إلسلام عليكم
حد عنده فكرة شنو أنسب علاج للي صايده تسمم !
غير استخدام الإبر .. اعترف أني جبان أمام الإبرة
ثلااث أيام الحين
اللہ يديم عليكم الصحة والعافية
خليفة
انسب علاج تجده عند الطبيب
لاتهمل نفسك مهما كنت تخاف من الابر
اعتقد انك تشرب ماي واجد وحليب بكميات كبيره
اللهم ابعد عني كل من اراد
بي السوء واحفظني من شر
الحاسدين وابعدني عن من
يجيدون فن تزييف ابتسامتهم
بخباثتهم يظهرون عفتهم وفي
باطنهم خبث لا اعلم به اللهم من
نوى بي شرا فاحفظني عنه ومن
نوى بي خبثا ونفاقا فاكشفه ومن
اراد ايذائي رد كيده في نحره
فإنت حسبي ونعم الوكيل
التسمم علاجه مب ابرة ياخوي خليفة ! لاتهمل نفسك ترا التسمم مب شي بسيط
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
سلامات ان شاء الله .... الف لا بأس عليك يا الغالي ... اجر و عافية
تجيب قشرة بصل او ثوم و تفركها مكان الجرح اللي فيه تسمم .... و ما لك الا هالحل ... ولا طبيب و لا يحزنون
لا تصدق ترى اتغشمر وياك.... اخوي اشلون منتظر 3 ايام على التسمم....مب خايف على حياتك و الا اشلون
اختي روح
رحت للطبيب .. وعطاني علاج ومن ضمنه أبره للتسمم
خذت العلاج .. ورفضت الأبرة
المسألة مش مسألة خوف من ابره .. المسألة مسألة رعب لحد الجنون منها
شكرا لج
ما اشرب الحليب نهائياً
والماي اشربه بمعدل طبيعي
يزاج الله خير يا ضوى
الله يسلمك
انا شاد حيلي اقرا توصيتك وانا مستغرب
زين انك تتغشمر هههه
التسمم الي فيني يالغالي في البطن
مش تسمم من لدغة حيه .. او قرصة عقرب
اطبخ لك حلبة وحلوة وسنوت وشرب منها
ومعليك شر اجر وعافية
كأس ماي بارد وحط عليه ملعقه خل تفاح
والله يشفيك
صاد ولدي وعطيته الخل ومنعت الأكل اللي فيه بهار ودهن والدجاج واللحم
وأحسن شئ خبز ولبنه وشاي احمر مده 3 أيام
طبعا أخذ لك زنتك يريح المعده شوي...
وسلامات
لاتخاف ولاشي ماعليك إلا العافيه
التسمم يصيد العالم كله
اهم شئ اكل اكل خفيف واشرب شاي احمر وسفن اب وروب
إلا إذا معاك ترجيع لازم أبره توقف الترجيع وإلا إذا إسهال عزك الله وعز الله الأعضاء
تحمل تأخذ شئ يوقف الإسهال لان الجرثومة تنزل وترتاح ...
بس اكل آكلات خفيفه وأخذ حبوب زنتك وبسكوبان مسكن أو بندول
دام ان السالفه تسسمم غذائي
هذي الله يسلمك فيروس منتشر مافيه حد اعرفه الا وصاده هالايام الم في البطن وترجيع والبعض حراره
خلك بس على الروب والعيش الابيض وشوية سفن اب كم يوم وانت بخير ان شاء الله
اجر وعافيه