والدة تالا: وفروا الحاضنات أو انتظروا الضحايا

[اوف ليميت]

عجبي على أمهات
يلقون ب أطفالهم في احضان أمهات ازواجهن
ومن ثم تقول لأم زوجها (كيفي انا حره اسوي اللي ابيه فولدي وبنتي اسبهم اطقهم اخرعهم..)
قوية عين..تطلب وتحتاج..وتبي يربون عيالها

كيف ترمين الناس بالحجر وانت بيتك من زجاج ؟

:]

[بصمة قطرية]

الاخ كازانوفا جابها صح
ندري نحتاج للبعض
بس حلول منها وين الأرامل خلهم يتوظفون بهالمجال اكثر
وين المطلقات خلهم يتوظفون اكثر
وين الناس العقيمه اللي ماتييب عيال..خلهم يحسون ان الكل معاهم

ومنها ايضا بتكون في شريحه قليله باقيه نحتاجها من امهات وآباء بيضطرون يشتغلون كما ذكر الاخ كازانوفا
وجذي لبينا طلب اللي تبي تشتغل
وبعد دخلنا شرايح تحتاج للشغل وبنفس الوقت ماتعرقل مسيرة التربيه الصحيحه

ونقطتج مهمه..بعض المدارس تحتاج لبعض الامهات لحضانات..ولكن اذا لابد ان يطبق..ف ياليت في بعض اماكن العمل ايضا
هذا شي عادي وحلو

:]

كلامك صحيح أخوي ..
في ناس فعلاً محتاجة الوظيفة
بس لا تنسى مسألة التخصص ..!!
حلو لو تم التنسيق مع الشؤون الإجتماعية
اللي بدورها ترفع كتاب بأسماء
المطلقات الراغبات بالعمل
لوزارة العمل
و يكون لهم الأولوية في العمل
سواء مطلقة أو أرملة ..
ياليت فعلاً كل محتاجة للوظيفة تشتغل
كثير من الموظفات ماخذين الوظيفة تسلية و تضييع وقت ..

[للصبر اخر]

شاكره لكل اللي ردوو
بس للاخوه اللي قالو خل تقعد المرا تربي عيالها في البيت ممكن اطرح سؤال
ترضى زوجتك او اختك او امك اذا لاسمح الله مرضت تدخل على رجل يكشف عليها ؟؟
ترضى اختك يدرسها رجل في المدرسه ؟؟
اذا ترضى وغيرك رضى بنخليهم يقعدون في البيت

[ريتويت]

لاحول ولاقوة الا بالله

[اوف ليميت]

شاكره لكل اللي ردوو
بس للاخوه اللي قالو خل تقعد المرا تربي عيالها في البيت ممكن اطرح سؤال
ترضى زوجتك او اختك او امك اذا لاسمح الله مرضت تدخل على رجل يكشف عليها ؟؟
ترضى اختك يدرسها رجل في المدرسه ؟؟
اذا ترضى وغيرك رضى بنخليهم يقعدون في البيت

لا لا لاتدخلون شي بشي
انتي بنت صح؟
سمعي يا امرأه

كلامج حلو وصحيح قواعديا ولفظيا وكتابيا
لكن مش صحيح 100% تطبيقيا

يوم نتكلم عن زواج وحريات ودريوليه واشياء ثانيه هالامور مادخلت فالصلب ولاكانت عائق
ولا كان في شي اسمه امك واختك وبنتك مع الغرباء

ومن غير اي عذر فالدين..احنا خلقنا عذر وقلنا خدم مستأمنين بطريقه ما
قايلكم في مركز فتاوى نسائي مادري وين وماندري عنه

مع ان اللي نتكلم عنهم هني دكاتره ومؤتمنين عند الله قبل الناس ومحاسبين ورقابه ولك شي
ولهم رخصه فالدين

بس لهنود ولدريوليه من بيراقبهم اذا الحين محد يدري شيسوون ولا حد فاضي لهم
هذا غير اذا مب مسلم
وبعد!!

