الواقع ياخوي ان جو الدوحه بشكل عام حار صيفا بارد شتاءا
وبالنسبه لنا احنا الرجال اغلب الوقت الراس تلفحه الشمس الا اذا رايحين الدوام نلبس القحفيه والغتره والامور طيبه
وفروه الراس ما تتعرض لحجب الهواء والشمس
بعكس اخواتنا النساء تكون شيلتها على راسها معظم الوقت ويلبسون الاسود اللون اللي يمتص الحراره اكثر من الابيض
هذا غير ان اغلب الماه حاره ونسبه الكلور عاليه تؤد للجفاف الشعر وفقد ماده الكيراتين اللي هي الطبقه الاولى الي تغطي الشعر الطبيعي وتضفي عليه المرونه واللمعه
بالتالي تلقى الشعر باعت ومتقصف ونفس الشي تسببه الصبغات وكريمات فرد الشعر والسشوار والفير على الامد الطويل
لذا انصح خواتنا واخوانا الشباب الي حبون يطولون شعورهم يستخدمون لكيراتين البرازيلي هو ثوره في مستحضرات علاج الشعر يرجع الطبقه الي تضف اللمعان والرطوبه والنعومه للشعر ولمده ست اشهر ويستخدم معاه شامبو جونسون للاطفال
لان اغلب الشامبوهات اللي بالسوق مهما بلغت قيمتها العاليه تزيل طبقه الكيراتين لما فيها من روائح عطريه وماده الصابون اللي تجفف الشعر
الامر الاخربعد الاستحمام باماي الدوحه العادي اخر غسله فلتكون بغرشه ماي غراش للشرب لان مافيه كلور
وهذي نصيحه
الامر الاخر يجب استخدام مرطبات الشعر وبقدر المستطاع الابتعاد عن الفير الرخيص واستخدام ماركات مثل سوني وسوني وبانسونيك حيث ان الفير يكون عباره عن طقه كريستال تحمي الشعر من الاحتراق
الامر الاخر استخدموا السيريوم وهذا الكلام موجه للجنسين من الذكور والاناث الي يبي يحافظ على نضاره شعره ويكون كاشخ عدل
واخيرا وليس اخرا عليكم بفيتامينات الشعر والاظافر
ويمكن شرائها من الصدليات والانتظام على تناولها وسترون النتيجه خلال ثلاث اسابيع مع ملاحظه سرعه استطاله الشعر
حبيت افيد الجميع لانها اشيا استخدمها شخصيا ومبسوط منها
الله يخلي خواتي علموني