++|| تبـي تشـتري أيفـون 5 ||++

[Charisma]

السلام عليكم ورحمه الله وبركاته

تبي تشتري ايفون 5 ؟

طيب ركز عالمواصفات .. الايفون 5 مسوي ضجه عشان الـ 4G اللي هي شبكه الجيل الرابع
انترنت طياره + هوت سبوت يعني في مخباك وايرلس وين ما رحت مع سرعه انترنت اقلاع ..

شكل الايفون احلى وشاشه اكبر من الـ 4S

الكاميرا نفس الـ 4S

حلو الكلام .. !

احنا كمستخدمين عرب ماراح نستفيد من امكانيات الايفون 5 ولسبب بسيط .. انسى شي اسمه الجيل الرابع لان الايفون 5 تردداته متوافقه مع امريكا والدول الاوروبيه اما بالنسبه للشرق الاوسط وخصوصا قطر ماراح يشتغل .. شبكه الجيل الرابع حاليا في قطر تحت الاختبار وترددات الجيل الرابع في قطر 800/2600 يعني لا الايفون الاوروبي ولا الامريكي بيشتغل على هالترددات من ناحيه الجيل الرابع.. بيشتغل على الـ 3G فقط الجيل الثالث .

اذا انت مب مهتم في الجيل الرابع ؟ مب مهتم من ناحيه الشاحن الجديد للايفون 5؟
مب مهتم من ناحيه النانو سيم وهي الشريحه المصغره ( اصغر من شريحه الايفون 4 )؟
وبس تبي الايفون 5 عشان الشكل .. فتوكل على الله ..

اما اللي يدورون المواصفات والاستخدام العملي والفايده.. وعندهم 4S برايي الشخصي ؟

ماتحتاج تشتري الايفون 5 لان الفرق الوحيد هو المعالج والشكل وشبكه الجيل الرابع اللي ماراح تستخدمها .. بس بنفس الوقت عندك شريحه المايكرو وعندك اكسسوارات الشاحن القديم ( ماراح تتعذب بشحن الايفون في اي مكان ) واذا عندك المايكرو سيم اللي تشتغل على الايفون 4 والايفون 4S ماراح تتعذب بنقل الشريحه من ايفون 4 لايفون 4s او حتى 4
بعكس الايفون 5 .. ملزوم بشاحن خاص .. ملزوم بشريحه خاصه بالايفون 5 .

اللي بيدقق بالمواصفات بيلقى ان الايفون 4S حاله حال الايفون 5 اهني في قطر .. كل اللي عليك تسوي تحديث للسوفت وير 6 فقط بلا جيل رابع مب شغال بلا شكل

انا كتبت هالموضوع لان الاغلبيه مستخفين عالايفون 5 ويبون ياخذونه بأي سعر وهو في الحقيقه ايفون 4s مع شاشه اكبر بـ 0.5 انش ومعالج جديد اسرع بطريقه مب ملحوظه


قارن

http://www.apple.com/iphone/compare-iphones/


والقرار عندكم

[رجل الجزيرة]

جزاك الله خير.

[airbus]

ماحترامي لك


ترا ماتعرف شي عن الايفون 5

وفرق كبيييييير بينه وبين الايفون 4 س

ترا الجهاز اسرع من جالكسي س 3


يعني بالعربي اقوة جهاز موجود في الوقت الحالي وللعلم خصوصا للاجهزة الاندرويد الارقام ماتسوي اي شي في الواقع

[Al-Kuwari]

انا عندي الجهاز

شريته امس من الابل ستور في نيوكاسل بريطانيا

الجهاز خفيييييييف بشكل ماتتصورونه

مسكت الايفون ٤ بيد والايفون ٥ بيد حسيت ان الايفون ٤ طابوقة من فرق الوزن

بالنسبة للشاشة الوضوح عالي جدا وحجم الشاشة حلو والجهاز نحيف وايد

الجهاز سررريع جدا مايمديك تضغط عالزر تلقى الشاشة اللي بعدها

ماجربته فالالعاب للحين فماعندي فكرة

بخصوص ال٤ اس بصراحة ماعندي اياه فماقدر اقارن بينه وبين ٥

لكن كمقارنة بين ٤ و ٥

الجديد افضل بكثييييييييييييير

[Ali88]

لمعلوماتك كيوتل اوردي قاعد تجرب ال 4g وفي ناس حالين قاعدين يستخدمونه وعلي كلامهم اخر السنه بتشتغل ال 4g

[بوخالد911]

هلا

للعلم كيوتل اخذت عينة من عملائها لتجربة ال4 جي
يعني تحت التجربة والملاحظة

وبخصوص الترددات ونطاقاتها : أهم شي يكون 1800 ميجاهيرتز

كيوتل وفودافون ملزمة بتقديم ما يتوافق مع الجيل ال4 لأي أجهزة ذكية

[Charisma]

جزاك الله خير.

ويجزيك بالمثل ..

ماحترامي لك


ترا ماتعرف شي عن الايفون 5

وفرق كبيييييير بينه وبين الايفون 4 س

ترا الجهاز اسرع من جالكسي س 3


يعني بالعربي اقوة جهاز موجود في الوقت الحالي وللعلم خصوصا للاجهزة الاندرويد الارقام ماتسوي اي شي في الواقع

لا سلامتك يالغالي اعرف كل صغيره وكبيره فيه .. وماني مبتدأ بعالم الايفون
النقله من ايفون 4 لـ ايفون 4S كانت نقله كبيره .. اكبر من 4S لـ 5 في اعتقادي انا !

