المشاركة الأصلية كتبت بواسطة ذيب البورصة
شوف اخوي مافي شركة مابها اخطاء
وانا حصلت لي مواقف مع هالشركه وبذكر موقفين منهم
من كم يوم بعت كم سهم في شركة
بروة العقارية عن طريق دلاله وطلبت شيك مستعجل
ويوم رحت لهم المغرب قالولي الشيك لين الحين ماجى
قلت اوكي ورحت لهم اليوم الثاني الظهر قالولي والله ماندري وين الشيك
يمكن خذه غيرك وعقب مااعفسو المكان وماخلو حد ماكلموه قالوا لا والله الشيك رجعناه
مره ثانية لان فيه اخطاء
ورحت اليوم الثالث الظهر واستلمت الشيك
يعني لو ماطلبت شيك مستعجل كنت باخذ نفس المده ووفرت على نفسي 100 ريال
وموقف ثاني مع نفس الشركة طلبت شراء اسهم ناقلات بالمبلغ المتوفر بالرصيد
فتفاجئت بعد كم شهر وعقب مانزل السهم اتصلوا فيني ويقولون احنا شرينا لك اسهم
فوق الرصيد اللي عندك يعني كشف حسابك مكشووووف
ياانك تدفع قيمة الاسهم الزيادة او نبيع جزء من اسهمك على شان نسترد المبلغ
يعني بالعربي تصرف ولا نتصرف احنا ولا وبعد السهم نازل وانا خسران
يعني هذي بعض المواقف اللي حصلت معي في شركة دلاله
والاخت الحور رايتها بيضه وماتقصر مع اي شخص ويعطيها الف عافية
بس للامانه انا لين الحين اتعامل مع دلاله