خدمة الالياف الضوئيه من كيوتل : مخيبه للآمال !!

[Abo Ahmed]

السلام عليكم ورحمة الله

اسمح لي اخوي بو احمد هالايام انا ما ادخل النت الا مسيار بس

معليش بس ما فهمت سؤالك بخصوص الاعدادات المطلوبة لانها تعتمد على الراوتر اللي تبي تركبه انت شنهو نوعه.

أنا عندي راوتر من أيام البرق نوعه دي لينك وله أريال.. بغيت أستخدمه بدال راوتر كيوتل.

يعني بغيت أعدل على الإعدادات مالته بحيث يصير يشغل الفايبر أبتك.

D-Link DSL-2640T

تحياتي..

[airbus]

هذه السرعة عندي لل 50 ميغا
تقريبا 58 ميغا تنزيل و 4 ميغا تحميل



طيب ليش انت ما تدخل على مودم كيوتل الاسود (مودم الفايبر) اللي عندك وتطلع كل البيانات اللي تبيها؟؟

انا كذا سويت وطلعت عندي كل البيانات وحفظتها للمستقبل


تحياتي للجميع

اول شي شكرا لانك قتلك كم الاب لود لانه في كيوتل مايدروا شنوا السالفة حتى قتلتهم PPPoE ماعرفوه وهدا لازم اخده من كيوتل ماقدر احصله مودم الفايبر

[بوNasser]

أنا عندي راوتر من أيام البرق نوعه دي لينك وله أريال.. بغيت أستخدمه بدال راوتر كيوتل.

يعني بغيت أعدل على الإعدادات مالته بحيث يصير يشغل الفايبر أبتك.

D-Link DSL-2640T

تحياتي..

الله يهديك حق التوهق بس

اسمع طال عمرك الجهاز اللي عندك هو راوتر مودم ADSL Router Modem يعني باختصار مب راوتر وبس انما في الاساس مودم ياخذ توصيلته من خط انترنت (البرق في حالتك) وبعدين يعيد توجيهها لذلك تلاحظ ان حتى التوصيلة ADSL مختلفه عن وصلة راوتر كيوتل


وهذا الجهاز يتعب شوي في الاعدادات، اضافة الى انه قديم وسرعته بس 54 ميغا بت بينما الاجهزة الحديثة تدعم سرعات تصل الى 150 وحتى 300 ميغا بت في الثانية.

ايضا التقنية المستخدمة او البروتوكول هو 802.11g وهذا قديم نسبيا ويقل استخدامه حاليا ، بينما البروتوكول الحالي المستخدم والاسرع هو 802.11n

على كل حال انا استخدم راوتر بس بدون مودم (لان كيوتل اصلا مركيب الصندوق الاسود مال الفايبر ويقوم مقام المودم) وحتى اجهزة كيوتل الاضافية اللي تركب هي موجهات (Routers) نفس هذي


المهم انا ماخذ وصلة سلكية (اثرنت كيبل) من مودم كيوتل الاسود وشابكها في الراوتر اللون الاصفر عندي ومنها استخدم الواير او الوايرلس لباقي المنزل

عندي في الصالة فوق راوتر بلكن نفس هذا


وعندي في الصالة تحت دي لينك وكلهم شغالين آخر حلاوة، واظن واحد من العيال بعد عند راوتر لنك سيس في حجرته وكلهم ماخذين وصلات سلكية في البداية وبعدين يعاد توجيهها لاسلكيا

[Abo Ahmed]

أول شي، مشكور يا بوناصر على الشرح والصور، بيض الله وجهك..

ثاني شي، هل إذا شريت راوتر جديد، أتمنى إنك تقترح علي نوع يكون ممتاز، وشبكته بدال راوتر كيوتل إلي هو نفس إلي صورته موجوده في شرحك، بتنحل مشاكل السرعة والتقطيع والتغطية عندي؟ وهل لازم أعمل إعدادات جديدة للراوتر الجديد ولا ركب وشغل؟

تحياتي..

[يوسف0]

ولا عليك أمر، دلني يمكن تنفع ويياي!

تحياتي..

ادخل صفحة المودم هذي http://192.168.100.1

اسم المستخدم :admin
الباس ورد:admin

1) روح حق اعدادات ال WLAN

2) ابحث بالجهاز عن نفس الاسم الموضح عندك (شبكات الوايرلسس المتوفره)!

3) هذا الباسورد لشبكة الوايرلس



بتكون شابك على المودم

جرب يمكن يكون افضل من اللينكسس

[Abo Ahmed]

أخوي يوسف، بارك الله فيك وما قصرت

شبكت على مودم كيوتل مثل ما شرحت لي. الحين بجرب وإن شاء الله يكون كل شي تمام..

تحياتي