مباني متميزة حول العالم .. موضوع متجدد ومتواصل إن شاء الله

[معماري قطري]

عليكم السلام ورحمة الله وبركاته إخوي بو زيد

التظليل ظروري وخصوصاً بتكنولوجيا الطاقة الشمسية مثل هذا أو ببساطة بالزراعة

من حول 7 أو 8 سنين قريت مقال عن مدينة صينية في مقاطعة غالبية سكانها مسلمين .. والمنطقة حارة والتنقلات فيها في الغالب عن طريق الدواب بس مسوين تعريش بحبال وخشب ونباتات متسلقة على كل الطرق حتى الخاصة بالسيارات .. جمال يفوق الخيال .. راسلت سمو الأمير الوالد على ايميله الرسمي في موقع الديوان بهذا الاقتراح وبعدها بفترة كلموني مكتب وزير البلدية .. يسئلوني انت مقترح كذا قلت نعم .. قالوا زين عندك دراسة جدوى؟ حسسوني إني مقدم مشروع استثماري وخلاص ما صار شيء .. حتى تواصلوا مع ولد عمي قبل واسمه نفس اسمي وهو عطاهم رقمي مع إني دوم كنت احط رقمي

الفكرة ممكن تطبيقها في بعض التقاطعات مثل عند الاشارات وممكن بتظليل مثل الشبك البلاستيك الأسود اللي للزراعة .. بس بشوية نباتات متسلقة وحبال تتسلق عليها بيكون منظرها بعد فترة حلو وبتظلل على الشوارع

[معماري قطري]

بعد عمارات قبل كانت بعد ما ترتفع دور وميزانين تنمد شوي تسوي تظليل للشارع عن الشمس والمطر للمشاة وألحين لا سيدة والشمس تصلخ الناس تحت وشكراً للتخطيط وقوانينه

[سالم الزهران]

هلا فيك بو عبدالله ,, خذيت بيت مؤقت مؤثث تبع الدائرة لان عندي صيانة

و لاحظت ان الخشب حق طبلية السيارة ممتد لفوق المدخل حق البيت ( صراحة كلما اوقف افتح الباب اطالع فوقي و اقول لو فيه مطر يمدي اطلع الى السيارة ما يرشني المطر)

في اشياء و افكار جميله احس انها متروكة لنا من ايام الشركات القديمة الزينة اللي كانت تنفذ صح و تفكر صح .

بحاول ارفع لك صور او ادزها يمكن تتضح الصورة و يبن الشكل البسيط و العملي ..

[معماري قطري]

هلا فيك بو عبدالله ,, خذيت بيت مؤقت مؤثث تبع الدائرة لان عندي صيانة

و لاحظت ان الخشب حق طبلية السيارة ممتد لفوق المدخل حق البيت ( صراحة كلما اوقف افتح الباب اطالع فوقي و اقول لو فيه مطر يمدي اطلع الى السيارة ما يرشني المطر)

في اشياء و افكار جميله احس انها متروكة لنا من ايام الشركات القديمة الزينة اللي كانت تنفذ صح و تفكر صح .

بحاول ارفع لك صور او ادزها يمكن تتضح الصورة و يبن الشكل البسيط و العملي ..

الشركات تنفذ كان الفكر غير قبل .. مريت البارحة مجلس مسويه راعيه بدون مظلة على المدخل وبعدين ركب مظلة خشب مصبوغ ما تحس بها غير وتحس كأنها مبنية بنيان مع المجلس

[معماري قطري]

التحدي في البناء هو البناء الرخيص بمستوى عالي من التخطيط الجيد وبحيث يكون المبنى يخدم أطول فترة

هذا مبنى لمواقف سيارات متعددة الأدوار ومبني خفيف بخرسانات مدروسة أعتقد في اليابان واللي بيقرأ المقال بيعرف تفاصيل أكثر

هذي صورة جوية حق المبنى وهو المخطط في يسار منتصف الصورة





المبنى بطول يقارب ال 200 متر



خرايط توضيحية



غالبية الشغل خرسانات جاهزة لكن فيه صب في الموقع لربطها مع بعض وكذلك حديد لزيادة الترابط لأن وقت الهزات الأرضية القوة الدافعة تكون جانبية ومن ينفصل عنصر ينفصل الثاني والسقوط يكون النتيجة الحتمية



الأرضيات خرسانة مجوفة لتخفيف الوزن ولتكون اقتصادية وهذي نسويها عندنا بس ما عندنا الشجاعة نسوي مشروع مقارب .. غالبية مشاريع المواقف عندنا تكون صب في الموقع وتاخذ سنين لين تكتمل



لاحظوا الربط الجانبي بين قاعدة العمود وراس العمود الثاني .. هذا يسمى Lateral Bracing ويعطي المبنى ثبات خيالي ضد الهزات الأرضية



هنا نشوف رامب الدخول أو الخروج كيف سهل وسلوبه بسيط مب مزعج .. في بعض المواقف نحصل رامبين أو ثلاثة للدخول والخروج بنفس الوقت ويكونون واسعين

[معماري قطري]

من أحلى المنازل في أحلى المدن الأمريكية .. مدينة سان دييغو - فلوريدا

هذا بنيان حديث يستعمل الطاقة الشمسية اللي مغطي بها السقف والسقف معدني منحني يجمع الماء حتى الرطوبة القليلة وقت الفجر تنزل وتجمع خلال بايب لخزان تحت الأرض ومن ثم لسقي الزراعة



واحنا ماي التكييف بدال ما نجمعه ونصرفه للزراعة نوديه للصرف الصحي

حبيت طريقة الجدار الحجري .. سهلة عبارة عن شبك حديد جامعين فيه حجارة ناعمة وكبيرة وثابت بفعل وزن الحجر .. والمحيط تمت زراعته بأشجار مثمرة طول السنة حتى يجد النحل زهور يعمل منها عسل طول المواسم

[معماري قطري]

إخترت لكم مبنى راهي بس مب ثابت متحرك في البحر

يشيل 557000 لتر من الوقود لو افترضنا ديزل ب 1.4 ريال بيطلع تفويلته ب 779800 ريال