فلل وقصور حجر طبيعي في دولة قطر / العالمية الدولية للمشاريع

[حسن الاحمد]

ما قصرت اخوي
بس تكلفة المتر التقريبية كم؟

المتر المربع للحجر الرويشد يبدأ من 250 ريال/م2 حسب حجم ونقشة وسماكة الحجر

وانا شفت ودرست طرق تركيب الحجر في بلاد الحجر الأُردن، ودرست كذلك معامل العزل الحراري للحجر واللي هو شيء تقريباً لا يُذكر، وكنت عايش في شقة من حجر بدون عازل وكان البرد يجمد الدم في عروقي، ومعروف العازل ينفع للبرد وللحر، وحر الأُردن معقول والمكيف كان يغطي، وحالياً نظام البناء عندهم يحتم تركيب عازل بين الحجر والطابوق وطريقة تركيبهم سهلة ببراغي مثل ما تفضلت وحديد ستانلس ستيل خاص بشكل زوايا يتثبت في المونة بين الطابوق ويتركب الحجر عليه بعمل فتحة في حافة قطعة الحجر، وتكون كل قطعة مرفوعة بقطع خشب عن الثانية وتنصب داخل التجويف الباقي مونة اسمنت شبه سائلة تملي الفراغات وتلتصق بقطعة الحجر التصاق تام.

بالنسبة لتركيب الاردن وسوريا يختلف عن باقي الدول تقريبا
بالاردن يقوم البناء بتركيب مدماكين الى 3 يوميا فقط في الواجهة الواحدة وتكون سماكة الحجر اكثر من 5 سم ويكون الحجر من الخلف (غشيم) يعني غير منتظم الوجه والسماكة
يتم البناء بالاسمنت مثل بناء الطابوق وتنحط اسافين لرفع الحجر بين كل مدماكين وبعدين يجي النجار يسوي القالب ويتم الصب (دبش) بدون حديد يذكر ويحطون العازل الفوم بين الحجر وقالب الخشب ويصبون الكونكريت وبعدين يجي الكحيل ويرجع ينظف حلول (الفواصل )بين المداميك وينظف بالجلندر ويروبها (الكحلة)
وبهالحالة يكون الحجر هو الطابوق وهو حجر الواجهات
هناك يركبون بهالطريقة لان الحجر متوفر وبكثرة ورخيص والجو يختلف عن الخليج
لانه استحالة الواحد يدفع اجار تريلة لتوريد الحجر علشان يورد 100 م2 مثلا حتى يركب بالطريقة المتبعة في بلاد الشام

ووالله نصحت الكثيرين من الإخوان اللي ركبوا حجر بتركيب عازل وما اسمعوا النصيحة بسبب تعقيد الأُمور من مركبي الحجر عندنا،
مش بسبب اللي يركبون الحجر بل لانه يكون البناء (العظم) موجود عكس الاردن يطلع الحجر اول شي ويلحقه النجار بالبناء
وعندك طريقة ثانية وأسهل مثل ما ذكرت انت انه فيه تجويف يبقى وهذي الطريقة الأسلم، ففي هذا التجويف ليش ما ينحقن العازل حقن مثل ما يعملون حالياً في الخرسانات الجاهزة، بس لازم نحافظ على سمك فجوة لا يقل عن 5 سم ... جربوا هذي الطريقة في حائط صغير وحاولوا تعممونها بتكون عملية ومفيدة للكثيرين، ولو حبيت تشوف التطبيقات عملية شوفها في اليوتيوب وحتى يسونها لمباني متعددة الأدوار وبعازل 10 سم وبفراغ بعد العازل والتركيب كله يكون بحديد خاص.

الفراغ بين الحجر والطوفة مارح يسوي البيت مكيف ولا يدفيه يسويه دفاية لكن يكون معزول بشي معقول واحسن من بلا

[معماري قطري]

الفراغ بين الحجر والطوفة مارح يسوي البيت مكيف ولا يدفيه يسويه دفاية لكن يكون معزول بشي معقول واحسن من بلا

شيء أكيد كلامك واقعي وما قصرت على الرد .. بس حسب الدراسات والتجارب فالحجر يعطي عزل تقريباً مشابه للخرسانه، والخرسانة شكل ما عرفت سُمك 100 سم منها يعادل ال 5 سم سُمك للعازل الأبيض الفوم، وحسب تجربتي في سكني في شقة عليها حجر بس بدون عازل كانت الدفايات ما تلحق تدفي الشقة والنوافذ كلها بشترات المنيوم وتعطي نسبة عزل بس البرودة كانت كثير زايدة عن الإستحمال، وفي المباني الحديثة اللي بعازل كان الفرق كبير وأقل تدفئة تكفي.

