الديرة ممله يا اخوان
ما العمل؟
أين نذهب؟
متى؟
كيف؟
تجاربكم؟
خططكم؟
أفكاركم؟
صوركم؟
أجواء عائلية
أجواء زوجية
أجواء أطفال
أجواء موسمية
أجواء دينية
كيف نقتل الملل في قطر
الديرة ممله يا اخوان
ما العمل؟
أين نذهب؟
متى؟
كيف؟
تجاربكم؟
خططكم؟
أفكاركم؟
صوركم؟
أجواء عائلية
أجواء زوجية
أجواء أطفال
أجواء موسمية
أجواء دينية
كيف نقتل الملل في قطر
فتحت الموضوع لأني الآن في موقف محرج أمام اطفالي
انا في البيت
مسجد
البيت
مسجد
البيت
زيارات
مسجد
البيت
وبعدين يعني
يالربع والله ملل .. الديرة مافيها شي
العيد بدا ومب عارف وين اودي عيالي
كل الاماكن مملة
اخاف تخلص الاجازة ونرد دوامات والعيال ما استفادوا شي
افكر اروح الشمال ....
زين وبعدين شفيها الشمال
مادري شاسوي .... وهقه
زعلتني. شلون الديره ممله. انت جدولك محتاج تعديل
شوف لكل انسان ميول ولكل اسره طبيعتها ( ميول الزوج + ميول الزوجة)
حلو لو انك قبل العيد بفتره حاجز لك شاليه ولا استراحه ليله ولا ليلتين تغير فيهم جو.
من الاقتراحات عندك الله يسلمك تمر المنتجات اللبنانية و تاخذ مشاوي نيه و خيشه فحم و دوه و دلالك و تودي الاسره سيف من اسياف الشمال او السيف الغربي.
او تاخذ فيهم لفه وقت العصريه في سيلين و على المغرب تشوف لك طعس نظيف على مدخل سيلين تظبط عشاك فيه و ترجع البيت.
ممكن انك تاجر سمبوق او يخت نص يوم.
فيه اشياء حلوه كثير. بصراحه افضل شي اشوفه الشخص رب الاسره الي ممكن تكون عنده امكانيه ماديه انه يشتري ارض خارج الدوحه يسويها استراحه عائلية و يربي فيها حيوانات
التعديل الأخير تم بواسطة Aaziz ; 27-10-2012 الساعة 08:45 PM
نفس الحالة والله مادري وين اودي العيال ومتوهق نفسك
الاسياف كلها عنن حالياً ..
والفنادق فل والشاليهات فل !
وماعندي ميزانية اسفر العائلة هالاجازه !!
شنو يعني اوديهم جنغل زون وبس
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
فيه اسياف ممنوع فيها العنن. ام الحول و البشيريه
و عندك الساحل الغربي من عشيرج لين دخان بكل سهوله بتلقى مكان فيه خصوصيه و عندك ام باب
فيه عندك المولات
مشاركة في المهرجان
وفيها برامج حلوة
ادخل موقع هيئة السياحة
بتحصل جدول فيه البرامج مع توقيتها
ممكن تاخذ عيالك على السيف صوب دخان وتنصب خيمه والله وناسه احلى من الشاليهات والتكاليف اللي مالها معنى ولها طعم ثاني ام الشاليه بطلع من اطوف اروح على اطوف. ولو الغزل مسموح بتكون الكشته قمه في الروعه عن تجربه قبل منع الغزل.