فكرة 6
هذي الفكرة تتلخص بعمل حيز داخلي مفتوح للسماء وتطل عليه نوافذ البيت ويكون جلسة خارجية بسيطة، وهذي جسدها أحد المصممين العرب من إسمه يبين لبناني أو شامي أو مصري وهذا التصميم مأخوذ من مجلة أمريكية.
وهذا التصميم يتداخل معاه تصميم حماية النافذة من الحديد المشغول المنحني بانحناءات تتناغم مع الدزاين الموجود في ورق الجدران.
ما شاء الله ...موضوع جميل جدا يعطيك العافية وفي انتظار جديدك ..
رقم سته عجبتني كتير
اخي الكريم ..هلأ لما بلشو بالجامعة يعلموكم كيف ترسمو الخرايط او شو المبادئ الاساسية لرسم مبنى معين شو كانو يعطوكم بالضبط ؟ اقصد اسم كتاب او اسم الكورس ؟ وكمان شغله سمعت عن الـgoogle sketchup ? اسفة ما بدي اعجقلك الموضوع واطلعو عن مسارو بس اذا حاس النقاش ممكن يطول ممكن تفتح موضوع ثاني او تنتقل على الخاص ..جزاك الله خير
الحمــــدللـــه
ما شاء الله عليك أخوي معماري .. مميز كالعادة ..
الفكرة 2 مطبقتها بالفعل من فترة عندي في غرفة النوم .. خليت غرفة الملابس ورا ظهر السرير اللي خليته جدار مستعار وطلعت روووووعة ولله الحمد وخدمتني وايد ..
وكانت بداية الفكرة من جزء بارز على جانب الغرفة (عمود).. كملته بجدار مستعار خليته نفس الصورة بالضبط ..خلفية للسرير
والمدخل خليته مثل الصورة مفتوح لين فوق لأن هذي تصاميم المودرن .. أغلب الناس يسوونها بمدخل أو قوس ..
وبعد سويت في أول دخولك للفتحة الجانبية بار صغير وفوقه مرايه وطلع مميز ..
ومع إن الغرفة 5 * 7 بس إلا إني قدرت احط فيها سرير وجلسة ، وغرفة ملابس وبار بالراحة وبشكل عملي وراقي .. والإضاءات خليتها إن دايركت حوالين السرير و حوالين المراية الكبيرة اللي حطيتها قدامه .. يالله عاد ..ننتظر منك المزيد من الأفكار..
بالعكس إختي النقاش مفيدالمشاركة الأصلية كتبت بواسطة elders
في الجامعة كنا ناخذ الأساسيات العلمية من فيزيا ورياضيات كم كورس ومواد إختيارية ومواد تخصصية تدرجية في الرسم .. والمشكلة غالب اللي تعلمناه يدوي .. والتطوير يجي بعد الدراسة من حيث الإطلاع وتعلم برامج الكمبيوتر التخصصية .. ودراستنا كانت جزء كبير فن وجزء كبير علم مواد من تربة ومن خرسانة ومن حديد وإضاءَة وتكييف وخدمات مياه وكهرباء .. انا الحمد لله حصلت بكالوريوسين معماري من مدرسة الفنون وهندسة مدنية من مدرسة العلوم .. من جامعة ميامي في فلوريدا .. لتكونين تفكرين تدرسين هندسة؟
معليش انا باتكلم بإسم الجمهور
الجمهور يطالب بصور للي قلتي عاد كيفج
جزاك الله خير ..
انا عم بسأل تحديدا عن مواد الرسم ..بعد الرسم الهندسي اللي بياخدوه كل اقسام الهندسة شو المادة او الكتاب اللي بديتو فيه مشان رسم الخرايط لاي مشروع صممتوه بعدين ...يعني مثلا انو رسمة الشباك او الباب او الدرج كيف بتكون في الخرايط وهيك اشياء ..
ماشاء الله بالتوفيق اخي ..لا ابدا انا ما عم افكر ادرس انا لازم ادرّس هيك مادة ومش عارفة التسلسل المناسب ولا قادرة اعتمد مصدر موثوق !!
اللي بدي اياه تحديدا اسم الكورس او الكتاب او تسلسل بتحسو مناسب لمادة تصميم بسيطة لمباني واللي ضمناً رح تكون اعمق من الرسم الهندسي اللي بياخدوه كل تخصصات الهندسة باول سنه ..
الحمــــدللـــه
إذا تعلمتي الرسم الهندسي فقط بدون مباديء هندسة وأساسيات بيكون صعب .. بعدين تسئليني عن كتب بيني وبينها فترة 20 سنة وأكثر مستحيل أتذكرها مع إن بعضها موجود عندي بس لازم أسوي فرز .. السهل إنج تشوفين كتب تعليم الرسم الإلكتروني الأوتوكاد أو الثري دي ماكس أو غيرها من البرامج .. وعندج بعد الآركي كاد .. في البداية تركبين نسخة من البرنامج عن طريق مبرمج وبعدها تنزلين الكتاب من النت أو تشترينه وللتنزيل عندج موقع 4shared.com وتنزلين منه الكتب بصيغة بي دي اف .. وبالتوفيق إن شاء الله.
جزاك الله خير اخوي ..اسفة على تحويل مسار الموضوع
الحمــــدللـــه
حياج الله وبالعكس أسئلتج هي أساس هذي الشغلات كلها .. لولا الرسم والخيال والعلم ما نوصل لهذي التصاميم المدروسة والموزونة من كل النواحي.
فكرة 7
هي عمل درج بسيط وعملي مع مصعد بواجهة زجاجية في مكان واحد .. أفضل بكثير من عمل درج مبالغ فيه وغالي.
وهذه صور أُخرى لبعض المصاعد الحديثة.
فكرة 8
إيجاد حيز معين سواءً في البيت أو حتى مقر العمل للإسترخاء ولمشاهدة فلم بعمل سينما منزلية لعدد بسيط من الأشخاص يكون في العادة فكرة ناجحة.
فكرة 9
عمل موقد نار زجاجي في حديقة المنزل يبعد عنا الدخان ويبعد الهواء عن النار ويجعل نورها مرئي من ورا الزجاج ودفئها يصلنا.
ضوابط المشاركة
رد مع اقتباس
