-
محلل فني
المجلـــــس اللــي يزعجــــــك
المجلس اللي يزعجك لا تمره
خله تراك بشوفته منت مجبور
والرجل سقها في صحاصيح بره
ومد النظر مابين ريضان وزهور
لا صار وجه القاع مافيه جره
والمشي حافي والثرى تو ممطور
ساعات صمت ما وراها مضره
تسوى الكلام اللي به إذنوب وإشرور
أطلق خيالك وأترك النفس حره
وخل الطبيعه في حياتك لها دور
وبالليل لا بانت نجوم المجره
أذكر بديع الخلق بأحساس وشعور
واسجد لرب الكون مره ومره
وإحفظ لسانك وأترك الكذب والزور
وفروض ربك خلها مستمره
وطاعتك لا يدخل بها نقص وقصور
-
عضو فعال
ساعات صمت ما وراها مضره
تسوى الكلام اللي به إذنوب وإشرور
صدقت أخوي..
اختيار حلوو..
-
محلل فني
هلا وغلا
الحلو مرورك الكريم
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى