مرحبا اخوي السموحه منك ماقدرت اسال الوالده امس جيت البيت متاخر ولا لقيتها صاحيه
بس سويت لك بحث في النت وجبت لك طريقه مصوره
المقادير:
5 ملاعق شاهي مليانة بن هرري محموس بني فاتح مطحون ناعم,,
2 ملعقة شاهي هيل ,,
شوية زعفران,,
حليب كوفي ميت,, اذا لم يوجد نضع قطرات حليب بوني سائل او اي نوع,,
الطريقة:
نقيس مقدار دلة القهوة ماء ,, ونزيد على مقدار الدلة بيالة ماء,,ونحطها بالأبريق ونضعها عالنار ونضيف البن,,
ونتركها تغلي الى أن يتقطع قلبها ,, لمدة ربع ساعة أقل شئ,,وإذا القهوة مطحونة طحن خشن مو ناعم ,,
نزيد الوقت عن ربع ساعة,,
في الدلة نحط شوية حليب تقريبا 1ملعقة شاي ,,و2 ملعقة هيل,, وشوية زعفران,,
بعدين نصب القهوة في الدلة ,,
وهذا شكلها في النهايه
جزاك الله خير
بعطيك نصيحة : البن والهيل لازم تطحن كمية بسيطة مثلا اذا عندك طحانة ف البيت أطحنها كل يوم بيومة عشان تكون فرش وتعطيك طعم وريحة وحتى الهيل
اما اذا ماتقدر ف روح كل اسبوع أطحنها كمية تكفي اسبوع
قول ليش ؟ لان اذا طحنت كمية حق شهر كامل تروح ريحته ومحتواه مايكون قوي ف المذاق
وشكرا
استغفر الله واتوب اليه
لا إله الا الله وحده لا شريك له ..
له الملك وله الحمد وهو على كل شي قدير
لا يزال لسانك رطباً من ذكر الله عز وجل
عَنْ عَبْدِ اللَّهِ بْنِ بُسْرٍ قَالَ: أَتَى النَّبِيَّ صَلَّى اللَّهُ عَلَيْهِ وَسَلَّمَ رجلٌ فَقَالَ:
يَا رَسُولَ اللَّهِ إِنَّ شَرَائِعَ الْإِسْلامِ قَدْ كَثُرَتْ عَلَيْنَا، فَبَابٌ نَتَمَسَّكُ بِهِ جَامِعٌ؟ قَالَ: لَا يَزَالُ لِسَانُكَ رَطْبًا مِنْ ذِكْرِ اللَّهِ عَزَّ وَجَلَّ .
اخوي خليفة أنا سالت الوالدة الله يبارك في عمرها وعطتني الطريقة القديمة لعمل القهوة وهي كل كوب ماي يحتاجى ملعقة من القهوة اذا كانت القهوة غامجة واذا فاتحة ملعقة ونص لكل كوب ويوضع معاه قليل من الهيل مايقارب ربع ملعقة صغيرة، ترفع على النار وتترك حتى تغلى ، وكلما زاد غليانها على النار زادت حلاوتها يعني اتركها تغلي فترة طويلة ، وفي الدلة حط ملعقة من الهيل المطحون وقليل من الزعفران حسب الرغبة وضع المصفاة على الدلة وصب القهوة في الدلة وبالعافية ان شالله .
إبتسم دائماً فأنت لا تعلم أي باب من الأمل تفتحه لغيرك !!!!
السلام عليكم و رحمة الله وبركاته
عن القهوه .. احنا نحمسها في البيت واذا ما حمسناها في البيت .. ناخذها محموسه جاهزه من السوق على رقمين كيلو رقم 1 ونص رقم 2
ويوم بنسوي الدله الاعتيادية الحجم تحط قياس الدله متروسه ماي
وتحط عليها فنيالين قهوه انا اقايس بالفنيال الستاندر مب العود العادي
واخليها تطبخ على نار هاديه بعد ما تفور الدله اول فوره انعزها شوي عن الضو
واخليها تتركد واكون مجهزه في الدله هيل قفشه وربع او ونص على مذاقك انت
والاضافات اما زعفران بروحه والا حليب وزعفران واما مسمار واما حليب وماي ورد والا زنجبيل ومسمار واما شنه و مسسمار او شنه وزنجبيل هو على مزاجك الاضافات
وبعدين تصب القهوه في الدله بس تأكد من ( الحجال او الحثراب او بقايا القهوه ) ما ينزل في الدله
وبس اتمنى اكون فدتك
..[ أكبر خطــأ سرك للأنذال تبديـه .. و تصاحب الخاين قليل المروه
و تسوي المعروف في غير راعيه .. و تجامل الغلطان و تقول خوه ]..