محتارة اي فندق اختار في دبي ابغيه داخل المول خبراء دبي وينكم

[^امـ نواري^]

السلام عليكم ورحمة الله وبركاته

ابغي خبراء زوارة دبي يعطوني رايهم

بهالفنادق الملاصقة للمولات :

الادريس ( العنوان) في دبي مول

كمبنسكي / او بولمان في مول الامارات

كراون بلازا / الانتركونتننتال في فيستفال دبي

او الاتلانتسسس ..

ابغي رايكم ومشورتكم ونصايحكم
وطبعا تجاربكم الناجحة والفاشلة ان وجدت ..


والسفر قبل رمضان لمدة اسبوع وعائلة
..

[صمتي حزن]

بولمان حلو حلو وبوابة الفندق على كوب الامارات أحسن من كمبنسكي صراحه انا سكنت كمبنسكي وسكنت بولمان بولمان سعرة أحسن واشرح اما دبي مول وايد زحمة وماحبة وعن نفسي انا صراحه صرت اسكن فندق رافلز للمرة العاشرة

[زعبي]

http://www.booking.com/hotel/ae/the-...dcid=1&lang=ar

برأيي أحسن فندق في دبي رايق وتصميمه تاريخي وموقعه حلو جدا, ميزته كل غرفتين لهم باب خارجي مشترك فاذا كنتوا عائلة تاخذون غرفتين جنب بعض وتقفلون الباب الخارجي المشترك ويصير كأنه سويت

[^امـ نواري^]

صباح الليل على الناس السهرانه ..

لك الشكر اخوي صمت الليل على الرد والتجاوب السريع ... يعني طلع بولمان افضل من كمبنسكي ؟ حلو .. ودبي مول من يومه ثقيل ..و بعد صاير زحمة ..؟ الله يعين


زعبي : كل الشكر اخوي على الرد وصح انا شلون نسيت هالفندق الرائع من زمان خاطري اسكن هالفندق ( البالاس ) بس احنا بغيناه قريب من المولات .. مع ان عندنا سياره

[فريخ الشاهين]

كلها زينه الفنادق بس يمكن بولمان وكمبنسكي ملاصقين لمحطه القطار يعني اللي مايبون سيارة يصلح لهم

كل الفنادق اللي عرضتيها زينه اختي..

[^امـ نواري^]

هلا اخوي فريخ الشاهين
.. اي ادري انهم كلهم حلوين وزينين ...
ومول الامارات فيه كل شي صحيح ..

بس انا محتاره وابغي الافضليه والارقى والاجمل والانظف والخدمة والطعام والموقع وووو الخ .. وحسب كل شخص وتجربته .. ورأيه .. ومانستغنا عن التجارب والنصايح

...
وباقول لك شي حطها حلقه بودنك انت وكل السامعين واللي يقرون الموضوع .. تفيدكم في مستقبلكم مع الحريم ..

يعتي لمن وحدة تسالكم عن رايكم وتطلب تحديد او تفضيل شي معين على الاخر .. فمعناته انها لازم تسمع كلمة فيها تحديد واختيار واضح من قبلكم ( معشر الرجال ) خاصة ولكل من يواجهه بمثل هالسؤال او يٌـطلب منه رأيه ..

يعني من الاخير لازم تتفلسفون شوية وتسون نفسكم عارفين وتجاوبون بكل ثقه
خذوا الكلام من ام نواري وانتو بتكسبون ..

[لمعة الالماس]

اخذي الفندق اللي عند دبي مول

عشان تروحون له لان المجمع فيه كل شي وكل المحلات ويبيله كم يوم لين تلفونه عدل

[أبو راكان]

عندج بعد رمادا داون تاون جيدجدا عباره عن شقق فندقيه حق العايلات ومطل على النافوره وقريب من دبي مول

وفي فندق ممتاز جداً اسمه رافلز احذا وافي مول

الله يوفقكم

[أبو راكان]

في فندق ماسكنته بس امدحوه الربع تابع لمول بن بطوطه يقولون روعه لكن عيبه بعيد شويتين عن مركز المدينه

[^امـ نواري^]

ماقصرتي اختي لمعة الالماس على الرد .. وصج دبي مول يبغي له تفرغ واكثر من يوم لين نلفه كـله .. ( صج حريم يعني لازم نلف على محل محل


هلا اخوي ابوراكان صج ماقصرت وجبت لي فنادق جديده ماحطيتها في لستتي ..
ابن بطوطة مول وايد حلو وفندق روعة عيبه انه بعيد .. بس للحريم ماعندهم مشكله دام موجوده السيارة ..

ومول وافي احسه صغير مايسوى ان الواحد يقعد في فندق قريب منه

انا ابغي مولات يعني جولة تسويقيه بحته