ما شاء الله عليك يا معماري خوش موضوع والله .. متابع لمشاركاتك ومواضيعك واسجل اللي يعجبني على جنب عشان بيتي اللي ببدأ ابنيه بعد 6 سنين ان شاء الله
ما شاء الله عليك يا معماري خوش موضوع والله .. متابع لمشاركاتك ومواضيعك واسجل اللي يعجبني على جنب عشان بيتي اللي ببدأ ابنيه بعد 6 سنين ان شاء الله
الله يوفقك مهندس عبدالله وشغل المهندسين لازم غير
إن شاء الله بيكون وقت مناسب خصوصاً بعد انفراج أزمة 2022 مع إن الدولة مسيطرة على الأوضاع والارتفاع اللي توقعناه ما صار بالعكس المقاولين متوفرين ومواد البناء متوفرة بكثرة
عندك وقت تخطط براحتك وانصحك بموضوع مراجعة التصاميم المعمارية بيفيدك
دوم أفكار التصميم تعطينا بدائل مناسبة لنا .. طبعاً فيه أساسيات لازم ما نتنازل عنها لو حبينا مبنانا يكون مناسب وقوي ويعيش فترة طويلة بدون مشاكل صيانة عظمى .. حتى الإنارة والتكييف والكهرباء بشكل عام لازم نسوي تمديداتنا وشبكة القواطع والحماية من أفضل الموجود في السوق وحتى ممكن نستورده من خارج السوق حتى نضمن سلامتنا
هذا يقودنا لاحتياطات الأمن والسلامة والمنازل الذكية وببدائل متوفرة وبسعر مناسب بدون التعرض للاستغلال من أشباه المصممين والتجار .. واحد يقول لي مصمم غرفة والدته ب 100000 بنظام اطفاء للانارة برموت وتكييف خاص وتأثيث .. ممكن يسوي هالأشياء بنص أو ثلث السعر لو حب بس اتجاهه لمصمم حطه في مزايدة وسعر عالي
إليكم مقال للبدائل المتعددة وأفكار تصميم الارضيات .. فلو مثلاً وقع اختيارنا على السجاد ممكن نترك الأرضية بصبية اسمنتية مسطحة ونظيفة بدون تبليط ووضع سجاد فخم مع حشوة تحتية مناسبة فلن تكشف الأرضية وسيبقى لنا المنظر الثابت ولو غيرنا ممكن نغير الأرضية حسب خيارات كثيرة يستعرضها هذا التقرير .. منها الأرضيات المصنعة كالسيراميك أو الفينيل أو قشرة الخشب الطبيعية أو البلاستيكية
فكرة 181
صار لي زمان هاجر هذا الموضوع لقلة الاطلاع وخايف من التكرار وهذي بإذن الله غير مكررة
تذكرتها لأني شفتها في مجلة وانا شرحتها قبل ناوي أعملها جلسة دائرية غاطسة تحت مستوى الأرضية حتى ما تغطي على الحائط الزجاجي المطل على حديقة خلفية .. حالياً مقترحها لأحد الإخوان وهو في بدايات التصميم وإن شاء الله يشوفها هنا منفذة وتوصل الفكرة
هذا شخص مهتم بالمنظر الخارجي وايد فالدرابزين فوق قزاز وبدون فريم ودعامات حتى يشوف الأرض حوله .. تحت نلاحظ الجلسة كيف معموله وحولها تبليط خالي .. ميزتها تنجيد الكراسي معمول مثبت مع الأرضية وخاص للمكان
لو مصغر السماعات شوي بس ومركب نوعية معدنية لامعة بتطلع وايد أحلى
النور يدخل الصالة من كل صوب وحتى تاركها بدون ستائر .. للي عندهم حديقة خلفية خاصة والخصوصية مضمونة يستحسن عملها بدون ستائر ونشوف تغير الوقت من خلالها على مدار اليوم حتى في الليل الاضاءة الخارجية بتسوي جو داخلي حلو
هذي صورة غلاف المجلة ومؤكد موقع التلفزيون جهة المصور
حلوة ما شاء الله وزين سويتها مساند والسجادة راكبة قطعة وحدة ومرتب قياسها من قبل شكلك
اللي حبيت أوضح له الفكرة عنده وراها بيكون جدار زجاجي يطل على حديقة وانا قلت يسوي حوض سباحة مرتفع والماي ينزل من جدام جهة القزاز مثل الشلال الصغير يكون يبين من الصالة .. وللداخل اللي مواجه الجلسة يكون ارتكاز الرؤية عنده على الحديقة بدون عوائق لذلك الكراسي تكون نازلة
نبي صور أكثر خصوصاً لمكان التلفزيون شلون رتبته والله يهنيك في بيتك وبالمبارك وأحلى وقت للسكن مع تحسن الجو
سؤال الدرابزين الحلو ذيه من سواه لك وكم طوله بالمتر وكم كلف؟
بعد واجهات الجلسة تبين لي سيراميك من وين حصلته وكم سعره؟
شكراً على المشاركة اخوي معماري قطري ورايك الطيب
الوضع الحالي مؤقت المساند هذه مؤقته لحد ما توصل الجلسة التفصيل بيكون شكلها غير ومغطية المكان بالكامل ،، بخصوص السيراميك الظاهر في الجلسة من عند انصار ستي فرع بروة واظن اني خذته المتبر ب45 ما اذكر بس الفاتورة موجودة ،، ومن خلال تجربتي مع الفيلا يا اخوي معماري مافي شركة او حد ينفذ لك اللي تبيه بالشكل المطلوب ، اللي ممكن ينفذ لك اي فكرة اتصور لازم يكون مهندس امداوم عندك في البيت غير هذا ماراح تاخذ شغل زين ،، بخصوص الدرابزين ما ابي اقول اسم المحل على شان ما اسوي له دعاية لانه شغله تعبان واخرني وايد ،، الدرابزين من بعيد يبين كشة لكن من قريب ماودك اتشوفه ، الفنش تعبان جدا والصب فيه شوائب والصبغ كذلك ، هذا غير ان خرب لي البلاط في التركيب وقطع الللحام اللي كانت تنزل على البلاط وتخربه ،،، بخصوص باقي شكل الجلسة اخاف من انزل الجهة الثانية يصكونا عين ^_^ ..
وتقبل تحياتي
قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (
فكرة 182
هي فكرة المنور العالي فوق النوافذ والأبواب لبعض الأماكن العامة كالصالات والمجالس والمطبخ .. تنفع للحمامات كثير كذلك لو سويناها بشكل منور مفتوح على شكل شريط علوي كامل بكامل عرض واجهة الحمام الخارجية لدخول النور .. شرحتها مرات قبل بس حصلت صورة والمميز فيها إنها فيها نقوشات جبسية وهذي تستخدم من القدم في اليمن وتسمى القمرية .. لأن نور القمر في الليل يتسلل منها
هنا نشوف اجتماع حكومي في مجلس ونلاحظ الستائر على الجزء السفلي فقط والجزء المنير فوق متروك مفتوح يبين جماله ويدخل منه النور