احلى الذكريات الرمضانية

[qatarshark]

من ذكرياتي المضحكة في رمضان
مرة من المرات قلت باروح اسمع المدفع مال السحور وطبعا خذت لي قرشة ماي
علشان امسك , المهم انا من غبائي رحت من جنوب المدفع مب من شمال
ومخلي دريشة السيارة مفتوحة يابلفيت ان الجو حلو
واول ما ثار المدفع الا البارووود كله عندي بالموتر
قمت اكح كح من ريحة البارووود وحسيت اني بلعت المدفع بكبره
قمت اشرب ماااااي واتمضمض لان البارود لصق في لهاتي
وهاي آخر مرة اشوف المدفع يضرب

[آنــه]

هههههههههههههههههه فضيعة احس انج انتي اللي محرضة عالرسايل

والله مب انا هذي بنت جيرانا اللي قالت خلنا نكتب لها
انا فكرتي هي الرسمه لانها بتكون معبرة اكثر


قرش قطر :
من هين الحين يا قرش حتى العتله ماهي بهينه


لي ذكرى مع المدفع بعدين بذكرها

[qatarshark]

من الذكريات الي ما نساها برمضان
كنا نلعب بالسياكل وتخبرون الليف مال المواعين لما اتشبه اشلون يصير شييييييي والله
المهم انا شفت الربع يحطون الليف على الرنغ مال السيكل ويشبونه ويمشون به شكله وايد حلو بس لابد من الحرص المهم اخوكم شارك الي هو انا حبيت اجرب الحركة ولفيت الليف على رنغ السيكل والباقي خليته في فخذ السيكل وهي المنطقة بين سكان السيكل والمقعدة وشبيت الليف ومشيت المهم وانا امشي يات شرارة على الليف الي بفخذ السيكل وشب الليف كله عند ريولي وبقى يشب ثوبي انا من الخرغة طبيت من السيكل على القار وتزلقت وحالتي حالة وحرمت اني اسوي شي ما اعرفه
وهاي قصتي مع الليف في رمضان

[M S A]

يا حلو سوالفكم مالت أول. مب أول واجد ... بس حلوة . تونس.