يعني يبي لنا تغيير نظرتنا لطريقة البناء وضوابطه و تحديثها بشكل يخدم المواطن ويتيح له يستفيد من قطعة الأرض قدر الإمكان
جزاك الله خير بو عبدالله .. لابد نروح للبلدية ونقولهم استريحوا خلو الطموحين والنشيطين واصحاب الخبرة والمبدعين من الخريجين يشتغلون اقل شيء عطوهم مخطط ولا اثنيين يطورونهم من الإلف للياء بافكارهم الجديدة
أذكر صممت مبنى بسيط وما يستاهل تدخل وحشرة حشروني عليه وعقدوا الموضوع ولا تم .. وصممت مبنى سريع سكتش وبالأحرى مبنيين مبنى لبوابة بأقواس تراثية ومبنى ثاني بسيط على شكل برج تراثي .. وعطيتهم أشخاص يخلصون موافقاتهم بدون ذكر اسمي ومن الجهات صاحبة العلاقة مباشرة وتم تنفيذ المباني على أحلى ما يمكن .. البرج اللي خذه مني مهندس لعب شوي فيه وخربه لكن طلع مقبول أما البوابة استوت فضيعةالمشاركة الأصلية كتبت بواسطة سالم الزهران
انا للحين ما وصلت للمبنى اللي اقصده وباحط صوره والفيديو إن شاء الله بس يبي لي ادور في عدد كبير من الملفات
نوعيات إنارة حديثة حبيت انقلها لكم
طبعاً كل نوع مكتوب عنه وصف كافي
بعض الصور الخاصة بي صورتها فوق السطح من فترة وحطيت مثلها قبل بس هنا تذكير بأهمية تظليل وحدات التكييف الخارجية
الشمس تقطع الخشب بس صار له كم سنة صامد وأفضل نركب معدن
الجزء الحديدي حق راس المنور صدأ شوي ويحتاج صبغ .. هذا بعد 11 سنة والحمد لله
سويت جسور معكوسة حق تحمل القزاز والألمنيوم والقزاز طبقتين معزول وتم عزلها بعازل المياه مثل ما تشوفون .. وشركة قطر يو بي في سي ما قصروا جابوا قطع ألمنيوم تغطي الباقي
ضروري نسوي الجسور المعكوسة ونحدد فتحة المنور سواء كانت دائرية أو مربعة حتى يكون عندنا حواف صلبة يركب عليها الألمنيوم ومرتفعة ما تسمح بتسريب الماي
حسبي الله على الصباغ المصري اللي صبغ البيت قبل وغيرته الا فوق السطح وهذا صبغه شلون تقشر .. يقول الرطوبة زين الرطوبة وينها عن الصبغ الجديد وكان مغسول بالماي قبل .. 35 الف في ذمته إن شاء الله
أشوف كلامك عن الصباغ وأتحسب بدوري على الموضوع اللي نزلته من شوي عن مكتب العقارات اللي "مماطل" مع صديقي
والصبغ لنا معاه بعد قصة، نفس الشي صبغوا بـ 27 ألف وما كمل شهر إلا وتقشر، وغير هاي شغلهم ما كان نظيف ورشوا على باب السطح شوهوه، ويقول لك أنا أصبغ أبراج! حسبي الله ونعم الوكيل
الله كريم..
بخصوص صور الإنارات، هل في محلات إنارة عندنا تسوي إنارات أو ثريات custom؟ شغل يكون على درجة عالية من الاحترافية؟
في أفكار إبداعية لثريات ومصابيح بمواد وخامات غير متوقعة أو مألوفة، هي شكلها سهل بس يبيلها من يضبطها خاصة مع التوصيلات والوايرات، والأهم يكون الشغل نظيف.
الصبغ يا اخوي كنت مسافر واتفقت أُم العيال على الصبغ وسئلتني بس شسم الصبغ وعطيتها .. وخليت الجزء اللي فوق تذكار لكن صبغت البيت من جديد وسويت ترتيب ثاني للإضاءَة وغيرها .. شوف هذا الموضوع فيه تفصيل ممل وصور
http://www.qatarshares.com/vb/showth...E1%E3%D2%DA%CC
عن الإضاءَة عندك غرناطة ما شاء الله مختصين ويسوون شغل بالطلب ومن الملاك أحمد العبدالله زميل دراسة مهندس كهرباء وتحصله هناك في الغالب بعد المغرب وعندهم مهندسين اضاءة غير فاهمين متواجدين على طول
باقي الشركات مثل الشعلة وغيرهم بعد يسوون اتوقع .. بس تطلع وتسوي مسح للسوق بتحصل نوعيات مناسبة موجودة وبسعر مناسب
اللي يلاحظ الصورة فوق فيه كراك بسيط خط فاصل بين الخرسانة مالت صبية السقف وطابوق سور السقف والسبب إني أغفلت عمل جسر مقلوب هنا وعملته في باقي البيت .. طلع عندي كذلك في الملحق وصلحناه مع الصبغ واحتمال يرجع بعد فترة بسبب الضغوط الحرارية وضروري نسوي جزء بسيط على فوق خرسانة حتى ما يبين الفاصل
موضوع شيق عن تصميم المساحات الضيقة وترتيبها
طبعاً الأساس لحل مشكلة المكان الضيق إن نختار أثاث مناسب ومدمج سواء ثابت أو متحرك
هذا مثلاً مسوي المطبخ ضيق وصغير وراء جلسة صغيرة وممكن يتناول فيها وجبة خفيفة
وهذا مسوي مكان لمكتب صغير في صالة الجلوس
هذا قاسم غرفة النوم لصالة جلوس ومكان لسرير النوم .. نلاحظ كيف حتى الستاير غير اللي ورا السرير غير اللي للصالة .. بس لو الواحد ما عنده مساحة زين لكن لو عنده مساحة وصالة مستقلة أنصح يخلي الغرفة بكرسيين على جنب كفاية وما يكون فيه فاصل
نصيحة هاوس بيوتيفول كافية
هنا بعض العدة اللي تمكننا من استخدام مساحة ضيقة بشكل فعال مثل حوض السباحة اللي يعادل 1.5 متر .. وممكن نحصل مغسلة سواء زاوية أو عادية بمقاس صغير يوصل ل 30 و 25 سم .. من تجاربي الشخصية ركبت مغسلة للبانتري فوق بقطر يقل عن 30 سم ولو مركب كبيرة خربت المساحة
مدخل للألوان مع هذي الصورة وتأثير الزمن على الخشب بتغيير لونه وكذلك الحديد
هنا اللون المسيطر الرمادي على الأزرق مسمينها دكس بلو لكن ما يجعله مناسب هو دمجه مع الألوان الثانية في رأيي الإطارات البيضاء مهمة جداً في الصورة النهائية
وما سبق ينطبق على هذا كذلك
ضوابط المشاركة
رد مع اقتباس
