مشكور اخوي معماري على الرد
بس غرفة السينما يبيلها معالجة الصوت وتردد الصدى ووضع السماعات بزاوية 30 درجة تقريباً وشغلات كثيرها كتمديدات الكيبلات وتكون مخفيه وغيرها من امور فنية وياليتنا مثل دبي او الكويت او السعوديه متوفره عندهم شركات متخصصه للمسارح وبأسعار ممتازه اتوقع السلام راح يكون مبالغ فيها بشكل خرافي
فيه شركة اسمها اذا ماخاب ظني التحكم في العزيزية سألته عن تركيب جهاز يتحكم في غرفة النوم قالي لو تبيه يتحكم في المكيف زايد الستاره والاضائة سبوت لايت عددهم 20 لايت بيكلفني 30 الى 35 الف تخيل موب حرام وانا لقيت نفس الطريقة في محلات في السعوديه على 8 الاف تقريباً
كل شي غالي عندنا
الله المستعان .
اسكت سالت شركة تكنوكيو وكذا شركة متخصصين في هذا المجال حتى شركات كويتية
كلهم عطوني سعر في حدود 150 الف ريال
يوم سالت واستفسرت عن سبب ارتفاع السعر
لانها سالفه طويلة عريضة
لازم اعطيهم خرايط الكهرباء وقوة كل مكيف وكم طن
واصعب شي حسبة المكيف وقوة المكيف وكم طن
وهذي الحسبة تدخل في لوحة الدائرة الكهربائية مع الفيوزات
وحسبة كل ليت
الصراحة هذا النظام يصلح حق الطبقة المخملية
الستاير تفتح واتسكر اوتوماتك واليتات تفتح اذا مريت في الممرات وحركات ودلع وكل كم يوم النظام متعطل
صراحه شفته غير سعر النظام مرتفع حسيت ان معقد
انا ابي فقط تشغيل المكيفات لما اكون مسافر وخاصة في الصيف
حصلت رموت يتركب في لوحة تحكم التكيف ويشبك مع النت وتقدر تتحكم في نظام التشغيل والبرودة
قيمة الجهاز الف ريال لكل مكيف
واتنزل البرنامج على الجوال وتتحكم في نظام التكيف
وممكن حاليا نزل جهاز جديد وسعرة رخيص
الكلام هذا من سنة اكيد نزل شي جديد في السوق
بصراحة المميز فيها انك تقدر تتحكم متى تفتح الستاير ومتى تقفلهم لانها لازم تخلي الشمس او الضوء يدخل الغرفه وحتى التحكم في المكيف متى تبي المكيف يشتغل ومتى يقفل راح ينفعك هالنظام في الصيف او اذا كنت مسافر
الآيفون ينزل برامج سهلة ورخيصة للتحكم المنزلي
كلامك سليم الايفون فيه برامج للسمارت هاوس بس يعيبها لازم تشتري اجهزة تدعم وبعضها متعب شوي وغير فعال