السلام عليكم ورحمة الله وبركاته
صبحكم الله بالخير جميعا
الله يسلمكم امس كنت في مايا ومن ضمن طلبنا الماي وطبعا اغلب الكافيهات بتقدم للناس ماي ايفيان على اساس انها افضل حاجه مع انها مهب زينه لكثرة الاملاح فيها واللي تترسب في الكلى كونها المرشح في جسم الانسان لكن كثرتها تؤدي الى ترسبها لسنوات وعدم قدرة الكلى على اداء وظيفتها وفالنهاية تسبب الحصى
هذا مهب موضوعنا
الموضوع ان طعم الماي كان فحم ولحد يسالني وين ومتى طعمت الفحم بس هذا الوصف اللي ينطبق عالطعم
نادينا الفلبينية تشرب قدامنا وكشرت يوم ذاقت
طلبنا منها تنادي المانيجر اكيد كلكم تعرفونه وخليناه ويشرب ونفس الحكاية
قالنا بنجيب لكم كلكم ماي بداله ببلاش بس احنا قلناله مانبغي
قلتله ابغي الغرشة اللي شربنا منها اعتفس وداها داخل ولا رجع
تمينا ننتظر وخلال هالوقت هو راح بطل ثلاث كراتين واخذ كذا غرشة يجربهم وكلهم نفس الطعم الخايس
على طول بدلو كل الغراش اللي عند الناس وعطوهم ماي هاي لاند
وكلم الشركة على قولته وانهم بياخذون كل الكراتين ومنها الغرشة اللي نبيها
فالنهاية قالي صوريها قلتله لا تستهبل علي بس صدق صورته تاريخها والرقم حقها وتاريخ صلاحيتها لين شهر 12 سنة 2013 يعني باقي لها سته وشهرين
وماخليتها في خاطري خليته يصب لي في كوبين من غرشتين لهم نفس الطعم
ابغي اوديهم المختبر واشوف
تهقون وين اوديها وهل في جهة مختصة بهالامور؟