هذا اليكم موضوع جديد حاب الكل يشاركني فيه ونناقش بعض الأفكار التصميمية الغريبة والعملية والمبتكرة لبعض الأماكن.
بداية عجبتني هذي الفكرة اللي أنقلها لكم عبر الصورة ذي، وهي لجلسة سقفية في مبنى مطل على نهر، وكيفية معالجة فتح المكان دون إخفاء المنظر بواسطة الزجاج المقوى، مع عمل فتحة خاصة لإخفاء التلفزيون داخلها وقت عدم الإستعمال.
والتلفزيون يتقاطع مع خط رؤية النهر بدون تضييق لمجال الرؤية وفي جو جلسة رومنسي هاديء مع نار المدفأة الحجرية.
لبعض غرف النوم الكبيرة من الممكن تقسيمها لجزء للنوم مع عمل حائط مستعار خلف السرير، وهو يعتبر كفاصل بين مثلاً جلسة أو ممر لغرفة ملابس وتكرمون الحمام.
عجبتني الاولى بس وين اقدر اسوي نفسها؟ اقصد اي مكان فالبيت؟
فكرتها حلوه للي عنده جلسة خارجية للتلفزيون اللي يطلع من الأرضية .. بس بيحتاج لشغل وتجهيزات بتكلف أغلى من قيمة التلفزيون لو لقيتها .. الأفضل يكون كبت بباب ينفتح ويكون معزول عدل عن الغبار ولا في بيئتنا كلش إنسى الفكرة... بس حلوة لو عندك جلسة زجاجية وتبي التلفزيون يكون مخفي ووقت تبي تشغله يطلع ووقت تبي تخفيه تكون الواجهة الزجاجية كلها مفتوحة.المشاركة الأصلية كتبت بواسطة خالد32
فكرة تصميمية رقم 3
وهذي الفكرة تتلخص في إننا نفكر خارج الصندوق أو الحيز .. وهنا فكر المصمم في دمج ممرات المبنى والدرج مع خارج المبنى، وبحيث يتم الدخول للشقق عبر أبواب خارجية وترك المستويات مختلفة للمداخل.
الفكرة رقم 4
معالجة زاوية معينة في صالة أو غرفة أو مكتب بعمل رسم بألوان على الحائط كما في هذه الصورة.
فكرة 5
هذا مصعد مركب بطريقة تخلي الواحد يستفيد من المنظر الخارجي قدر الإمكان وبزجاج بدون فريم.
وهذا التصميم الإعتيادي تقريباً لمكان المصعد وهو قرب الدرج.
يعطيك العافيه اخوي معماري قطر على المواضيع الحلوة
حبيت اشاركك بهذي الصورة لفيلا درايشها على شكل قلب
واترك التعليق لك .
الله يعافيك إخوي بو دحوم
حركة حلوه صراحة ..بس واضح القلب بعد في التوقيع شكله بيتك ذيه
بس مهب مبين للبعيد لأن في الدور الأرضي بيغطيه سور البيت، ولو بين بيشتهر البيت بعدين بيت بو قلب خصوصاً لو على شارع عام شيفك راعيه بعدين.
^^^
ألاحظ في الصورة إن الدرايش اللي فوق مهب على نفس الخط على الدرايش اللي تحت والعمود اللي على اليمين يبين لي شوي مايل.
ضوابط المشاركة
رد مع اقتباس