الفراغ البسيط يمنع التوصيل الحراري وهذا اللي يعطي نسبة عزل حراري للحجر ممكن ولكن لو تم تركيب الحجر بدون فراغ نهائياً بيكون بعد العزل شبه غير موجود.

لي تعليق بسيط لتطوير التصاميم عندكم .. ألاحظ النقوشات الرفيعة اللي تسونها وشكل ما ذكرت انت قبل من الجي ار سي، ليش ما يتم خلطها بألوان مثلاً خل نقول ورق الشجر يكون أخضر والورد بألوان الورد فيعطي حياة وروح للون الحجري الواحد؟ شرايك؟

[حسن الاحمد]

شيء أكيد كلامك واقعي وما قصرت على الرد .. بس حسب الدراسات والتجارب فالحجر يعطي عزل تقريباً مشابه للخرسانه، والخرسانة شكل ما عرفت سُمك 100 سم منها يعادل ال 5 سم سُمك للعازل الأبيض الفوم،
وحسب تجربتي في سكني في شقة عليها حجر بس بدون عازل كانت الدفايات ما تلحق تدفي الشقة والنوافذ كلها بشترات المنيوم وتعطي نسبة عزل بس البرودة كانت كثير زايدة عن الإستحمال،

بعيدا عن موضوع الحجر فان الدفايات الكهربائية ببلاد الشام ماتنفع
لازم تركب صوبة ديزل ترعد 24 ساعة ولخمس شهور حتى تقدر تعدي موسم الشتا وتحس بالدفا

وفي المباني الحديثة اللي بعازل كان الفرق كبير وأقل تدفئة تكفي.

الفراغ البسيط يمنع التوصيل الحراري وهذا اللي يعطي نسبة عزل حراري للحجر ممكن ولكن لو تم تركيب الحجر بدون فراغ نهائياً بيكون بعد العزل شبه غير موجود.

لي تعليق بسيط لتطوير التصاميم عندكم .. ألاحظ النقوشات الرفيعة اللي تسونها وشكل ما ذكرت انت قبل من الجي ار سي، ليش ما يتم خلطها بألوان مثلاً خل نقول ورق الشجر يكون أخضر والورد بألوان الورد فيعطي حياة وروح للون الحجري الواحد؟ شرايك؟

والله كلامك منطقي لو الملاك يبون يسوون هالطريقة
لكن الجو في الخليج ماظن يساعد لان اصلا اللي يسوي حجر يبي يجمل بيته ويفتك من الصبغ والصيانة فاكيد مارح يرجع يصبغ اي شي ويرجع يسويله صيانة بعد كم سنة ويرجع لنفس الموال
فكرتك معقولة وشفتها في البلدان المتوسطية سواء عربية او اوربية مطلة عالبحر المتوسط ذات الجو المعتدل

[معماري قطري]

والله كلامك منطقي لو الملاك يبون يسوون هالطريقة
لكن الجو في الخليج ماظن يساعد لان اصلا اللي يسوي حجر يبي يجمل بيته ويفتك من الصبغ والصيانة فاكيد مارح يرجع يصبغ اي شي ويرجع يسويله صيانة بعد كم سنة ويرجع لنفس الموال
فكرتك معقولة وشفتها في البلدان المتوسطية سواء عربية او اوربية مطلة عالبحر المتوسط ذات الجو المعتدل

كان قصدي الله يسلمك إن يكون الصبغ مخلوط مع مادة الجي ار سي مهوب جي ار سي مصبوغ ، وبهذي الطريقة يكون اللون مكون أساسي للمادة ولو كسرتها يبين لونها واحد حتى من داخل، ولا يحتاج لصبغ نهائياً ولا صيانة إذا الجي ار سي معمول صح .