بيتي جاهز ومحتاج مشورتكم

[Black Cat]

السلام عليكم
بيتي جاهز ومحتاج مشورتكم عندي صالتين اب ياغير صبغها وحده والثانيه اركب لها ورق جدران في ايش ابدء بالاثاث
او بالفرش او تركيب المكيفات او او
ياليت اللي عنده خبره يعطيني بالترتيب

وايضا عندي سؤال المكيفات سبيلت كامل البيت
هل اركب تروبكال وماهي عيوبه
وياليت اعرف كم متر الالمنيوم الابيض للابواب
وجزاكم الله خير

[شموخ دائم]

,

,

مرحبا

بالتوفيق لك

اذا الارضيات مبلطه و راكبه والسقف جاهز من جبس واضاءه

بعدها تدخل في :_

تجهيز مكان المكيفات احيانا يصير تكسير في الحيطه
وتصليحها وعمل ترميم خفيف حول بيب المكيف ( اذا سبليت )
بعد التجهيز والتاكد من كل الحوائط تتوكل على الله :_

1- الصبغ ( اعمل سنابل للون الصبغ بالحيطه قبل الصبغ كامل )

2- التكييف ( تاكد من صبغ مكان المكيف قبل تركيب المكيف )

3- ستاير وموكيت

4- الاثاث من اطقم كنب وطاولات وتحف واكسسوارات


بالنسبه للامنيوم الابيض سعره عادي اذا كان للشباك او الباب بحدود 400 ريال متوسط وممكن ارخص
لكن يعتمد اذا تبيه دبل قلاص السعر يفرق الضعف تقريبا للمتر



بالتوفيق لك



اخوك


شموخ دائم

[masr]

بالتوفيق لك

[Black Cat]

يعطيك العافيه اخي شموخ وبخصوص البيت جاهز من تسليك وتمديدات ومصبوغ ايضا لكن حبيت اغير صبغ الصالتين ويمكن كم غرفه يعني البيت جاهز من كل شي مايحتاج الا انني اثثه فبغيت اعرف الاولويات في تاثيث البيت لكي لايصعب على شي اخر لم يكن في الحسبان
هل اركب المكيفات اولا ومن ثم افرش البيت وللعلم البيت مبلط والصالتين رخام يحتاج الى جلي
هل انظف البيت قبل تركيب المكيفات ام اركب الادوات الكهربائيه ومن ثم استدعاء شركه لتنظيف البيت

[dream~qa]

1. أول شي طبعا البحث عن الأثاث وهو اللي راح تبني عليه الديكورات والألوان الباقية اللي يكون ايجاده أسهل من ايجاد لون الأثاث المناسب .

2. توزيع الأثاث بشكل نظري في المكان ومن ثم اعتماد ديكور الحوائط على أساس توزيع الأثاث وأختيار ألوان الحوائط بما يناسب لون الأثاث .

3. بعد تجهيز الحوائط وصبغها ووضع ورق الجدران .. تركيب المكيفات وهو الأفضل ولكن ممكن تواجهك مشكلة أنهم يحتاجون للتكسير في مناطق محدودة تكون ظاهرة .. فممكن تحتفظ بعينات من الصبغ وورق الجدران أو أنك تركب المكيفات قبل الصبغ وأن كنت لا أفضل ذلك .

أخيرا تنظيف الأرضيات وجلي الرخام وثم وضع الأثاث والستائر .

[Black Cat]

wahaj

تسلم وماقصرت اخوي