subway واسعاره الغريبه !!

[Abdullah_89]

الموضوع الله يسلمكم اسعار صب واي المتفاوته ..

طلبت من عندهم التالي :

( خبز اسمر كبير + ستيك لحم + مرتديلا + خس + خيار + صلصه 1000 جزيره ) الحساب اول يوم 30 ريال.

اليوم الثاني ومن نفس الفرع طلبت نفس الطلب وقلت للموظف يقطع الخبز لي نصين ويقسمهم جيت احاسب طلع الحساب 38 ريال ؟؟!!!

جيت ادفع تذكرت ان امس دافع له 30 ريال .. كلمت الموظف الا يقول اها اوكي انت طالب نفس الطلب .. انزين شدخل نفس لطلب ..


وين الرقابه عنهم ؟ وين حمايه المستهلك ؟ معقوله اي حد يشتري من عندهم مايلاحظ تفاوت الاسعار مع ان الطلب نفسه كل مره ؟؟

[Al-Kuwari]

صارت لي معاهم كذا مره

كل فرع سعره يفرق بزياده ريالين او نقصان ريالين

عاد مره رحت لفرع وطلبت وطلع الحساب ٢٤
ثاني يوم جيت نفس الفرع وطلبت من نفس العامل وقال ٢٧

شرشحته قدام العالم وقطيت عليه ٢٤ ومشيت ومارجعت لهم من بعدها بصراحه

[وحيد-الشوق]

صب واي حراميه مثلا السندويتش الكبير سعره ٢٤ ومع لحم زيادة اي نوع ب٣٠ واذا قصيت الخبز يحسب لك كل واحد ب١٥ + لحم زيادة ٤ المجموع ١٩ ريال يعني مجموع الاثنين ب٣٨

هذي سياسه صب واي الحرامية ولعبتهم الاكسترا اكسترا سير وكله عشان يزيدون عليك الحساب ودي ازنطهم لما يقولون لي اكسترا

انا هالمطعم كنت ما ادانيه لكن الفتره الاخيره صرت اخذ من عندهم لازم اقاطعه

[ريتويت]

صراحه سندويتشاته ماتناكل استغفر الله .. اخر مره خذيت سندويتش عادي وكان فيه دجاج الله يعز النعمه كانه اسفنج .. لاعت جبدي ومن بعدها وانا حالفه اني ما اكل من عندهم خير شر ولا من اي مكان ثاني

[wanted boy]

مبب حرامية ولا شي وكاتبين فوق في اللسته اسعار الاكسترا سواء كان لحم او دجاج او جبن مع حجم السندويش
كل شي واضح بس اسأل قبل ما تدفع !

[فتى الجود]

السلام عليكم

حماية المستهلك

ارقود



اششششششششششششششش

خل الناس نايمين عن الازعاج

[Al-Kuwari]

مبب حرامية ولا شي وكاتبين فوق في اللسته اسعار الاكسترا سواء كان لحم او دجاج او جبن مع حجم السندويش
كل شي واضح بس اسأل قبل ما تدفع !

يابو الشباب اقرى ردي فوق

طلبت نفس الطلب بالضبط

مازدت شي لا اكسترا ولا غيره !!

[meshwar]

كلامك صحيح

توني جاي من صب واي

وبعد ماشفت التحذير هذا قلت اجرب

طلبت طلب سندوتش دجاج من غير زيادة " اكسترا "

وهو الهيس تبي اكسترا وانا لا

جبن اكسترا لا


قلت ابي اشوف السعر العادي كم

الحساب طلع لنص سندوتش 19 ريال

خذت الفاتورة وشفتها
الا زايد علي 4 ريالات " اكتسرا لحم "

قلت له ايش هذا ؟؟؟؟

رد انا آسف ظنيت انك حطيت لحم زيادة (( هو اللي عامل السندوتش بيده ماخذ له ثواني عشان ينسى ))

شكرا على التنبيه

[wanted boy]

يابو الشباب اقرى ردي فوق

طلبت نفس الطلب بالضبط

مازدت شي لا اكسترا ولا غيره !!

اوك مازدت ولا شي

بس تأكد من الفاتورة لان بيكون مكتوب فيها كل التفاصيل وراح يبين اذا هم ضافوا من عندهم او لا

[Abdullah_89]

صارت لي معاهم كذا مره

كل فرع سعره يفرق بزياده ريالين او نقصان ريالين

عاد مره رحت لفرع وطلبت وطلع الحساب ٢٤
ثاني يوم جيت نفس الفرع وطلبت من نفس العامل وقال ٢٧

شرشحته قدام العالم وقطيت عليه ٢٤ ومشيت ومارجعت لهم من بعدها بصراحه

كفو عليك والله زين سويت فيهم