السلام عليكم ورحمة الله وبركاته
صباح الخير يالمداومين وصباح الخير يالنايمين ..
المهم بقولكم شيء فخاطري وهالشي انا لاحظته فهلي وفربعي ..
اشوفهم يوصون بعض على الاستغفار ويزاهم الله خير لكن اللي لاحظته انهم يوصون بعض بالاستغفار لاغراض دنيوية يعني مثلا اختي توصي رفيجتها وتقولها استغفري بنية الزواج
واللي تقول استغفري بنية الحمل ....
أنا أقول ليش مانستغفر بنية التقرب لله بنية طلب رضا الله واذا الله رضا علينا بيرضينا فحياتنا
مافي أحلى من جي والله .
لازم نجدد نياتنا ونصفيها لوجه الله فعلى نياتكم ترزقون . والآخرة خير وابقى من هالدنيا . فلما نستغفر الله بنية التقرب لله وطلب رضاه الله بيرزقنا اللي فخاطرنا وبيعطينا الاجر يعني الآجر يفرق وايد بين اللي يستغفر عشان ياخذ شيء من الدنيا وبين اللي يستغفر عشان الله يرضا عليه .. هو مجرد وقفة مع النفس وبتتصلح احوالنا وبتتعدل حياتنا لأن أهم شيء فالبني ءادم نيته .
وأخيرا آخواني أوصيكم ونفسي بالإستغفار ...
ولاتنسون وعد الله فهلآية ووعده الحق : ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم أنك عفوا كريم تحب العفو فاعف عنا ..
ودعواتكم اخواني أنا أمر بمشكلة كبيرةوبحاجة لدعواتكم .
فمــأن الله .
|
