لا الواتس اب ماله خص
لا الواتس اب ماله خص
اخبر في برنامج في الايفون اي شخص يتصل لك يطلع اسمه
والحين والاسماء كلها على القوقل مخزنه وهذه بالعكس اشوفها ميزه ممتازه الاول لوراح تلفونك بحر تعال برمج من جديد
ماعتقد هذه البرامج لها اضرار بالنسبه لي اللي يبي يشيل ارقامي كلها عليه بالعافيه وخل يتصل فيهم كلهم مبروك عليه
مع الصور لو يبي
ماشوف فيها شي من الخصوصيه بالنسبه لي وهذا راي
التحذير نازل من زمان عن البرامج الي تخترق الخصوصية
والله اعلم ان رابط المواقع الي لم تلتزم بخصوصية الاخرين عليها بلوك
لكم روابط التحميل تتغير وصعب متابعتها اول باول
وغير كذا ان متجر البرامج لابل مانع من تحميل تلك النوعية من البرامج
لكن ماتقدر تمنعه من الجلبريك
هذا رابط يوضح اكثر
http://www.doha-apple.com/news.php?action=show&id=44
ما فهمت الموضوع
يعني اقصد شلون اعرف اذا هالبرنامج عندي امسحه ولا مب عندي
انزين شسم البرنامج
إخوي وضح لنا شوي عالاقل انعرف ونقرى عن هالشي *
استغفر الله واتوب اليه
لا إله الا الله وحده لا شريك له ..
له الملك وله الحمد وهو على كل شي قدير
لا يزال لسانك رطباً من ذكر الله عز وجل
عَنْ عَبْدِ اللَّهِ بْنِ بُسْرٍ قَالَ: أَتَى النَّبِيَّ صَلَّى اللَّهُ عَلَيْهِ وَسَلَّمَ رجلٌ فَقَالَ:
يَا رَسُولَ اللَّهِ إِنَّ شَرَائِعَ الْإِسْلامِ قَدْ كَثُرَتْ عَلَيْنَا، فَبَابٌ نَتَمَسَّكُ بِهِ جَامِعٌ؟ قَالَ: لَا يَزَالُ لِسَانُكَ رَطْبًا مِنْ ذِكْرِ اللَّهِ عَزَّ وَجَلَّ .
البرنامج في منه انواع
واحد من هالبرامج يشتغل على الطريقه التاليه
اول شي يوم تنزلينه يجي يسألج عن هل انتي موافقه ان ارقام جهازج تدخل بنظام البرنامج
وعلشان تشغلين البرنامج وتشتغلين عليه لازم توافقين على الشرط , تحطين بعدها صح وتوافقين
تنزله بجهازك , تحط الرقم اللي تبي تستفسر منه عن اسم صاحب هالرقم
البرنامج يشبك بالموقع فيقعد يدور اراقام الاجهزه اللي وافقت ان ارقامها اللي في الجهاز
تدش النظام
يدور في النظام على نفس الرقم , فلما يلقطه بيكون مسجل الاسم معاه من شخص ثاني عنده البرنامج ووافق ان هالنظام ياخذ ارقام جهازه المسجله اللي هو ارفق عليها اسماء
مثال
يعني ان انا سجلت رقمج على سبيل المثال باسم " بنت المطر
وانا قبلت انه ارقامي تدش في النظام
ايي حد ثاني عنده نفس البرنامج لما يحط رقمج يطلع عنده عنده الاسم " بنت المطر
في اللي حاط اسمج على رقمج في جواله ويستعمل البرنامج بينعرف اسمج من كل مستعملين البرنامج عن طريق رقمج \
وفيه برامج ثانيه بس الاغلب انها كلها على نفس الموال
فلا تحاتين هالبرامج لانها ما تكون مع الجوال اول ما تشترينه والحين ما تحصله لا في google play ولا الابل ستور
لازم تروح موقع البرنامج وتستخدم بروكسي , يعني عفسه
ما بينزل بالغلط بالعربي فلا توسوسين وتحاتين
البرنامج الاشهر
محجوب من قبل كيوتل
وحتى لو نزلته
ما يشتغل
لانه في بلوك على الاي بي ما يصل لقاعدة البيانات
=======
حتى اللي نزله وحصل رقمه او رقم اهله موجود يقدر يلغيه بطريقة سهلة
وعادي تذكرون اسم البرنامج لانه اصلا مقفول وعليه بلوك من بروكسي الدوحة
يعني اللي يسوي نفسه ذكي ويقول ابي اغير رقم اهلي فالبرنامج
ويروح يحذف البرنامج ويرجع يعدل اسم اهله ويقوم بتنزيل البرنامج مرة ثانية
ترى ما تضبط
الغلط من احنا ..
المفروض قبل لا نحمل اي برنامج نقرا عنه او نقرا وصف البرنامج
أغلب البرامج اللي تسحب معلومات من جهازك ماتسحب من كيفها ..
احنا نسمح لها بسحب المعلومات .. لان الأغلبيه لين ينزل برنامج فالجوال قبل لا يتثبت يقولك ان هالبرنامج راح يستخدم معلومات في جهازك ويمكن يسوي مشاركه للأشياء اللي فجهازك
هل توافق ام لا ؟
طبعا بالانجليزي واحنا على طول كله yes yes next next بعدين نتشكى ان الجهاز اخترب او الصور انسحبت فالجوال
هذا اللي اشوفه صراحه وانا كل ماحمل برنامج فالجوال قبل التثبيت يقولي البرنامج راح يستخدم معلوماتك وراح يشاركها مع مستخدمين البرنامج ..
فا يعني الغلط من احنا مب من البرامج او من كيوتل او المجلس الاعلى