مع الاسف كثير من الطلبه وبالاخص الطالبات بيعيدون السنه بسبب مادة !! واكثر من مديرة مدرسه قابلتها قالت لي ان اللي بيعيدون السنه في مدارسهم اكثر من 50 طالبة !!
كذلك لاحظت ان كل مدرسه يكون الطلاب الراسبين فيها من نفس الماده وهذا يدعو للتساؤل .. هل الخلل في تدريس هذه الماده في هذه المدرسه .. هل الخلل في ادارة تلك المدارس في عدم توفير مدرسين كفؤ لتلك الماده التي يتركز فيها الرسوب .. هل الخلل في كمبيوتر رصد الدرجات او في لجنة التصحيح لتلك المواد ..
المجلس الاعلى حطم آمال كثير من الطلاب وضيع من عمرهم سنه بسبب مادة الله اعلم شلون رسبوا فيها وايش سبب رسوبهم ..
ارى انه من الضروري ان يتم تشكيل لجنه لبحث اسباب رسوب واعادة السنة لهذا الكم الكبير من الطلاب ووضع الحلول لتلك المشاكل لمصلحة الاجيال القادمه ..وحسبنا الله ونعم الوكيل ..
متى بيسلمون الطلاب شهاداتهم ليش هالتاخير؟! كل يوم يراجعونهم يقولون لهم مانعرف متى احتمال يوم الخميس ..
الطلاب يبون يخلصون امورهم واخوانا في المجلس الاعلى نايمين ..
اللهم ارحم أبي و أمي وجدتي و أختي واغفر لهم واجعل قبرهم روضة من رياض الجنة لا حفرة من حفر النار
اللهم اجزهم عن الإحسان إحسانا وعن الإساءة عفواً وغفراناً
حسبي الله ونعم الوكيل فيهم .. ماخافوا الله في هالطلبه اللي حطموهم بنتيجه خاطئه ولا كلفوا عمرهم يصححون الغلط خوفا على مناصبهم واهتزاز صورتهم امام مسؤولينهم .. من يتحمل نتيجة رسوبهم بالخطأ ؟؟ بعض الطلاب حطوا لهم مدرسين خصوصيين وخذوا منهم مبلغ كبير كونهم بيدرسونهم في فترة بسيطه لاتتجاوز اسبوع من يتحمل هالتكاليف اللي تكلفوا بها اهاليهم ..بعض الطلاب اللي رسبوا بالخطأ راح عليهم التسجيل في بعض الجامعات من المسؤول عن ذلك ؟؟
وين المسؤولين الكبار في المجلس الاعلى وين وزير التعليم ؟؟!! شلون يدرون بهالجريمه ويسكتون ؟؟ شلون ما اصدر الوزير امر باعادة التصحيح يوم شاف هالكم من التظلم !! مانقول غير حسبنا الله ونعم الوكيل ..الله ياخذ حق هالمساكين منهم ..