استثمار غير طبيعي .. وقد يكون خطر !
بعد الانفجار تم التخلي عن المحطة النووية وتم تحويلها إلى متنزه ... كاملة مع ركوب أرجوحة داخل برج التبريد القديم بألمانيا
استثمار غير طبيعي .. وقد يكون خطر !
بعد الانفجار تم التخلي عن المحطة النووية وتم تحويلها إلى متنزه ... كاملة مع ركوب أرجوحة داخل برج التبريد القديم بألمانيا
ان شاء الله نشوف السيلية محمية مستغلة لاستجمام الناس مثل ما كانت بدل العشوائيات
^
كلام كبير .....
:
مبنى اليوم ..
المركز الترفيهي والرياضي في جامعة أوبورن يشمل على أطول مضمار جري في الأماكن المغلقة !
الفال لنا يارب .... يصلح حد يتبناه حق اليوم الرياضي للدولة
ما شاء الله مبنى حلو ولو يسوون خطة تغيير حق منطقة الأَبراج بحيث مثل ما ذكرت في السابق يسوون مواقف للسيارات فوق الشوارع بين الأَبراج ويسوون ممرات للمشاة للأَبراج بحيث تكون قريبة .. ويطورون أَكثر بمراكز ترفيهية ورياضية فوق هذي المواقف بتكون صج خدمات المنطقة كاملة وطبعاً نضمنها خدمات أَمنية من مطافيء وطواريء وغيرها.
بالنسبة لتعليقج إِن الكلام كبير انا من الناس اللي يذكرون الماضي الجميل هناك ولعبت بين العشب وهو يغطيني وقت الحيا .. ومناطق كثيرة في قطر غيرها كانت روض وطينية وتستوي نقعة غدير كبيرة اندثرت وانبنى مكانها .. وين التخطيط البيئي والعمراني الصحيح؟
أَذكر الأَرض الطينية المسطحة قبل الخيسة واللي انحفرت وانبنت بيوت وكان الأَنسب تكون حديقة لهبوط مستوى الأَرض ولأَنها طينية تصلح للزراعة.
معماري توك صغير شباب وين كبرت روحك
اذكر الوالد يقول نروح من الدويحه ( البدع حالياً ) الى رمادا يحبلون طيور كان بر
وأيام جدي يطلعون من الدويحه يروحون يسكنون في مريخ وقت الشتا
والماي يجيبونه من روضة راشد
وإذا هم في الدويحه يجيبون الماي من الوكره
ويروحون بر الوجبة يكشتون والرجال مايبين من طول العشب
حتى صوب فريج السد وبن محمود العشب يغطي الواحد
وماي البحر يوصل سوق واقف صوب قهوة عشيرج حالياً
والصخره اللي هي ( الجسرة او اليسره ) مازالت موجوده مبني عليها فندق البدع وجزاء منها صوب مجلس المانع
وصوب النشونال وين كان يتجمعون الهنود كان في عين نبع مايها حلو
ايام اول راحت وشيابنا توفو والله العالم عيالنا بيعرفون هالمعلومات وهالاشياء
وإلا بتندثر مع الزمن
التعديل الأخير تم بواسطة Azizuk ; 21-04-2015 الساعة 02:34 PM
إِحنا اخوي عبدالعزيز من بدينا نتحضر سكنا السيلية وبعدها مسيمير ولنا زروع في السيلية تحولت لصناعية عشوائية كذلك .. ونذكر هذي المناطق من خلال زياراتنا لها مع الوالد بالسيارة واحنا صغار .. يعني في ما يزيد عن 4 عقود 45 سنة وحولها .. ومن المواقف اللي ما تغيب عن ذاكرتي كان مطر وغدران وتعرف الصغار ما يصدقون ينزلون من السيارة ويطلقون العنان لعصاقيلهم .. واحد من الاخوان سريع وحاول يكبح جماح عصاقيله قبل ليوصل الغدير وطاح بوز على صدره وتزلق لين وصل الغدير وكله طين .. عاد الوالد قال يالله للخلف در وبسرعة اركبوا السيارة ونشرد عنه وهو يصيح ويركض ورانا لين جف الطين منه واحنا ضحك عليه.
الحين الحكومة ما قصرت بالمحميات المنتشرة في قطر واللي من رايي تكون لها قوانين خاصة وحماية بكاميرات مراقبة ومواقف خاصة فيها وطرق خاصة وسرعات الواحد ما يتعداها .. بحيث يوقف وينزل يتمشى ويشوف الطبيعة .. بعض الأَماكن فيها العشب مرتفع حول متر وهذي شفتها بعيني وخضار الشجر غير طبيعي بس محمية بشباك ولا حد يدخلها .. حتى حديقة مفتوحة وكبيرة بتكون فكرة حلوة بس تكون منظمة بنظم خاصة وصارمة.
بناء فريد ومميز لعيادة في الكويت ....
مركز على محمد الغانم الصحي
شغل حلو ومتطور ويعطي بهجة للكل .. وهذا توجه المستشفيات الحديثة .. حطيت مثال على ما اذكر لمبنى أَو أَكثر من هذي النوعية في موضوع المباني المتميزة حول العالم .. شغل المشربيات مطور ومتميز لكن اللي شاف شغل مشربيات المركز الثقافي المغربي في كندا وهو بتصاميم أَندلسية تقليدية بيعرف الفرق زين.