تساقط ااشعر

[حياة]

أول شي يجب معرفة سبب التساقط

يعني ممكن يكون وراثي
ممكن يكون نقص فيتامينات ومعادن
و ممكن يكون بسبب الضغط النفسي ... الخ

تتعدد الأسباب

والعلاج الأفضل يكون بعلاج السبب أول
وبعدين الزيوت و التونيك ... الخ

أنا جربت الميزو ثيرابي
هو مؤلم شوي
بس شفت منه نتايج زينه
و وقفته صار لي سنة ونص لاني زهقت

الحين استخدم تونيك حق شعري

و اشتريت فرشاة الليزر مالت الشعر
و عندي بعد دكتور رولر

مشكلة أي علاج .. لازم الانتظام و الصبر عشان النتيجة تطلع

واحنا عجولين

هلا وطن
اذا بغيتي الصراحه انا وبناتي كلنا تتساقط
شعورنا بكثره،.، بس مش شكل وحده من بناتي
شي مش طبيعي بالمره.،،،،
وادويه هي ماتبي تبب بس زيوت للشعر..
وطن كل الاجهزه اللي قلتي عنها مال الشعر
احسها كلها تجاريه مامنها فايده.. بس يجيبون
دعايات غير شكل واذا شريناها مامنها فايده..
المساج زبن حق فروه الراس بس مازلت ابحث
عن زيت يعالج تساقط الشعر وينبت شعر جديد،،،
والله كريم يااختج.،،

[حياة]

انا خذيت زيت من وحده بالمنتدى من فتره والله شاهد اني استفدة منه وبعدها اقاربي يسألوني واعطيتهم رقمها وماشاء الله استفادوا اكثر من مأستفدت لو تبغين رقمها عندي

هلا اختي
كان معاج تساقط ونفع هالزبت بعد الله سبحانه؟
اذا استفدتي ووقف التساقط ارسلي لي الرقم
ع الخاص الشيخه؟

[حياة]

[quote=لاجل qt;8559467]وايد يمدحون بول الناقة[/quot



هلا لاجل....
من اللي عاده يستخدم وزر الابل(بول الابل)؟
يستخدمونه اول العرب صح ... بس الحين
تعالي شوفي مابتلاقين احد يستخدمه

[حياة]

شكر خاص لكل من:
سكر نبات وسهم طايح
ادويه بنتي ماتبي..!! تبي زيوت
للشعر.،.
جزاكم الله كل خير

[وطن]

اختي يمكن عين

[ضوى]

تدرين اختي الغالية بنتي كانت مثل بنتج شعرها يطيح بشكل فضيع ، ادخل الحمام وراها اشوف شعرها بكل مكان وعقب السبوح اكثر واكثر ، عورني قلبي عليها كانت ترفض ادهن شعرها بدهن فاتكيا او النارييل بشكل عام ، هي زعلت على نفسها وقامت تدهين شعرها مرتين في الاسبوع وتخليه اربع خمس ساعات ، ويشهد الله انه وقف تساقط شعرها المخيف ، يمكن عشر شعرات او عشرين في اليوم شي لا يذكر من بعد كومة شعر مخيفة ، ولا زالت للان مستمرة عليه وصاير شعرها ماشاء الله ولا قوة الا بالله غليظ وناعم والحمد لله على كل حال

جربي زيت فاتيكا الصراحة ينبت الشعر ويوقف التساقط وغير هذا سعره معقول وموجود بكل الجمعيات

[حياة]

مشكوره ضوى ووطن
اتصدقين والله العظيم ان الشعر في
كل مكان ع المخده وفي الحمام وحتى
مكان اللي تسند راسها في السياره متروس
تعبت والله وياهم ... يبون يوقفونه بس مادري
كيف ..، انا شريت النارجيل الازرق .. وزيت الثوم
وزيت اللوز وتخربطت مادري ايش اللي استخدمه
لهم.،، فاتيكا تقول بنتي صديقاتها يمدحونه وانا
اشوف دعايته وودي اجربه..
والله يتمم على بنتج ويحفظها يااارب ويحميها
من العيون اللي اعوذ بالله ماتذكر ربها..

[ضوى]

خليها تجرب فاتيكا وضيفي له عصير جرجير صدقيني بتدعين لي عقبها خليها شهر تداوم عليه يوم ورا يوم وشوفي النتيجة وبشريني

كل التوفيق اختي الغالية

[حياة]

خليها تجرب فاتيكا وضيفي له عصير جرجير صدقيني بتدعين لي عقبها خليها شهر تداوم عليه يوم ورا يوم وشوفي النتيجة وبشريني

كل التوفيق اختي الغالية

عساج ع القوه فديتج ... فاتيكا انواع
اي واحد اخذ؟