الوقت وقتي و الزمن ما صفا لي
و العمر رحلة أتعبته المشاوير
كلي حلالك و أنت كلك حلالي
لكن وربي حظنا ما هو بخير
حاولت لكن ما جرا لك جرا لي
مات السنع في وجه قل التدابير
فـلا تزعل إليا قلت مالك و مالك
دام الأماني غير و أحلامنا غير
و دام الحزن بالحب فالك و فالي
خلنا نتفارق و البقى للمقادير
أدري فراقك صعب و يهد حالي
و أدري فراقي صار من قبل لا يصير
ما كنت أبي فرقاك بس الليالي
تسير أحلامي على عكس ما أسير
تدري خفوقك بالفراق وش هدا لي
أهدا يديني وردتين مع طير
و رحت بفراقك و الهدايا قبالي
و مات بيديني وردتين و عصافير
يمكن يخون الود لا من طرا لي
لكن و ربي ما أخونك مع الغير
أبطلبك حاجة و أمانة إذا لي
معزة و خاطر و حشمة و تقدير
تكفى بغلاة أمك إذا كنت غالي
لا جيت في بالك تذكرني بخير
|
رد مع اقتباس
المشاركة الأصلية كتبت بواسطة intesar
