خدمة الالياف الضوئيه من كيوتل : مخيبه للآمال !!

[M.K.H]

يا الربع حد لاحظ ان كيوتل عندهم خريطتين حق تغطيه المناطق بالالياف

http://www.qtel.qa/en/DP_FTTX_GETTING_CONNECTED_2

http://www.qtel.qa/en/DP_FTTX_AVAILABILITY

و المشكله انهم عكس بعض .. اللون الاخضر في الخريطه الاوله معناته "بيتم الاعلان عما قريب" والون الازرق "الخدمه جاري تركيبها"

الخريطه الثانيه اللون الاخضر "الخدمه جاري تركيبها" و اللون الازرق "بتوفر الخدمه خلال ٦ شهور"

يعني الحين نمشي على اي خريطه s:

[qatara]

الخدمة سيئة جداً

[(محمد)]

انا في عين خالد وركبولي جهاز الخدمة من شهر 2 تقريبا ... ولين الحين ما شغلوه .

شالمطلوب عشان اشغله ... ولا اخليه بدون تشغيل احسن ونكمل على النظام القديم.

[هادي QA]

حده تعبان وفي البلايستيشن النات تايب دايما strict

[M.K.H]

النت تايب الله يسلمك انت لازم انت تفتحه من البورتس .. انا ٢ ميغا و النت تايب ٢

[Charisma]

اخوي انا عندي الـ50 ميجا من خمس شهور يمكن وهذي ملاحظاتي ويمكن تفيدك وتفيد القراء ..

1- السعر مبالغ فيه 500 ريال بالشهر

2- السرعه توصل كامله 50 ميجا وتتجاوزها بعض الاحيان

3- بالنسبه للبلاي ستيشن لازم اعدادات خاصه من الراوتر والبلاي ستيشن وخصوصا في الـ DMZ
عشان تمسك الهوست في الالعاب اللي مالها سيرفرات لعب .. بالنسبه للالعاب اللي لها سيرفرات
الارسال راح يكون ضعيف عندك الا اذا كان سيرفر خليجي او قريب من المنطقه لان الـPING بيكون عندك مرتفع وبيأثر عاللعب بعكس الالعاب اللي تمسك فيها هوست

4- بالنسبه للتحميل حط في بالك اذا بتنزل ملفات ثقيله من مواقع التحميل .. فاغلب مواقع التحميل تحدد لك السرعه اذا مب مشترك فيها اما اذا بتنزل من مواقع معروفه مثل ادوبي مايكروسوفت ابل وغيرها .. فسرعه التحميل بتوصلك كامله وانا عندي توصل 7.8 ميجا بالثانيه

5- الكمبيوتر اللي تشبك منه لازم يكون سليم ومب ( مضغوط برامج ) وتسوي له صيانه دوريه كل اسبوعين ( تنظيف ملفات الغاء تجزئه للقرص فايروس سكان ..الخ ) وللتحميل يفضل تستخدم internet download manager


واخيرا الخدمه بالنسبه لي ممتازه فقط السعر 500 ريال اشوفها كثيره على خدمه انترنت

[M.K.H]

٥ شهور !! ((
اتهنى فيها .. وشكرا على المعلومات
من باب الفضول في اي منطقه ساكن؟

[mE mYself & i]

أنا اليوم ركبولي البوكس الكبير الأبيض

وقالولي بيتم التشغيل بعد شهر ونص

[المبرمج صلاح]

انا استخدمت خدمة الفايبر ( الالياف الضوئية )
في اكثر من 9 اماكن مختلفة في الدوحة الخريطيات والخيسة والمطار والدفنة والخ
طالما السرعة 1 ميجا لن تحس بالفرق وايضا سوف تشعر بان النت بطي لانك ببساطة نفسيتك تقول الفايبر اسرع وتجد النت كما هو فيتهيا لك ان بطئ هذا كلام خاطي لانهم نفس السرعة القديمة والجديدة طالما سرعتك واحد 1 ميجا

ولكن اذا كانت سرعتك 10 ميجا وهي اقل سرعة في الفايبر وسعرها 300 ريال شهريا سوف تحس بالفرق
وخاصة في التحميل ومشاهدة الفيديو اون لاين

وهناك اعتقاد خاطي لدي الناس بان قوة اشارة الوايرلس هي الفايبر وعندما تكون الاشارة ضعيفة او تفصل او قليلة الانتشار يقولون خدمة مخيبة الامال وهم لا يعلمون ان الفايبر شي والرواتر اللي يبث الوايرلس اللي راكب عندهم شي اخر مختلف تماما
حيث قوة الاشارة وانتشار الوايرلس يرجع لاسباب عدة من اهما الرواتر وموقعه وتصميم البيت والجدران اذا كان فيها عازل ام لا او سمكها وهكذا

ملاحظاتي ان الفايبر اوك في كل مناطق الدوحة المختلفة سرعة عالية وتصل دائما اكبر ما تريد بمعني سرعة 10 ميجا دائما اختبرها اجدها 12 او 11 عند الناس في مناطق كثيرة

ولهذا خدمة الفايبر تعتبر خدمه ممتازة مهما كانت عيوبها عن adsl طالما سرعتها 10 ميجا سوف تشعر بالفرق

فانصح كل شخص تم تفعيل عنده الفايبر يرفع السرعة الي 10 ميجا والفرق 100 ريال شهريا عن 1 ميجا


بالتوفيق للجميع ان شاء الله

[جنوب الدوحه]

وهذي السرعه تكون الاتصال الي بينك وبين كيوتل .. وسرعه التحميل تختلف