&& استفسار من الأخوات الفاضلات في المنتدى &&

[شمس2]

قهوتي احبها ستاندرد و فرش.. بن وزعفران وهيل ومسمار..

في الي يحطون الشنه والزنجبيل وبعضهم يحطون فيها حليب وبعد كوفي ميت عشان اللون..
وانا ابدا ما اتقبلها بالكوفي ميت على قولة وحدة من العجايز هذي حركات عليمية

اني واي مقادير القهوة القطرية وطريقتها بسيطة..

تغلي الماي عقب تضيف البن تقريبا أربع ملاعق طعام للتر الواحد.. more or less
و شوي زعفران.. تخليها تطبخ زين..

وفي الدلة تحط ملعقة طعام هيل مطحون و مسمار (ثلاث او اربع)..

وبعد ما تطبخ القهوة وتسكر عنها النار تخليها شوي عقب تزلها في الدلة..


و بالعافية عليكم

يا حياتي تزلها شخبارها هالكلمه ذكرتيني بيدتي الله يرحمها
الله يجزيج خير

[للصبر اخر]

انا اخذها من سوق العلي
الكل مدحها لي

[خليفـة]

انا اخذها من سوق العلي
الكل مدحها لي

وين في سوق العلي بالضبط اخوي !!
وشاكر لك مقدماً

[خليفـة]

السلام عليكم و رحمة الله وبركاته


عن القهوه .. احنا نحمسها في البيت واذا ما حمسناها في البيت .. ناخذها محموسه جاهزه من السوق على رقمين كيلو رقم 1 ونص رقم 2
ويوم بنسوي الدله الاعتيادية الحجم تحط قياس الدله متروسه ماي
وتحط عليها فنيالين قهوه انا اقايس بالفنيال الستاندر مب العود العادي
واخليها تطبخ على نار هاديه بعد ما تفور الدله اول فوره انعزها شوي عن الضو
واخليها تتركد واكون مجهزه في الدله هيل قفشه وربع او ونص على مذاقك انت
والاضافات اما زعفران بروحه والا حليب وزعفران واما مسمار واما حليب وماي ورد والا زنجبيل ومسمار واما شنه و مسسمار او شنه وزنجبيل هو على مزاجك الاضافات
وبعدين تصب القهوه في الدله بس تأكد من ( الحجال او الحثراب او بقايا القهوه ) ما ينزل في الدله

وبس اتمنى اكون فدتك

بارك الله فيج
ماقصرتي اختي
اي بالله أستفدت وايد من مشاركتج ومشاركة الاخوة والأخوات
لكم مني كل الشكر والتقدير والأحترام

خليفـــة

[الماريّة]

الطريقة الي ذكروها الاخوات كلها صحيحه


واذا تبيها جاهزه ومخلوطه وروووووووعه تلاقيها في محل صلاله في سوق العلي

او فرعه الثاني في الخريطيات قريب باسكن روبنز


روووووووعه وفيه نوعين منها مزعفره او عاديه

والمزعفره احلى بواجد


وفيه بعد خلطه في قوطي صغير دايم ناخذها من السعودية يسمونها ( بهارات القهوة )

اكثر شي نلاقيها عند البسطات

هذي بعد تعطي القهوة طعم رهيييييييب


وكني شفتها مره بعد عند محل صلاله


والقهوة مثل ماقالت الاخت الافضل تاخذ كميه بسيطه لانها اذا ابطت يروح طعمها وريحها


وان شاء الله اكون افدتك


ملاحظة

كل ماكانت الدله على جرم الحطب طعمها الذ واطيب منها على الغاز

مساء البرد في خيمة وقدها جروم الرمث
وعليها من معاميل السنافي مايجملها

[خليفـة]

الطريقة الي ذكروها الاخوات كلها صحيحه


واذا تبيها جاهزه ومخلوطه وروووووووعه تلاقيها في محل صلاله في سوق العلي

او فرعه الثاني في الخريطيات قريب باسكن روبنز


روووووووعه وفيه نوعين منها مزعفره او عاديه

والمزعفره احلى بواجد


وفيه بعد خلطه في قوطي صغير دايم ناخذها من السعودية يسمونها ( بهارات القهوة )

اكثر شي نلاقيها عند البسطات

هذي بعد تعطي القهوة طعم رهيييييييب


وكني شفتها مره بعد عند محل صلاله


والقهوة مثل ماقالت الاخت الافضل تاخذ كميه بسيطه لانها اذا ابطت يروح طعمها وريحها


وان شاء الله اكون افدتك


ملاحظة

كل ماكانت الدله على جرم الحطب طعمها الذ واطيب منها على الغاز

مساء البرد في خيمة وقدها جروم الرمث
وعليها من معاميل السنافي مايجملها

مشاركة طيبة ومفيدة جداً
شاكر لج اختي
بشوف المحل الي ذكرتيه في سوق العلي
وانا واثق من ذوقج
وشاكر لج المشاركة الرائعة

[غايه الطواش]

والله طرقً وايد للقهوه وانا احسبهاستاندر
مرتين في حياتي سويت قهوه
مره امدحوها ومره ذموها

[خليفـة]

والله طرقً وايد للقهوه وانا احسبهاستاندر
مرتين في حياتي سويت قهوه
مره امدحوها ومره ذموها

ههههه احييج لصراحتج اختي غايه
والحمدلله ان مرة من المرات امدحوها
هذا دليل انج مع الممارسة الكل بيمدحها دايما ان شاء الله

اما بخصوص طُرق القهوة .. فأنا مستغرب مثلج
شكرا لمرورج الطيب اختي

[مسمس12]

تحط ماي عالنار وتحط كم خيط زعفران وشي بسيط لا يذكر اشنه ونتفه مسمار مطحون وتخليها ع نار عالية لين تغلي وتحط قهوة والكمية على حسب لون حمسة القهوة اذا كانت غامق او فاتح عالعموم حق دلة تقريبا من 3 الى 4 ملاعق او ماتضيف القهوة اتوطي الننار وتخليها تطبخ ع نار هادية لمدة لاتقل عن ربع ساعه قبل تطفي النار بدقيقتين تحط ربع ملعقة كوفي مايت او نقطتين حليب التموين وبعدها اطفي النار وتخليها تركد لمدة لاتقل عن دقيقتين تكون مجهز الدلة فيها زعفران وهيل وتشخل القهوة بالدة وصحتين وعافية

ملاحظة خطوة الحليب والكوفي مايت اختياري وانا ماافضلها الا اذا كلنت الحمسة غامجه

[مسمس12]

نسيت اذكر ان احسن محلات لبيع القهوة صلالة سوق العلي وفيه الخريطيات قريب من باسكن روبنز ومحلات الجنوب في الريان