أفكار تصميم حلوة بالشرح والصور.

[معماري قطري]

صباح النور اخوي سالم

صحيح ودوم احاول اخلي المواقف قرب الملحق .. لو تشوف بيتي مسوي رامب بسلوب خفيف ورا ومن المواقف للداخل وجبت عربة حتى صندوق القمامة يشيلونه عليها ( الأكياس يعني ) ويودونها برا والتنزيل من السيارة للمخزن سهل وسريع مع وجود هذي العربة .. مدخل البيت الرسمي مسوي عتبة وحدة بارتفاع 12 سم ومسوي دوار بسلوب بسيط جهة المدخل

التصميم اللي ما يلبي سهولة الحركة وسهولة دخول وطلوع السيارة والتشجير في البيت والعزل الصوتي والحراري ما يكون مناسب

بعض الملاك ما يستوعبون لو تشرح لهم مسئلة بسيطة .. واحد مسوي مدخل البيت مرتفع 9 عتبات بس علشان البيسمنت ومسوي منور نازل تنفتح عليه الدرايش .. يعني لو يسوي الدور الأرضي بإرتفاع 30 سم كفاية عتبتين .. المشكلة البيسمنت كله خدمات وغرفة خادمة ما يستاهل التضحية

بيته ما شاء الله كبير ومسوي العتبات للمدخل بعرض كبير حول 15 متر وهذي ماخذة جزء كبير من الحوش .. بعضهم ما يترجمون الرسم الى واقع .. زين اتفقت معاه على التعديلات ورحنا للاستشاري وهناك أقنعت الاستشاري بوجهة نظري وهذا مع تعديلات كثيرة قال المالك بس انا ابي كذا .. زين عيل شفايدة كلامي

[بوخالد911]

هلا بك بش مهندس.
س
من وين أشتري كراسي حق البانتري.
ابي شي مريح ويفضل مع مسند للظهر.

[معماري قطري]

هلا بك بش مهندس.
س
من وين أشتري كراسي حق البانتري.
ابي شي مريح ويفضل مع مسند للظهر.

والله نسيت من وين ماخذهم .. فيه ارتفاعين اعتقد اللي يجون شوي طوال وتحتاج ترفع اطاولة أو الكاونتر لين 115 سم وفيه النوع العادي

شوف نابينا أو هومز آر آس وحتى عند ايكيا اتوقع موجودين

[معماري قطري]

فكرة 175

يوضحها هذا اليوتيوب لسلسلة اعملها بنفسك من مقاطع اليوتيوب التثقيفية

سويت مقاربة لها بس ببرواز خشب عريض وبمراية عريضة وكبيرة وبلجيكية ما تتغير طول العمر غير عن شغل الصينيين واللي يحفظها في الرطوبة شيء مهم وهو تغليفها بالخشب من الخلف والجوانب مع عزلها بشوية سيليكون عند أماكن الوصلات .. هذا يمنع أي رطوبة تخرب الطلاء العاكس خلف المراية

الصغيرة العادية تجي بحدود 2000 ريال وغش صناعة صينية تبين عيوبها مع الزمان أما اللي ببرواز تجي كبيرة وتعيش طول العمر وتعتبر قطعة أثاث

اللي سويتهم 3 وشريت لهم ليتات مقاربة للي في الفيديو حطيتهم فوق .. للرئيسي شريت ليت نيون مغطى صناعة ألمانية وصار له 11 سنة للحين ما تبدل .. طبعاً أشغله أوقات بسيطة ومعاه مخرج كهرباء موصل عليه واير موزع حق عدة أشياء للسشوار ولشحن الفرشايات

[معماري قطري]

هذي حركة حلوة بس ما عرفت شلون سواها .. شالغشاء الأسود ما ادري



بس تنعمل بسهولة بأي فريم ومراية اتوقع وعلى مستوى كبير

[معماري قطري]

فكرة 176

حركات انارة الال اي دي كثيرة في الديكور وأول مرة اشوف استخدامها للأرضيات

[بوخالد911]

والله نسيت من وين ماخذهم .. فيه ارتفاعين اعتقد اللي يجون شوي طوال وتحتاج ترفع اطاولة أو الكاونتر لين 115 سم وفيه النوع العادي

شوف نابينا أو هومز آر آس وحتى عند ايكيا اتوقع موجودين

1000 شكر لك.

[معماري قطري]

1000 شكر لك.

حاضرين للطيبين يا بو خالد

[معماري قطري]

حركات مقاربة بس للسقف وصراحة صوت موسيقى ولا كلام هذا اللي يركب ما يبي يعلمنا يبي يسوي الشغلة هو بنفسه .. يا ليت حد متمكن يسوي قريب منها عندنا

[معماري قطري]

فكرة 177

ما اعتقد هذي النوعية من الاضاءة موجودة عندنا .. لمبة بتقنية بلوتوث تشتغل كسماعة ممكن تشغيلها من التلفون

هذا الفيديو فيه ذكر عنها وعن طريقة عمل أرفف وتركيب برواز جديد لمراية قديمة