laptop شتنصحوني فيه ؟

[Bin.Yousef]

السلام عليكم ورحمة الله وبركاته


بغيت اخذ laptop وبغيت اخذ رايكم شتنصحوني فيه ؟ ابغي laptop لاستخدام اليومي ويكون حجمه متوسط ومب كبير رحت جرير واغلب الكمبيوترات حجمها كبير وانا ابغي متوسط وحجمه خفيف .. طبعا غير الماك بوك ..

ويعطيكم العافيه

[المبرمج صلاح]

اعتقد انه فيه لاب توب من شركة توشيبا 14 بوصة بمعالج core i5

مرة شفته بمكتبة جرير واللولو فرع الغرافة سعر تقريبا في حدود 3000

بالتوفيق ان شاء الله

[jasjar85]

يعتمد على استخدامك وحاجتك اخوي
اذا راعي قيمز وافلام يبيلك شاشه عودة بدقه عاليه و جرافيك كارد قوي.. هاي متوفر في توشيبا كوزميو ..سعرة عالي شوي
اذا راعي استخدام مكتبي يبيلك لابتوب صغير وخفيف ..توشيبا او سوني فيو
اذا مايهمك شي مما سبق وتبي لابتوب يمشي الحال وبتغيره خذ شي عادي ديل او اتش بي ..ولو اني مانصح بالاتش بي لانه الكواليتي مب شي.
انا عن نفسي ارشح ماك بعدين سوني بعدين توشيبا
بالتوفيق

[shaheen-915]

السلام عليكم ورحمة الله وبركاته


بغيت اخذ laptop وبغيت اخذ رايكم شتنصحوني فيه ؟ ابغي laptop لاستخدام اليومي ويكون حجمه متوسط ومب كبير رحت جرير واغلب الكمبيوترات حجمها كبير وانا ابغي متوسط وحجمه خفيف .. طبعا غير الماك بوك ..

ويعطيكم العافيه

اخوي شخبارك
بالنسبة لموضوع اللابتوبات من خلال تجربة اكثر من 10 سنين وجع قلب وراس تفضل نصيحتي وهذا راي ممكن يكون صحيح ولا غلط
HP وجع راس ومشاكل وتعليق
Dell حلو وعجيب لكن شويت هانج واشياء اخرى تحتاج تفاصيل وتكنكل خلها منها
الايسر والسامسونج كلام فاضي ومضيعة للوقت والفلوس
وصلنا للجد وهالله عليه
السوني فايو عجيب جدا روعة لا تقولي هانج ولا مشاكل وفورمات بس عيبه بالبطارية يعني بطارية الديل احسن منه ودوم اكثر
اجهزة الابل شي خرافة استخدام وبطاريه ولا تعرف شي اسمه علق ولا يحتاج فورمات لكن يبله تتعلم عليه اسبوع عالاقل علشان تتعرف عالنظام وتعرف تستخدمه مية مية
وتقبل مروري

[رجل الجزيرة]

توشيبا وبس عندي من 3 سنوات ويومبا وهو شغال.

[حميداني]

توشيبا

[l0o0rd-qtr]

يمدحون التوشيبا

وانا عندي ايسر i7 مع 6غيغا رام مع كرت شاشه 2 غيغا والحمد لله ماشتكيت من الجهاز صار له 10 شهور تقريبا وياي