خلنا نذكر الفروق انت تقول اسرع .. وانا ذكرت ان الجهاز بمعالج جديد a6 شي طيب انه يكون اسرع شاشه اكبر بـ0.5؟ اغلب المستخدمين مايهتمون لكبر الشاشه .. اخف؟ نعم نقطه تحسب لصالح الايفون الجديد .. ريتينا دسبلي؟ ماشوف لها داعي كلش كلش .. اذا في الايباد صعب انك تشوف الفرق بين الايباد 2 والايباد الجديد فمابالك بشاشه جوال .. الريتينا دسبلي وضوحها يبين عالشاشات الكبيره ومن ناحيه الزوم وحواف الكلمات ..الخ لكن كجوال ماراح تفيدني ابدا
نجي لاهم نقطه الجيل الرابع ؟؟؟؟ انسى يشتغل في قطر وتذكر كلامي .. يعني لو بقولك ان الايفون 5 وبشبكه الجيل الرابع بيشتغل في قطر .. بقولك نعم الجوال يستاهل لكن بدون جيل رابع حاله حال ايفون فور اس العالم اهناك هابين بالايفون 5 عشان الجيل الرابع واحنا اهني مستانسين لان شاشه اكبر واخف واسرع بشوي

انا مستخدم لاجهزه ايفون وسبق واستخدمت اجهزه سامسونج .. ايفون كمنظومه هاردوير وسوفت وير نعم ممتاز لكن اجهزه سامسونغ؟ في الهاردوير تفوقت وبشكل كبير عالايفون يكفي ان اجهزه سامسونج وصلت لمعالجات رباعيه النواه وانت تقولي الايفون 5 بو نواتين اسرع من الجالكسي بو اربع ؟ هذا والاس 3 نازل قبل الايفون فايف لكن شوف المقارنه



شوف الفرق .. بطاريه اقوى.. معالج اقوى .. كامرا اماميه اقوى .. مايكرو يو اس بي .. ان اف سي تخيل هالمواصفات كلها في الايفون فايف؟ ساعتها بقولك اي افضل هاتف في السوق

كهاردوير انسى اجهزه ابل توقف قدام سامسونج لكن اللي يميز ابل اهو السوفت وير وانا ليومك مستخدم للايفون .. لجل السوفت وير والجلبريك فقط .

[Charisma]

انا عندي الجهاز

شريته امس من الابل ستور في نيوكاسل بريطانيا

الجهاز خفيييييييف بشكل ماتتصورونه

مسكت الايفون ٤ بيد والايفون ٥ بيد حسيت ان الايفون ٤ طابوقة من فرق الوزن

بالنسبة للشاشة الوضوح عالي جدا وحجم الشاشة حلو والجهاز نحيف وايد

الجهاز سررريع جدا مايمديك تضغط عالزر تلقى الشاشة اللي بعدها

ماجربته فالالعاب للحين فماعندي فكرة

بخصوص ال٤ اس بصراحة ماعندي اياه فماقدر اقارن بينه وبين ٥

لكن كمقارنة بين ٤ و ٥

الجديد افضل بكثييييييييييييير

نعم اخوي من المسكه بتحس بالفرق .. لكن انا اتكلم كا امكانيات للجهاز حاله حال غيره
انا كنت انتظر الايفون فايف عشان شي واحد بس مب عشان الوزن ولا الشاشه عشان الجيل الرابع.. لكن خلاص ماراح يشتغل في قطر وهالشي مؤكد لان الترددات اللي يستقبلها الايفون 5 غير عن ترددات كيوتل للجيل الرابع وهي 800/2600

لمعلوماتك كيوتل اوردي قاعد تجرب ال 4g وفي ناس حالين قاعدين يستخدمونه وعلي كلامهم اخر السنه بتشتغل ال 4g

ادري يالغالي وسبق وذكرت ان شبكه الجيل الرابع للحين تحت الاختبار .. وفي عملاء مختارينهم عشان يجربون الخدمه .. وبتشتغل قريب .. لكن الايفون فايف ماراح يشغلك الفور جي في قطر هالنقطه اللي ابي اوصلها

هلا

للعلم كيوتل اخذت عينة من عملائها لتجربة ال4 جي
يعني تحت التجربة والملاحظة

وبخصوص الترددات ونطاقاتها : أهم شي يكون 1800 ميجاهيرتز

كيوتل وفودافون ملزمة بتقديم ما يتوافق مع الجيل ال4 لأي أجهزة ذكية

ذكرت لك فالموضوع ان الترددات اللي بتشغلها كيوتل للفور جي اهي 800/2600 المصدر كيوتل
الايفون فايف بانواعه الاوروبي والامريكي مايشغل هالترددات ..

[airbus]

شوف في شي تلعب عليه سامسونج وهو الي طيح اكتر العالم في الفخ هي ارقام المواصفات

يعني روح شف geekbench كم يقولك

هدا الايفون 5



وهدا السامسونج وباقي الشلة

[Charisma]

للمره الثانيه اثبت لك ان معلوماتك غلط يا اخ ايرباص

تاكد من مصادرك واذا تبي تشوف النتيجه الحقيقيه ليش مانشوفها من المصدر الرسمي ؟

السامسونج 1754
http://browser.primatelabs.com/android-benchmarks

ايفون 1589
http://browser.primatelabs.com/ios-benchmarks

ومع ذلك اقولك انا مستخدم للايفون ولا استخدم السامسونج ولكن الحق يقال مميزات السامسونج تخلي الايفون يخيس