ياهلا ومرحبا بالعريق
منوووور يا الشيخ
والف شكر لك على كلامك الطيب
بخصوص استفسارك اخوي
المسافه من باريس لجنيف بالقطار والسياره
والمسافه بالسياره
المسافه بالقطار اذا كان دايركت 3 ساعات و5 دقائق
وبالسياره 5 ساعات ونص
يعني بالقطار افضل لك اخوي
المسافه بين باريس وزيوريخ قطار وسياره
وبالسياره
اسرع قطار دايركت 4 ساعات و11 دقيقه
وبالسياره 7 ساعات و19 دقيقه
الخلاصه :
اتروح بالقطار افضل لك من السياره
وبالنسبه للقطار من باريس الى جنيف اقرب بفارق ساعه عن زيوريخ
تسلم الشيخ على هالمواقع المفيده والشرح الوافي .
ممكن تشرح لنا عن موقع القطارت الاي مستخدمه في المسافه بين باريس وميونخ
ويعطيك العافيه
ياهلااا ومرحبا اخوي بوسنافي
الله يسلمك من الشر
منور الصفحه اخوي
كان بودي اني احط شرح للمواقع الي استخدمها للقطارات
لكن مواقعهم مقعده اشوي
عشان تحجز تدخل تقريبا 10 صفحات
90 % من الصفحات مامنها فايده
يعني اطوفها لانها خاصه بلي مسجلين عندهم
هذي المواقع الي استخدمها :
الموقع الاول :
eurostar
والخطوط الي بالخارطه يكون هذا مسار القطار
الموقع الثاني :
rail europe
هذا القطار شامل تقريبا لكل دول ومدن اوروبا
الموقع الثالث :
bahn
محطه القطارات الالمانيه
شبكه لمعظم دول ومدن اوروبا
تقبل تحياتي
و اي استفسار انا حاضر
جزاك الله خير أخوي العزيز غير البشر على هذا الشرح الوافيً
الع_ ريق
(يقولون حلمي مستحيل و انا اقول...... ربي على كل شي قدير )
اخوي العزيز بنكثر عليك اشوي و الله يعينك
لو حبيت اخذ القطار و اطلع من باريس و اروح جهت بلجيكا و هولندا و المانيا يعني زيارة ثلاث مدن رئيسية و هي بروكسل و امستردام وكولون كيف بيكون ؟ يا ليت تخطط لي رحلة مدتها 6 ايام ( وهل تكفي ) ؟ و هل الرحلة بالقطار مريحة ؟ و هل تفضل هذه المناطق على زيورخ او جنيف ؟ انا بصراحة محتار بينهم !!!!!!!
الع_ ريق
(يقولون حلمي مستحيل و انا اقول...... ربي على كل شي قدير )
اخوي العريق بخصوص استفسارك
انا ما اؤيد تروح جنيف وزيوريخ
لسببين :
1- جنيف مافيهااااا شي غير البحيره
شووووو فقط
2- زيوريخ حلوه بس بعيده عليك من باريس
تقريبا المسافه بين 4 ساعات ونص
الى 6 ساعات ونص
طبعا هذا رأي شخصي
الا اذا خاطرك تزورهم هذا شي ثاني
بخصوص استفسارك للثلاث مدن
يتبع
ابي اروح ارولاندو لوس انجلوس لاس فيغاس ميامي
شورك طال عمرك
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
خط الرحله كالتالي :
باريس الى بروكسل الزمن ساعه و20 دقيقه
انا قبل رمضان كنت على نفس الرحله ممتعه
من بروكسل الى كولن ساعه و 45 دقيقه
او
من بروكسل الى دوسلدورف ساعتين ونص
حطيت لك خيارين لاني اشوف
دوسلدورف وكولن حلوين للزياره
حتى لو بنفس اليوم المسافه بينهم 20 دقيقه فقط
من كولن الى امستردام ساعتين و39 دقيقه
عندي سؤالين بعد اذنك
على اساس اجاوب على اسألتك
خط العوده نفس الشي او بترجع الدوحه من اخر مدينه
كم مده سفرتك كلها
ولما تختار المدن الاكيده
راح احط لك المده بالظبط والاسعار
ووميزات كل مدينه
لاني انا زرت كل المدن الي ذكرتها
وبالتوفيق