..... ( لماذا لا يصرف راتب لطلاب جامعة قطر المواطنين ) .....

[ضليع التبريد]

هل طلاب وطالبات جامعة قطر المواطنين والمواطنات يمشي لهم راتب يساعدهم على أعباء ومصاريف الجامعة؟!!


لماذا لايعطونهم بعثه داخليه لكي يتدبرون شامل أمورهم من الأف إلى الياء أسوة بغيرهم من المبتعثين خارج البلاد ؟! فكلهم أبناء الوطن

والله من وراء القصد.

[قطر 88]

موضوع مهم وآآيد ,,

الصراحة الطلاب يستاهلون خاصة انهم يدرسون 6 او 7 سنين ع بال مايتخرجون بعد ..

يستاهلون يكون لهم مكافأت شهرية من الجامعة نفسهـآآ بما انها جامعة وطنية

الله يعينهم يدفعون حق كل شي " كتب ومواصلات واكل "

..

[Abdelrahman]

أعتقد أني اعرف واحد يدرس في جامعة قطر يمشي له راتب
مب متأكد اذا راتبه كان يمشي من الجامعه او من سبونسر الصراحه
أمر مهم صراحه أنا مريت فيه بعد ما خلصنا ثانويه من كم سنه
بعضنا حصل سبونسر وراح المدينه التعليميه بمعاشات جيده
والبعض راح جامعة قطر وكان ظلم بالنسبه لهم
الله يعين الجميع

[حفيد الأنصار]

يعني الطالب اذا دخل الجامعة ماتصرف له مكافاة ولا ايش ؟؟
مافهمت !!

[الموضوعي]

ياليت الطلاب القطريين لهم الأولوية على المساعدات الخارجية

[بصمة قطرية]

على ايامنا كان في راتب شهري من الجامعة للطالبات القطريات
كانت 500 ريال شهرياً
بس ذيك الايام كانت تسوي شغل
مادري الحين ما عاد يمشون راتب شهري ..!!!!

[qu girl]

نعم اخوي يصرفون لهم ولكن بعد توفير المستندات الأتيه وهي
شهاده من عمل ولي لأمر
إفاده من وزارة التجاره
إفاده من السجلات العقاريه بوزارة العدل
شهادة من سوق الاوراق الماليه
هاي اللي حافظتهم مادري فيه غيرهم او لا
وغير كذا الراتب 1500وإذا نقص المعدل يقطعونه
ولازم يكون راتب ولي الأمر ضعيف عشان يمشونه يعني مو الكل ياخذونه
وكل بعد سنتين لازم تتجدد كل هالمستندات يخافون يكون ريش ولي الأمر خلال هالسنتين
الله يغنينا بفضله عمن سواه

[بدوور]

اعتقد لا بد من حملة لصرف رواتب للطلاب القطريين بدوون معوقات وياريت لو يتم ربطها بالمعدل الاكاديمي

يعني تتم مساواتهم بطلاب المدينة التعلمية

[intesar]

صح على أيامنا فقط للتخصصات العلمية.. مو الكل..

[ريتويت]

الله يوفق الجميع بما يحب ويرضي