ما قصرت إخوي بس فضلاً جاوبني على باقي الأسئلة
وطرى علي سؤال اللي هو العازل الحراري هل ممكن تركبونه بين الحجر والطابوق؟ ولو ممكن توضح لنا طريقة تركيبه
ما قصرت إخوي بس فضلاً جاوبني على باقي الأسئلة
وطرى علي سؤال اللي هو العازل الحراري هل ممكن تركبونه بين الحجر والطابوق؟ ولو ممكن توضح لنا طريقة تركيبه
العازل الحراري او الفوم ما صدف وركبناه بين الحجر والجدار
لان استحالة يتركب اذا كان الحجر تركب بالمونة
واذا dry fixe ايضا صعب بس ممكن اذا فتحنا بالواح الفوم فتحات للبراغي بس اتوقع ان الدرل رح يخرب لوح الفوم ويكسره اثناء الثقب لتركيب البراغي لكنه ممكن بس مكلف وبدون فايدة باعتبار ان الفراغ الموجود بين الحجر والجدار عازل حراري جيد وايضا الحجر الابيض عاكس للشمس
اما عن المشروع فكان بسنة 2008
واما الضمان فتقريبا بين 15-20 سنة
اما طريقة التركيب فكانت بالبراغي والاسمنت مع بعض لان سماكة الحجر كانت 6 سم
ما قصرت اخوي
بس تكلفة المتر التقريبية كم؟
وانا شفت ودرست طرق تركيب الحجر في بلاد الحجر الأُردن، ودرست كذلك معامل العزل الحراري للحجر واللي هو شيء تقريباً لا يُذكر، وكنت عايش في شقة من حجر بدون عازل وكان البرد يجمد الدم في عروقي، ومعروف العازل ينفع للبرد وللحر، وحر الأُردن معقول والمكيف كان يغطي، وحالياً نظام البناء عندهم يحتم تركيب عازل بين الحجر والطابوق وطريقة تركيبهم سهلة ببراغي مثل ما تفضلت وحديد ستانلس ستيل خاص بشكل زوايا يتثبت في المونة بين الطابوق ويتركب الحجر عليه بعمل فتحة في حافة قطعة الحجر، وتكون كل قطعة مرفوعة بقطع خشب عن الثانية وتنصب داخل التجويف الباقي مونة اسمنت شبه سائلة تملي الفراغات وتلتصق بقطعة الحجر التصاق تام.
ووالله نصحت الكثيرين من الإخوان اللي ركبوا حجر بتركيب عازل وما اسمعوا النصيحة بسبب تعقيد الأُمور من مركبي الحجر عندنا، وعندك طريقة ثانية وأسهل مثل ما ذكرت انت انه فيه تجويف يبقى وهذي الطريقة الأسلم، ففي هذا التجويف ليش ما ينحقن العازل حقن مثل ما يعملون حالياً في الخرسانات الجاهزة، بس لازم نحافظ على سمك فجوة لا يقل عن 5 سم ... جربوا هذي الطريقة في حائط صغير وحاولوا تعممونها بتكون عملية ومفيدة للكثيرين، ولو حبيت تشوف التطبيقات عملية شوفها في اليوتيوب وحتى يسونها لمباني متعددة الأدوار وبعازل 10 سم وبفراغ بعد العازل والتركيب كله يكون بحديد خاص.
شوف إخوي كلام تاجر مبتديء طلع صح إذا كان عندنا فراغ بسيط فإنتقال الحرارة ما يكون مستمر ويكون النظام ككل عازل حرارياً جيد، ولو حطينا عازل بين الحجر وبين الطابوق يكون العزل أكثر، ولو ركبنا درايش معزولة ودبل أو ثلاثية الزجاج وثنائية الفراغ بيكون العزل أكبر بكثير، فالعزل هو نظام متكامل حتى نوعية الستائر وسمكها تساهم في عزل النوافذ اللي تنقل الحرارة أكثر شيء.
وما شاء الله طلع التاجر اللي مسمي نفسه مبتديء لا مبتديء ولا شيء طلع خبير، وذكرني بالمداميك والتكحيل ومبين من التصاميم والشغل إنه شغل نظيف بس المأخذ الوقت الطويل لشغل الحجر والسعر الغالي وكثرة الناس اللي تشتغله غلط.
شيء أكيد كلامك واقعي وما قصرت على الرد .. بس حسب الدراسات والتجارب فالحجر يعطي عزل تقريباً مشابه للخرسانه، والخرسانة شكل ما عرفت سُمك 100 سم منها يعادل ال 5 سم سُمك للعازل الأبيض الفوم، وحسب تجربتي في سكني في شقة عليها حجر بس بدون عازل كانت الدفايات ما تلحق تدفي الشقة والنوافذ كلها بشترات المنيوم وتعطي نسبة عزل بس البرودة كانت كثير زايدة عن الإستحمال، وفي المباني الحديثة اللي بعازل كان الفرق كبير وأقل تدفئة تكفي.
الفراغ البسيط يمنع التوصيل الحراري وهذا اللي يعطي نسبة عزل حراري للحجر ممكن ولكن لو تم تركيب الحجر بدون فراغ نهائياً بيكون بعد العزل شبه غير موجود.
لي تعليق بسيط لتطوير التصاميم عندكم .. ألاحظ النقوشات الرفيعة اللي تسونها وشكل ما ذكرت انت قبل من الجي ار سي، ليش ما يتم خلطها بألوان مثلاً خل نقول ورق الشجر يكون أخضر والورد بألوان الورد فيعطي حياة وروح للون الحجري الواحد؟ شرايك؟
والله كلامك منطقي لو الملاك يبون يسوون هالطريقة
لكن الجو في الخليج ماظن يساعد لان اصلا اللي يسوي حجر يبي يجمل بيته ويفتك من الصبغ والصيانة فاكيد مارح يرجع يصبغ اي شي ويرجع يسويله صيانة بعد كم سنة ويرجع لنفس الموال
فكرتك معقولة وشفتها في البلدان المتوسطية سواء عربية او اوربية مطلة عالبحر المتوسط ذات الجو المعتدل