خدعونا وقالوا .... دبي ارخص من قطر

[شمعة الحب]

السلام عليكم ورحمة الله وبركاته
أخي العزيز الكلام صحيح مئة بالمئة ولكن لو تشتري كل شيء جملة أرخص من سعر الحبة
أخي العزيز دبي رخيصة في التقليد دبي اصبحت تجارتها غش في غش كل شيء تقليد حتى الموبايلات تقليد الأدوات الكهربائية تقليد كل شيء تقليد ..........
شريت جوال من اتصالا ت وقالي والله اصلي جيت الدوحة استعملت الجوال اسبوعين احترق الجوال رجعت الأسبوع الثاني دبي لأني كنت أسافر كل اسبوع قلت له الجوال تقليد قالي من قالك وقالي بعطيك واحد ثاني قلت أنا أسألك سؤال الجوال تقليد قالي ما أدري قلت له يعني تقليد قالي اي سامحني وعطاني فلوسي المهم خلاصة الكلام .......

دبي غالية في بعض الأشياء ولكن أرخص من قطر
عيب محلات قطر وعيب البلدية والله العظيم بالربع بقولك في محلات في قطر يبيعون مثلا شيلة سعر الجملة 10 ريال يبيعها 110 ريال والله هذي حقيقية ولا أريد ذكر أسماء المحلات
لو البلدية تبي أسماء المحلات مستعد أنا مسوي كشف لكثير من الملابس في السوق القطري وسعر جملتها وسعر البيع سرقة في سرقة والله اين قانون حماية المستهلك ....

الشيء الأخر لا تلومون التجار والله والدي تاجر من ستين سنة الله يرحمه وانا كملت بعده
والله السجل التجاري صار غالي جداااا كل شيء الف ريال و500 ريال
نبي قانون ينظم هذي العملية ...
يعني تغير أسم كنت تغيره 10 ريال صار 1000 ريال يعني زادوا 990 ريال شدعوه بس جذي بدون اي تخطيط والله
اسم المحل قبل 15 أو 20 الحين الف ريال
كل شيء قالك الف ريال الفين ريال تطلع من الرخص وانت تسبهم سب والله ولا تفكر حتى تفتح محل ولا خرابيط
خاطري أعرف من الي وضع هذي القوانين وعلى اي اساس يزيد هذي الزيادة ...
والله لو هذي طريقتنا والله راح الأسعار تزيد أكثر واكثر ليش ما نفكر بعقلانية أكثر لجذب الناس الى دولة قطر وشراء كل شيء من قطر بدل الذهاب الى دبي
حبيت أقولكم شيء وابيكم تاخذون بالكم من هذي الموضوع قطع غيار التويوتا أو النيسان
روح أشتر قطع غيار من وكيل التويوتا الي برع مثل محلات البتراء أو الخاطر أو الشهواني أو غيره تره كله تقليد مش اصلي وكلها من دبي .... أشتر قطعة وروح الشركة يقولك مش اصلي عيل اشلون وكيل بس جذي كذب على الناس ....
روح اي محل اليوم وقوله ابي بلاكات حق سيارتي يقولك في نوعين في نوع 10 ريال وفي نوع 12 ريال .... اشلون ابي أفهم وين حماية المستهلك من الغش حتى في المحلات الكبيرة
وين شركة التويوتا من هذي الألاعيب بس اسم على المحل تويوتا ونيسان بس جذي كذب في كذب .....
أتمنى من وزارة الأقتصاد وضع حد لهذه الظاهرة الخطيرة .....
ترى حتى لبس الرياضة اديداس كلها صينية تقليد مئة بالمئة ويبيعونها أنها اصلية وين الرقابة حرام عليكم ........

والمحلات الي في السيتي ولا محل يبيع اصلي كلها من الصين وتقليد ..........
أتمنى الحذر ....

على طاري الشيل في سوق الصنادق بدبي 8 و10 ريال وفي سوق الديره 50 و45 لنفس الشيله بالضبط بدون فرق ...لا وفي بوهيل عمارة العبايات في محل من المحلات بنت اخوي فصلت عباية 1200 وانا خذتها من عندها وفصلتها في نفس العمارة عند محل ثاني 500 ..لا وفي وحده تسوي عبايات في البيت عباياتها بعد لا تقل عن 1200 1300 سوتها وحده في الدوحة وبنفس الخامات 300 ريال ..انا شفت عباية في محل الستي سنتر من مده وعجبتني وترجيت العامل ينزلها الى 1000 مارضى الاسبوع اللي فات معروضه 330 .. وخاصه اذا عندك فلوس ومستعجل وفي خاطرك الشي وانت تدري انهم يستغفلونك خذ وامشي و دلع نفسك ..والمبايلات نفس السعر لا تقول دبي ارخص الحين الاسعار متشابه ولو حسبت التذكرة على الاقامه على المصاريف اغلى لو انت شاري البضاعه في بلادك والكمبيوترات كلها تركيب قطع من كل قطر اغنية حتى في الشركة الام نفسها ... التجاره شطاره بس احنا الدلع والزبو ذابحنا ..

[سهم طايش]

سوق الصنادق بدبي 8 و10 ريال

شموديج سوق الصنادق

[شمعة الحب]

شموديج سوق الصنادق

بل بل بل يخوك لا تستهين به حق العجايز هديا اغرف من الشيل والايله والقطع على قولتهم عامودي شيل القطعه 10 ولا الحراير يقولك بيور سلك ويوريك الدمغة بعد المتر 35 وتحت اغرف وانت ماشي ..ولا بضاعته فله ماتشوف الا سياير هل الدوحة بس صافه هناك لكن سوق المقبره الحراير يمكن نفس الشي بس العامودي ذبحينا فيه

[خاربه خاربه]

يعطيكم العافيه يارب

شفت ردودكم الساخنه واعجبتني كل الردود

وانا ماعندي رد لأن بصراحه ماعندي فرق

ما اشوف السعر بس عجبني خذي وامشي

بس من اليوم بشوف السعر

[القلم الصريح]

حديث في عضل كل واحد ..وكل واحد يفهم المعنى
قال صلّى الله عليه وآله : إذا غضب الله على أمّة ولم ينزل بها العذاب ، غلت أسعارها ، وقصرت أعمارها ، ولم تربح تجّارها ، ولم تزك ثمارها ، ولم تغزر أنهارها ، وحبس عنها أمطارها ، وسلّط عليها شرارها .
وقال صلّى الله عليه وآله : إذا منعت الزّكاة هلكت الماشية وإذا جار الحكّام أمسك القطر من السّماء ، وإذا خفرت الذّمة نصر المشركون على المسلمين

[23سلطان]

حديث في عضل كل واحد ..وكل واحد يفهم المعنى
قال صلّى الله عليه وآله : إذا غضب الله على أمّة ولم ينزل بها العذاب ، غلت أسعارها ، وقصرت أعمارها ، ولم تربح تجّارها ، ولم تزك ثمارها ، ولم تغزر أنهارها ، وحبس عنها أمطارها ، وسلّط عليها شرارها .

صدقت وصدق رسول الله صلى الله عليه وسلم

كل الي كتبته ساير تقريباً