خسران مية على مية يازلمة
لأن الي ساير كله لعبة في لعبة
وإذا تبي تبيع وتشتري على كيفك لازم تضبط علاقتك مع أحد الموظفين في شركة وساطة
يعني بالعربي لازم تستخدم لغة الإكرامية
بلغة إسلامية أخرى ... لازم تستخدم لغة الرشاوي
وهذا الي شفته انا بأم عيني
موظفين يشترون لربعهم واصدقائهم وجماعتهم ويهملون المستثمرين الصغار الي مثلي ومثلك
وبالطبع الرشوة والعمولة جاهزة
الصراحة انا مغفل .... لأني مافهمتها من اول يوم
يوم اتصل علي موظف من شركة وساطة وحب يضبط معاي
ولكني ظنيته انسان مخلص في عمله وأن شركة الوساطة قوية
امحق اخلاص ... وامحق شركة وساطة ... وامحق ظن
المهم
في خبر جديد للي مايحبون الرشاوي والاتصال بالتليفون
الخبر عبارة عن برنامج كمبويتر جديد
طبعاً بورصتنا تحتاج 50 سنة عشان تطبق البرنامج
ولكن لازم يكون عندنا امل عشان عيالينا وعيال عيالنا
ويكون عندنا خطة خمسينية مثل امريكا بدل خطط بورصتنا الخمسية والعشرية
والبرنامج برعاية شركة "اراب انفست كومت"
وبيساعد المبتدىء والمحترف على استخدام لغة البورصة دون وسيط او رشاوي
وبيساعدك انك تشتري وتبيع في نفس اليوم دون عناء 7 مرات
وسيعرض هذا البرنامج في كل من دبي والكويت والبحرين ولوكسمبورغ من قبل الشركات المطورة لهذا البرامج.
وبيشكل قنبلة في عالم البورصات
لأنه يعني زيادة التداول في البورصة بنسبة 150%
وعاشت الرشاوي حرة عربية حتى نزول هذا البرنامج في بورصتنا
**منقول