وجزاك بالمثل أخويالمشاركة الأصلية كتبت بواسطة رشدان
بارك الله فيك
شرفني مرورك الكريم
|
وجزاك بالمثل أخوي
بارك الله فيك
شرفني مرورك الكريم
وجزاك بالمثل أخوي
أسعدني وشرفني تواجدك
بارك الله فيك
الشكر لله أخوي
بارك الله فيك
نورت الموضوع
وجزاج بالمثل أختي الفاضله
بارك الله فيج
أسعدني تواجدج في الموضوع
الله يشفي جميع المسلمين يارب
الهند فيها علاج ممتاز بس بعض المدن ينقصهم العيادات النظيفه
أما بنجلور فكل عياداتهم ممتازه لذلك الأقبال عليهم كبير
الأماراتيين والقطريين عددهم كبير جدا في بنجلور وبعدهم السعوديين والكويتيين
أسعدني وشرفني مرورك الكريم
ولايهمج أختي أسألي كل اللي بخاطرج وانا حاضرأخوي خالد متى تحجز السكن
فالدوحة ؟ ولا عند الوصول ؟
وممكن الرابط للشقق الفندقية اللي ذكرتها
وهل الشقق كلها حجم واحد ونفس السعر ؟
وكيف توضح لهم أن الحجز لليوم الأول والأخير بنظام الساعات
( اقصد نظام الساعات موضح عندهم لو تبي تحجز عن طريق الموقع ،
أو عن طريق السفريات ) .
................
أثقلنا عليك بكثرة الأسئلة
بس بعد حابة أعرف بالنسبة للصرافة اللي عن طريق السائق
تعطيه مبلغ كبير ولا بسيط في كل مرة ؟؟
الحجز شرط أساسي للسفاره الهنديه وممكن تتصلين في السايق ساجد وتعطينه أيميلج وهو راح يطرشلج حجز وهمي عن طريق شركته ( مجانا ) وتقدمينه للسفاره وبيمشي الحال
بالنسبه للفندق لما توصلين تروحين عندهم وتحجزين وتشوفين الغرف على الطبيعه أفضل وأعتقد هم مايتعاملون مع مكاتب السفريات
الشقق حجمين ( غرفه وغرفتين ) أعتقد الشقه أم غرفه بدون مطبخ وسعرها 3000 روبيه ( 200 ريال )
بالنسبه للحجز بنظام الساعات موجود عندهم ومتعارف عليه بس للأسف أغلبنا نجهل هذا الشي ونقوم نحجز بالطريقه العاديه ونخسر يومين بدون فايده أما نظام الساعات فأفضل لنا بكثير وأول ماتوصلين قولي للي جالس على الرسبشن أبغي نظام الساعات وبيوافق على طول
بخصوص الصرافه عن طريق السايق أتصلي فيه في أي وقت وأطلبي المبلغ اللي تحتاجينه مهما كان كبير بيجيبه على طول وبعد ماتستلمين الفلوس عطيه الدولارات والرجال ترى أمين ومايطلب المبلغ الا بعد مايسلمج فلوسج ولو ماعندج عادي يصبر عليج كم يوم وحتى في المحلات لو نقصتج فلوس هو بيدفع مهما كان المبلغ وبعدها ممكن تعطينه ( يعني الرجال ثقه وهو في نفس الوقت عنده ثقه بالقطريين ومايقصر مع حد )
بخصوص رابط الفندق بكلم أخوي ناصر وأذا عنده بقوله يطرشه وبحطه في الموضوع بأذن الله
ولاتنسيني بدعوه في ظهر الغيب
وأي أستفسار انا حاضر
ملاحظات مهمه جدا
سعر الشقه الفندقيه 6000 روبيه ( 400 ريال ) شامل الفطور حتى لو عددكم كبير
والنت مجاني في الفندق
وأهم نقطه أنكم تقولون للفندق نبغي الحجز بنظام الساعات .. ليش ؟؟
لأنكم راح توصلون الساعه ثلاث الفجر لبنجلور وبتكونون في الفندق الساعه خمس الفجر وطبعا راح ينحسب عليكم يوم لغاية 12 الظهر وفي العوده راح تروحون للمطار الساعه 12 او وحده فالليل وبعد راح ينحسب عليكم يوم أضافي لأن رحلات القطريه مواعيدها ثابته طول السنه لبنجلور وتعتبر تعيسه جدا لذلك يجب أن يكون الحساب بنظام الساعات يعني توصلون خمس الفجر وتطلعون خمس الفجر اليوم الثاني يعتبر يوم وبهذه الطريقه راح توفرون يومين من السعر
وطبعا أخوي ناصر أتفق مع صاحب الفندق أن السعر يكون 6000 لكل القطريين ومايزيد عليهم ولو حد قدر ينزل أكثر ياريت يقول لنا عشان الكل يستفيد من الخصم ونجبره على السعر الجديد
وأي شي ناقص من أدوات المطبخ أطلبوا منهم وبيوفرونه على طول
بخصوص خط الجوال ممكن تقولون للسايق يجيبه معاه للمطار وسعر الكرت 250 روبيه ( 17 ريال ) وتعبونه مثل ماتحبون والمكالمات عندهم رخيصه سواء محلي او خارجي
والنت عن طريق الجوال رخيص جدا ومايكلف شي
بالنسبه للبلاك بيري أعتقد يفتحون الخط 20 ريال فقط
هذا اللي تذكرته الحين وأي شي ناسي أكتبه ياريت تسألوني
الله يجزاك خير أخوي خالد
فعلاً ما قصرت وإن شاء الله بدعيلك بظهر الغيب
✨سبحان الله وبحمده✨سبحان الله العظيم✨
الله يجزاك خير وياريت هالموضوع يتثبت وينحط فيه كل المعلومات الصحيه وفي اي بلد لما فيها من فائده للجميع
لا اله الا الله
مشكور على المعلومات القيمة وعلى طولة تم الحقظ في المفضلة وجزاك الله خير
ضوابط المشاركة
رد مع اقتباس