اللي بدبي واللي برا مش مثل اللي عندنا ( محلات ملابس )

[الصغيره]

العام زرت محلات لها افرع هنا بالدوحه واستغربت المعروض هناك بالبلاد الاوربيه مش نفس اللي عندنا وقلت طبيعي لازم عندهم التميز

ورضيت بالواقع

زرت دبي من كم يوم لقيت نفس المحلات والمعروض يختلف شكلا وكما وكيفا عن اللي عندنا


مدري ليه المميز برا والخيش بيش عندنا ومافيه تنوع نفس برا


اللي لاحظ مثلي يشاركني


ياليت نقاطعهم ونوصل لهم ملاحظاتنا

عني راح اروح لهم واقول لهم

[ريم 28]

لاحظت لاحظت

ودايما اقول ليش البضاعه عندنا غير عن بضاعتهم وليست مميزه واي كلام

[مدرسة]

كلامك صحيح و في محله ،، لاعبين بحسبتنا هالمحلات

انا مقاطعة صار لي مدة

يجيبون لنا البضاعة متااخرة عن موسمها و تخيس في المحل اجباري لين حد يشتريها ما ينزلون اللي بعدها علشان تمشي

و لا يجيبون كل الكولكشن الجديد ،، لا طرف الكولكشن بس !
واشتري يالزبون غصب

[كحيلآن]

لا تعليق .. ههههههههههههههههههههههه

[qrt_trading]

هذا مثل محل قيمبوري اول ما فتحوا المحل لاحظت الملابس اللي عندهم قديمه لأني شاريه منهم قبلها بسنه لبنتي وهم امنزلينهم انيو كلكشن والموقع الاصلي عليهم خصومات نص السعر او اقل بشوي والله من يومها ما اشتريت من عندهم على الاقل الموقع لين اشتري عن طريقة يكون ارخص واذا خذت من البضاعة الجديده ما راح تنزل الا بعد سنه الدوحه

[intesar]

نعم كلامج صحيح.. تحسين الاستوكات عندنا.. بعد مايشبعون منها برع ودبي.. توصل عندنا..

[بيبيب]

انا بعد كنت في دبي

ولقيت الي اكثر المحلات الي عندنا بضايعهم نفس بضايع دبي الا البعض وذالك يرجع لان في دبي اشياء تنزل حصري وفي اشياء تنزل اولا في دبي وبعدين للدول الباقية واكيد في اشياء في دبي غير لان المحلات في دبي اكبر واعتقد اكثر المحلات يتم التوزيع للبضائع الجديده من خلال دبي

بس على فكرة اكثر الماركات الي في الدوحة تنزل بضايعها الجديده مع باقي الدول والدليل ادخلوا على موقع الماركة وتلقون نفس الكولكشن موجود

[al wafi]

خلال الشهرين الي راحو


زرت محلات ماركه BOSS ابي اخذ تيشيرتات

رحت افرعهم

في الدوحه ( المول )

في دبي ( مول دبي )

في باريس ( الشانز )

في لندن ( سلفردج )

في بلجيكا ( مجمع ستي 2 )

تقريبا كل البضايع تختلف عن الثاني

وفي قليل منها موجوده بكل الافرع

وكلهم كلكشن جديد مادري ليه مايتوفر بكل مكان

بس للأمانه حصلت في دبي احلاهم

[بصمة قطرية]

لاحظت هالشي من زمان ..
ذكرته مرة لموظفة في محل ملابس نسائية
مسكت قطعة ملابس و قلت لها
هاي نيو كولكشن ..؟
قالت اي أمس منزلينه ..
قلت لها عندي هالقطعة بنفس اللون بعد
من ست شهور و أكثر ماخذتها من السعودية ..!!!؟؟
قالت لي متأكدة نفسها ..
قلت لها مليون في المية ماعندي مشكلة أجيبها تشوفينها ..
إبتسمت وما ردت ..
و قلت لها حتى السعر عندنا هني مظاعف ..!!
مادري ليش يخدعونا بالبضاعة القديمة و السعر المضاعف ....!!!!
صرت أتجنب التسوق من قطر ..

[بونووف]

البضاعه عندنا تجي من الاوت لت الي في اوروبا .....رحت كذا اوت لت في فيينا وفي ايطاليا ولندن وكل البضاعات اللي اشوفها فالاوت من اغلب الماركات مثل بربري و بوس و ارماني وفندي لين رجعت الدوحه امر على المحلات اللي عندنا اشوف كاتبين عليهم نيو ارافيل ولا نيو كوكلشن ... واخر مره رحت لندن شريت من الاوت لت ماتذكر اسمه بيستر فيلج كانه المهم شريت بوك بربري كان هالكلام شهر 4 ويوم جيت الدوحه في رمضان سووا سييل في السلام الا اشوف البوك مب في السيل وحاطينه نيو كولكشن وسعره دبل السعر الي في الاوت لت

مادري شالسر في انهم ياخذون البضاعه القديمه ....يمكن الاتفاق بانهم مايخذون الجديد من عندهم وياخذون الي فالاوت لت اللي حق الموسم الي قبله عشان ياخذونه بسعر اقل ويبيعونه بسعر اعلى عندنا

تحياتي