بس الحين يوم السالفه فلوس !!..خبرك توظيف..وهاليومين 80% من الناس ماتسوي خير وتقطه بحر او لله الا من رحم ربك
ف بنرد نقول اختك وامك وبنتك؟ لا مايصير يبه
اذا بطبق شرع الله وكلامه ف طبقه على كل شي مش على نص ونص وفي كل وقت وكل زمان

وتراه افضل من العرف..لان العرف يوجد به ماهو بدعه ويخالف العقيده...الشرع اهون واخف واوسط لنا

اللي يمشون عالعرف اصلا هذول صعب اتغير رايهم anyway
ولو ان بعض الاشياء ك مجتمع تحتاج لقوانين عرفيه صارمه للحفاظ على مبادئ تتغير بهالقرن الجديد

نرجع لسالفة نص الدين اثناء التوظيف الحين
ترى الدين اصلا سمح للرجل الذي يؤتمن عليه بأن يكشف عالمرأه
وفي فتاوى قويه..فتاوى .. الالباني..ابن عثيمين..السعدي..ابن تيميه..ابن باز..
مابي اقول فتاوى غير هذول..لان هذول اساس معتمد

ولحد يجي يقولي اجتهادات..خل اجتهاداتك لنفسك
انا بمشي على اقل الأمرين والاضمن فالسلف وبالاجتهاد

المهم ..

شنو يقول بن باز ك مثال واحد بس
يقول : التطبب عند الرجل من المرأة عند الحاجة والتطبب من الرجل عند المرأة عند الحاجة لا حرج فيه

فلاحرج اذامن الضروره

هو صحيح اشجع نساء تعمل بهالشي عشان لانحتاج للرجال لاحراج نساءنا
بس والله حتى نساءنا الحين بعد مانشوف سوالف المدارس قمنا نخاف من تصرفاتهم
عالعموم..ترانا موافقين على الفكره .. الكل تقريبا..بس احنا نقول الاوولويه عيل للارامل والمطلقات .. دام ماعندهم يهال او اكبروا عيالهم..ومالهم شي غير الله..فخلهم يشتغلون انخفف من المشاكل اللي موجوده بالمجتمع
وعقب الأم اللي عندها عيال لو لها عازه تشتغل..الله يوفقها..محد بيقول شي..وتوافق بين الاثنين
عرفت شلون

والكلمه السريه فالموضوع هي:

كل امر معلوم من الدين بالضروره

:]

[Dana’1]

صحيح كلامها عسى الله يصبرها آمين يارب العالمين

واللي يقول كلامها غلط.... اقول مطلب المرأة واضح هي ما تبغى ويمكن حتى ما ترك عياله عشان طلعة والا مسيار ... طلعت عشان وظيفة مهمة هي تعليم الطالبات ما تعلمتة هي بالماضي

اذا ماوفرت الوزارة هذا االشرط البسيط والمهم
اقترح ان المدرسات يتركون دورهن بتعليم الطالبات مو لازم علم وتعليم على حساب عيالهم
يتعلمن بالنت والطرق كثيرة
او خل الرجال يدرسون البنات كثير يبغون الوظايف ومحتاجينها!!!

او يعدلون قانون العمل حيث ان الام العاملة اذا رزقت بطفل .... تجلس معة للحين دخولة للمدرسة وراتبها يمشي اكراما لها رايضا بالماقبل يكثر التوظيف
فيكون من يسد مكانها هذي السنوات..... خصوصا وان الدولة ثرية وقادرة على صرف هذة الاموال ... في اصلاح حال المرأة حتى واذا النساء ما اشتتغلن
وحتى اذا ولا رجال اشتغل تقدر تصرف عليهم
فلية يبخلون على بنات البلد ... والي يخدمن البلد بتعليم اجيالة ....
بقوانين تنصفها وتصلحها وتحفظ لها ولأبنائها حياة كريمة

***اتمنى فعلا ان من يستلم زمام المرأة بالمملكة من تطور ووووالخ وتكون ميزانيتها بيدة
من هو امثال الدكتور سعود الهاشمي القابع في السجن محكوم علية 30 سنة...ولا نزكي على الله احد

هذا والله سبحانه وتعالى أعلى وأعلم

[لاجل QT]

اعتقد ان من الواجب على الوزارات والموسسات انشاء حضانات للموظفات لديهم وخصوصا في زمنا هذا ان يجب على
البنت ان تعمل وان العمل اصبح الزامي للمراءه

نعم الرأي
اتفق مع اخوى حسن حل عاقل وواقعي

[متفائل وايد]

انا أؤيد وبقوووووه انشاء حضانات في اماكن عمل المرأه
ولي اهل في الامارات وهالشي موجود عندهم منذ فتره
وان شاء الله الدوله تراعي خواتنا وحريمنا في هالشي

[نوار قطر]

على ما وصلني في البلاك بيري ان الملك عبدالله امر بمنع استقدام الخادمات الاندونيسيات منعا باتا ( مع ان الي اعرفه ان السعوديه من قبل مانعين الاندونسيات والفلبينيات اقصد قبل الحادث) والزام كل جهة عمل ببناء حضانه خاصة للموظفات والله اعلم

[qatara]

ضيعت الامانه