مشاااالله... يعطيك العافيه ع التقرير ^_^
مشاااالله... يعطيك العافيه ع التقرير ^_^
حصلت صور قديمة بعضها أبيض وأسود حق لوس أنجلوس في سنوات ما بين 1900 - 1960 وأتمنى تنال إعجابكم.
هذا مطعم جاك إن ذا بوكس وكنت دوم متخيل إنه حديث لكن طلع في قدم برغر كنغ وكنتاكي تقريباً .. والدرايف ثرو من ذاك الوقت موجود.
وهنا نشوف نوعية السينمات المفتوحة اللي تتابع في السيارات .. وكان البائع يمر على السيارات بالسندويشات والمشروبات .. بس أتوقع مكيفات السيارات ذاك الوقت غير موجودة وتهوئة طبيعية والكل مبند سيارته حق يسمع صوت الميكروفونات لمتابعة الفلم صوت وصورة.
محل ماركة ثريفتي، والماركة للحين موجودة وإحتمال هذا المحل كما هو موجود.
شارع تجاري وراعي السيارة الكوبيه كاشخ ومستعيل مدرعم في التقاطع .. ويبين الباص الكهربائي لتنقل الناس والتخفيف عليهم وطريقه ومواقفه معينة ومعروفة.
تقاطع آخر وتبين إشارة قف المحترمة عندهم من ذاك الوقت .. وعجبني الشارع مرتب وبدون مطبات .. أشغال عندهم شغالين صح من زمان.
ولي مواصلة بإذن الله بالباقي.