السلام عليكم
حبيت أستفسر منكم إذا حد عنده فكرة عن الناس اللي تشتري وتتعامل بالملايين في القطع النقدية الأثرية في الدوحة ..
واذا حد عنده قطع أثرية تسوى فوق المليون .. كيف و وين يعرضها .. باستثناء إدارة المتاحف طبعا ً ..
ويزاكم الله كل خير مقدما ً
نجم سهيل
ما عندي فكرة، بس أنا شفت محل في سوق الأحمد عند الأشارات في الزاوية يتعامل مع العملات الاثرية والله أعلم
..كنت عندي ضي عيني من غلاك..
..كنت احارب من يواري طلعتك..
..كنت متربع ولا احد سواك..
..فوق عرش الحب..لكن غلطتك..
..بعتني برخيص بعت اللي شراك..
..بعت نفس حبتـك ثم اغلتـك..
السلام عليكم
مستريح البال
يزاك الله خير اخوي على المساعدة .. وان شالله بشوف المحل وذكر لي اياه بعد اخوي راعي الأزرق ..
بس ان شالله عاد نصيد حد من الهوامير اللي لهم في المجال هذا بعد ..
والشكر أيضا ً موصول لخوي راعي الأزرق على المساعدة الكافية والوافية .. والسموحة منه لاني ما أقدر أستخدم الرسايل لشخصية إلا بعد الـ 100 مشاركة .
نجم سهيل
الله يحيك أخويالمشاركة الأصلية كتبت بواسطة نجم سهيل
وأي خدمه أو استفسار انا في الخدمه
تحياتي
ونسيت أقولك اخوي
شنهي العمله اللي بالملاين اللي عندك؟
على حسب خبرتي ماوصلت عمله ورقيه قيمتها مليون وبالنسبه للمعدنيه عملات معدوده على اليد اللي وصلت هذا السعر
اذا ممكن بس استفسار شنهي العمله اللي عندك؟
السلام عليكم
ماتقصر يالغالي ..
وبالنسبة لاستفسارك .. هي مجموعة من العملات عددها 121 قطعة من الذهب .. يبتدي تاريخها من عام 79 للهجرة حتى عام 1200
و تم تثمين المجموعة في المملكة العربية السعودية بمبلغ وقدره ( ......... ) مليون ريال
وأتمنى اني أفدتك
نجم سهيل
اولا أخي الكريم.... العملات اللي كانت في عهد الرسول كانت عملات ساسانيه و بيزنطيه (غير اسلاميه) ومنها الذهبيه والفضيه والبرونزيه.
واللي كانت تستخدم في عهد الخلفاء عملات مختلفة على حسب زمن عهد الخليفه.
وفي أيصا عملات أمويه وعباسيه وعثمانيه..... ضربت في دول ومدن مختلفه وأنواع عديده....
بس أخي الكريم مافي شي من هذول ممكن يصل إلى المليون ريال حتى لو كان عددها 121 قطعه... والله أعلم
بعض العملات تنباع على 50 و 70 و150 و 200 و 300 ريال هذي هي معدلاتها للقطعه الواحده للفضيه والنحاسيه
وطبعا الذهبيه أغلى من اللي ذكرت وتختلف أسعارها حسب ندرتها
ومن الممكن أن تكون قطعه واحده بعشرة الاف ريال والقطعه الأخرى ب 50 ريال
بس انت سألت من في السعوديه؟؟ وهل سألت متحف قطر عن هذي العملات؟
تحياتي
السلام عليكم
والله يخوي العملات مب لي .. حق واحد من الربع في السعودية .. لكنه الحين في الدوحة للغرض هذا ..
وقال لي انه ثمّـنهم وسعروها له بالمبلغ هذا هناك .. وكل الوثائق والصور موجودة معاه الحين من غير العملات .. واليوم سلمها لاحدى الجهات الحكومية في الدولة ( غير مختصة في الآثار لكن لغرض الييع ) .. وان شالله إن جد جديد في الموضوع بذكره لك .. وان شالله بيجيه الرد هو يوم الأحد أو الاثنين ..
نجم سهيل
ضوابط المشاركة
رد مع اقتباس