انترلوك امام البيت ؟

[wadha-qa]

السلام عليكم

اخواني بخصوص التبليط امام البيت بعد الانتهاء من اعمال البناء هل هي على المقاول ولا البلدية ولا صاحب البيت

احنا تابعين لبلدية الدوحة اذا تعرفون شخص مختص بهالموضوع ياليت تفيدوني وشكرا

[Bozizoo]

اختي اذا كان مذكور في العقد فالمقاول ملزم فيه
اما اذا لم يذكر في العقد لا
لكن في الحاله الثانيه يعتمد على العلاقه بين المالك و المقاول

صباحك مقاول

[المحقق كونان]

اذا كنت تقصد المساحة الي بين سور البيت والرصيف

اشغال تسوي لك انتر لوك من الباب الصغير لين رصيف الشارع وتسوي لك قار من الباب العود للسيارة لين الشارع بدون رسووم لانها خارج ارضك .. المطلوب كتاب بأسم مدير ادارة الطرق وصورة من سند الملكية والبطاقة الشخصية ورقم الجوال

لكن اذا كنت تقصد الحوش .. فعليك او على المقاول اذا ذكر هالشي في العقد

[حمد بن سعد]

بسوي الانتر لوك الي بين السور والشارع على حسابي في مشكله من قبل البلديه او عادي الامور طيبه

[الواافي]

عادي لامور طيبه

[شموخ دائم]

,

,



مرحبا

خارج اسوار البيت هو خارج عن العقد واكيد المقاول ماله علاقه فيه
لان العقد عاده يذكر فيه السور فقط للبيت وخارج السور هو ملك للدوله

ودائما على المالك يقوم بعملها على حسابه
اذا بيته مو على شارع رئيسي

ولا يحتاج الى رخصه
دام انها بحدود ال 4 متر قاصر او زايد شي بسيط
وما تعيق الحركه او الرؤيه


اما البيوت الي على شوارع رئيسيه الدوله تقوم بعملها لتزيين المدينه
من تشجير ورصف وتبليط ومجسمات جماليه


,

,


اخوك


شموخ دائم

[wadha-qa]

انا اقصد الرصيف اللي خارج البيت بين سور البيت و الشارع

مشكورين ع الافادة

[Aozomblue]

لا اخوي انت تسويه على حسابك و الامور طيبة اعتقد المتر مع الشغل بحدود 80 ريال راسلني على الخاص لو حابب برسلك رقم واحد يخلصك بالتوفيق ان شاء الله

[wadha-qa]

لا اخوي انا لقيت عندي ورقه موجهه من شركة المقاولات الى مدير البلدية و نقطه رقم 14 الالتزام بعمل الاطوب الاحمر ( الانترلوك) على الرصيف المحاذي للفيلا
انا ماعندي النص بالضبط حاليا بس هذي الزبده

وكلمت اشغال قسم صيانه الطرق قالوا لي احنا نسوي قار عند مدخل السيارات + انترلوك اذا كان البيت ضمن منطقة تقام فيها مشاريع اشغال حالياً

[بو الجوري]

إختي وضحه

أولا الإنترلوك مب على حساب المقاول

ثانيا الدوله بدأت من زمان بعمل الإنترلوك أما البيوت الجديده
بس مب على طول طبعاً

مثلا من 5 سنين أو أكثر يمكن بدأو بالهلال القديم

وهالفتره أشوف مرتبين منطقة الثمامه ( إنترلوك )

وأعتقد هذي خطتهم ،

ثالثا نصيحه لاتسوين شي قدام البيت إذا المنطقه جديده

أنا كنت ناوي أسوي إنترلوك لكـن قلت بأجلها وجبت شوي كونكريت :..
والحمدلله إني ماسويت
لأنه الإسبوع اللي طاف بدوا تحفير قدام البيت عشان موضوع الصرف الصحي

المنطقه هي أم السنيم


فمن رأيي إنكم تأجلونهـا إذا منطقتكم جديده