استفسار عن ميونخ فيينا زلامسي باريس بروكسل

[.. الكاش ..]

السلام عليكم يجماعه حاب اخذ زوجتي العزيز وبنتي الله يحفظه ان شاء الله جوله اوروربيه دوحه ميونخ خمس ايام وعقب فيينا اربع ايام منه زلامسي وعقب بطير باريس عاصمه الانوار اربع ايام وعقب برةح بروكسل يومين ورجعه منه الى الدوحه الغاليه ان شاء الله حبيت استفسر من خلال هذا المنتدى الشيق والي مانستغني عنه في خبراتكم ونصايحكم لي من ناحيه الاماكن السياحيه والمده اسبوعين من اول عيد الفطر ان شاء الله

[Class - Qtr]

السلام عليكم

مبروك عليك الشهر .. وسفرة موفقه بااذن الله

مخطط سفرتك طيب بس انا باانصحك بهالطريق اخر وانت وحريتك

فيينا 3 ليالي -- > -- > زيلامسي 4 ليالي -- > ميوتخ 3 ليالي -- > باريس 3 ليالي -- > بروكسل 2 ليالي

فيينأ : الاماكن السياحيه

1 - حديقه + نهر + برج ( الدانوب )

2 - ملاهي براتر

3 - حديقه تشاد بارك

4 - قصر الشونبرون

5 - شارع ماريا هلفر

6 - شارع ستفنيز

7 - مرتفعات الكالين برغ

8 - مجمع كافران

زيلامسي : الاماكن السياحيه

1 - تلفريك زيلامسي

2 - حديقه + وبحيرة زيلامسي

3 - قمه الكابرون

4 - الزحليقه الصيفيه

5 - شلالات الكريميل

6 - شارع المشاة ( زيلامسي )

7 - تقدر تركب طيارة تاخذك للللللللفه على زيلامسي


ميونخ : الاماكن السياحيه

1 - ساحه مارين بلاتر

2 - الحديقه الاولمبيه

3 - معرض bmw

4 - برج ميونخ

5 - عالم البحار

6 - تقدر تزور قارمش من مدينه ميونخ ساعه بالقطار من محطه القطارات الرئيسيه في ميونخ

تروح وترجع في نفس اليوم


باريس : الاماكن السياحيه

1 - برج ايفل

2 - الاديفانس

3 - شارع الشانزليزيه

5 - متحف اللوفر

6 - هضبة مونمارت

7 - ديزني لاند

8 - حديقه الاليزيه


بلجيكا : الاماكن السياحيه

1 - مبني الاتونيوم

2 - الميني يورب

3 - ساحه الغراند بلاس

4 - متحف السيارات

5 - المتحف الحربي

6 - حديقه الاقواس الثلاث

7 - شارع روجير

8 - تقدر تزور مدينه انتوريب من بروكسل تروح لها الصبح وترجع العصر

9 - تقدر تزور مدينه بروج تروح لها العصر وترجع على اخر رحله في الليل

[.. الكاش ..]

خوش جدول فديتك وان شاء الله بمشي عليه مع الجدول الي عندي جزاك الله خير

[مشتاقة لقطر]

روح وترد بالسلامة انا رحت ميونح زيلامسي هالصيف

حلوينوايد

بس بالسيارة احلى واحلى ما يحكمك جدول تستكشف اشيا وايد

ورحنا لفينيسيا ايطاليا يومين ورجعنا ميونخ

[وحيد-الشوق]

بروكسل ماتستاهل العنوة مدينة بايخه وممله بس الحلو فيها ساحه الجراند بالاس والوافل

[ريتويت]

ميونخ.. ملاهي الليغو لاند ومعرض المرسيدس وبحيره ابسي

[.. الكاش ..]

شوركم وهدايه الله بستاجر سياره وعندي قارمن وعندي احداثيات بعض الاماكن وربي بيسره ان شاء الله

[مزعله النساء]

السلام عليكم
اخوي جدول جميل الله يوفقكم
بس حبيت اظيف في فينا روح سانت كرونا راح يعجبكم

وفي شارع المشاره ( الكيرتنر شتراسا) جرب سجر كيك في فندق Sacher
الفندق يقع اول سوق المشاه

وفي مطعم اسمه بخاو قريب من فندق الماريوت لازم تجربه مب عربي

ومحل ايس كريم ولااروع ورأ فندق الهلتون مشي ربع ساعه هم اثنين اقصد الثاني

ومطعم لاندماير عند النهر

فينا احبها عشت طفولتي فيها

[.. الكاش ..]

بنضيفه مع الجدول ان شاء الله

[خيالة قطر]

اخوي ابغي اعرف انت حجزت ؟
ولو حجزت مممكن تقولنا اسعار التذاكر شلون ،

وياريت عقب ماترد تنزل لنا تقرير عن رحلتك لو ماعليك امر < اتشرط ههه